NAMBAL BOLONGAN

-

Tukang cet lagi disambati/dikongkon nyaput prau mawa cet (ngecet prau). Anggone 'ngecet' migunakake cet warnane kaya kang dijaluki tulung dening sing duwe prau.

Nalika lagi ngecet dheweke nemoni dene ing badane prau ana sing bolong arepa mung cilik bolonge. Banjur tukang cet iku nambal bolongan mau kanthi permati.
Rampung olehe ngecet tukang cet mau sawuse nampa bayarane nuli pamit mulih.

Sawetara wektu sing duwe prau nemoni si tukang cet karo menehake salembar Cek kang gedhe ajine.

Si tukang cet kaget lan celathu :"Panjenengan rak sampun maringi bayaran kula ta pak?"
"Nanging iki dudu bayaran anggonmu ngecet bae nanging sliramu uga wus nambal bolongan ing badan prau", wangsulane sing duwe prau.

"Lho punika rak namung pedamelan alit pak, panjenengan boten prelu maringi kathah kados makaten namung kangge padamelan alit", ujare si tukang cet.

"Mbokmenawa awakmu durung ngerti ya, ngene dak kandhani ya. Nalika aku njaluk tulung awakmu ngecet prauku, aku lali kandha yen ing badan prau ana sing bolong. Bareng cete wus garing anak2ku njur padha mancing numpak prau iku.
Anak-anakku ora ana sing ngreti yen praune ana sing bolong kamangka nalika samono aku pinuju ora ana ing omah, sanalika aku kuwatir yen prau iku bisa bocor gawe bilai tenan".

"Puji Gusti..., nalika nyumurupi anak-anakku mulih padha slamet kabeh! Aku nyumurupi uga jebulane sliramu wus nambal bolongan ing badan prau mau.
Iya kaya mangkono sliramu wus nylametake anak-anakku. Apa kang kok tindakake dudu kok cilik maneh nanging sliramu wus nylametake nyawane wong liya. Jujur bae aku ora bisa bales kabecikanmu, iki dhuwit sing bisa dak wenehake sliramu ora sepiroa tampanana..!", mangkono juragan prau olehe paring wangsulan.

Eliding crita :

Bacutna anggonmu mitulungi, ngenthengake bot repote liyan, udinen tumindak kabecikan kanthi ndandani bolongan kang kok temokake!.

Sliramu ora bakal ngreti kapan tumindak kabecikanmu bisa migunani tumrap wong liya!
Sejatine kang bisa pinesthekake yaiku bakal bisa gawe piguna..!!

Rikala kita ngudi gawe cahyaning mring wong liya cahya iku bakal madhangi uga dalan kita..!

JM, ndungkap magrib, 110618
 rinakit dening eNPe

Kapendhet lan kajarwaaken saking inggahan kintunanipun kadang ing WA grup taun 2018

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembĂ© nampa kanugrahan pinaringan momongan putra umurĂ© lagi setahun. Kejaba iku duwĂ© ingon-ingon kĂ©wan asu HĂšrdher kang banget setya sing wus suwĂ© diingu wiwit isih srawung kekancan pepacangan. KĂ©wan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olĂšhĂ© gemati lan pracaya mring HĂšrdher-Ă© iku. Sawijining dina piyayi sarimbit mau lagi tindakan kanthi ninggalakĂ© putranĂ© hamung dikancani si HĂšrdher awit saking dipracaya. Tan kinira nalika piyayi sakloron mulih... iba kagĂštĂ©! ... jalaran nyumurupi ana tumĂštĂšsĂ© getih ing jogan. Sanalika lagi kĂšlingan yĂšn lali nora nyepakakĂ© pakan kanggo si hĂšrdher-Ă© mau. KagĂšt, tratapan lan kuwatir campur adhuk rasanĂ© ing pikiranĂ© sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya