kapacak uga ing  https://www.facebook.com/share/p/17hm2ZpUNX/ Manungsa (sawijining pawongan) kang maune ora ana apa-apane, dudu sapa-sapa (ora kajen, ora kanggep) apa iku ing kulawargane, ing pasrawungan tangga teparone, ana kalamangsane piniji lan malah kaangkat duwe jeneng kondhang/misuwur. Pangakon lan piniji kasebut bisa dumadi temtu ora kok ujug-ujug tiba saka langit ngono bae, ananging iku ana jalarane. Sawijining pawongan bisa nampa pangakon lan piniji duwe jeneng kinajenan lan misuwur jalaran merga; Sepisan, jroning pasrawungan ing tengahing masarakat, solah bawane ngatonake bebuden luhur, kebak sopan-santun, tansah tetulung marang tangga teparone lan sapa bae kang mbutuhake. Sipat lembah manah ora tau gawe serike wong liya iku dadi solah pedinane lan dadi cirene kang kaecap ing pundhake. Kapindho, iya awit saka kersane Gusti Allah. Kang maune uripe diremehake, dikuya-kuya ananging yen Gusti Allah Kang Maha Agung ngersakake dadi wong gedhe misuwur, nadyan ta k...

  kapacak uga ing   https://www.facebook.com/share/p/1EqQubZeAs/   Åjå kêklumpuk båndhå donyå kang ora langgêng rêngêt angrusak, dahånå ambêsmi dadi arêng. Klumpuknå båndhå kaswargan kang datan sêmu ing kono bandhamu, ing kono atimu.   Akèh kang kuwatir urip ing mångså mêngkone nuli kêklumpuk båndhå kasugihan. Wusana, luwih nggumantungake kasugihane tan sumendhe mring Gusti Pangèran.   Sapa kêklumpuk akèh datan kêcukupan kang kêklumpuk sêthithik ugå datan kêkurangan. Manuk ing langit, palêm kurmå ing årå-årå têtêp rinêkså Gusti salaminyå. ~ bangun esuk, 21826 ~             ✍️ 𝖊𝕹𝕻𝖊 ✍️             [^__^]  [^__^] 

  kapacak uga ing   https://www.facebook.com/share/v/1RqexeyTPw/   Indonesia nêgari tinrêsnan m'wah ardyå sugih alamnyå. Indonesia nêgari tinrêsnan nugråhåning Gusti, oh... endahnyå!   Gêgayuhan kamardikan, adil makmur, têntrêm raharjå åjå mung nglåhå, ora kurang sawijiå! Ayo kitå sayuk-sayuk rukun saekå pråyå nêdyå mujudake bêbarêngan samyå.   Pamarentah sinêngkuyung wargå guyub rukun lan waspådå ambangun pråjå ambangun bangså mrih têntrêm raharjå salaminyå.   Pangwåså, prayogå sirå tansah jujur makaryå lumampahå pamarentahan rêsik santoså! Dohnå gonjang-ganjing tumindak durjånå ngunthêt båndhå donyå gawe doså!   Ayo! têrus kitå makaryå mrih rakyat bagyå mulyå. Gusti tansah ambêrkahi kitå bangså Indonesia, Jåyå-wijayanti! MARDIKÅ! ✊️🇮🇩 ~ pitoelas agoestoes nêmlikur ~             ✍️ 𝖊𝕹𝕻𝖊 ✍️             [^__^]  [^__^]  INDONESIA BERJAYALAH! MERDEKA! ✊️🇮🇩 Indonesia neg'ri ...

    kapacak ugi ing  https://www.facebook.com/share/p/1C9grgT4fu/ Manungsa minangka titahing Gusti temtu nate nglampahi kalepatan, duka punika punjarag utawi boten, wusananipun ngrisak pasrawungan kaliyan sesami. Ing kawontenan kadya makaten punika kaprelokaken pangentasan mawi pangaksama lan pangrengkuh kanthi tulus temah saged nebihaken saking seriking manah murih gesang saekapraya guyub rukun salaminipun. Tiyang ingkang nate adamel kalepatan kadhang taksih nyimpen raos gela, kasedhihan lan keduwung kang ndadosaken awrat sangganipun. Sanggan punika namung saged pulih menawi dipun aksama lan tinampi kaeklasaning ngasanes. Klawan sih katresnan, tiyang punika saged kapulihaken saking ketula-tula raos lepatipun. Sumangga kita boten namung sumadya kangge memada lan ngemutaken tuwin ngadili tiyang kang lepat. Ananging ugi eklas paring pangaksama klawan tulus tuwin saged nampi klawan gumolonging nala minangka sesami ing pasrawungan lan pasedherekan. Salam tentrem rahayu kang t...

    kapacak uga ing  https://www.facebook.com/share/p/1DRMM67Bxt/ Saben uwong mesthi duweni kekurangan klebu kang kapiji minangka panguwasa, pamong praja ya pandhegane bebadan pamarentahan saka kang jumeneng pepucuking negara tumeka ing kaprajan ngisoran ing dhaerah. Ewadene, ing samengko iki sawijine pemimpin durung nduweni cukup kapitayan, kawasisan lan kasantosan kanggo netepake kaadilan. Prayogane kahanan iku prelu panyengkuyung kabeh lapisaning masarakat kang preduli marang ukum lan kaadilan. Pancen dadi panguwasa kang bisa ditresnani rakyat iku ora gampang kadhang nduweni kekurangan ndadekake ora bisa milih lan nemtokake endi sing bener. Kadhang mung ngoyak apa kang umum disenengi pehak tertamtu senadyan iku ora bener tetep bae diterak, mulane wusanane melu katut barisan Oprasi Tangkep Tangan (OTT)... ya tumindak kang ora bener rame-rame kang kondang sinebut "korupsi berjemaah"... heemm cap koruptor 🕹 sajak ora mempan 🤪🫡 Banget mrihatinake kahanan iku, negara ben...

    kapacak ugi ing  https://www.facebook.com/share/p/19EwXLwkLr/ Sacara umum, pangertosan " Cuaca " nelakaken kawontenan hawa 'atmosper/atmosfer' ing wekdal lan ing laladan/wilayah tartamtu gayutan kaliyan asrep-benteripun hawa (suhu udara, bs.Ind.), sunaring srengenge, angin, jawah lan ewah-ewahan kawontenan hawa. Dene pangertosan " atmosper/atmosfer " nelakaken lapisan hawa ingkang ngemuli bumi ngantos inggilipun +/_ 300 km kang isinipun maneka campuran gas nitrogen, oksigen, argon lan gas-gas sanesipun. Ing wekasan samangke asring kapireng warta-warta ing tipi bab "Cuaca Ekstrem" ingkang pungiyaraken dening BMKG (Badan Meteorologi, Klimatologi dan Geofisika). ' Cuaca ekstrem' saged pungambaraken kedadosan ewah-ewahan kawontenan mangsa alam sacara njomplang lan dadakan. Kedadosan cuaca ekstrem saged jalaranipun (miturut BMKG): 1. Puncak ketiga benter ing wilayah Indonesia, wulan Agustus lan September '26. Ewah-ewahan mangsa, punsaba...

    kapacak uga ing  https://www.facebook.com/share/p/14e3cNRJn7V/ Lamun ngauningani warta-warta kang sumebar bab pangupaya juang para murid budhal lan mulih sekolah ing dusun-dusun plosok, banget mrihatinake lan miris ing ngatase negeri +62 iki wis mardika ngancik 81 warsa tumuju Indonesia Emas. Saperangan crita nyata kang bisa diaturake ing tulisan ngisor iki yaiku : 1. Nyabrang kali numpak baskom plastik iku dipitontonake dening sawijining pideo nggambarake nalika ana bocah sekolah ing Kalimantan Kidul. Kedadean iku merga ora ana kreteg utawa perahu. Sawetara murid sekolah SMP katon numpak waskom plastik gedhe ngayunake tangan kosong kaya nglangi kareben bisa nyabrang kali saprelu bisa tekan Sekolah. https://radarpalu.jawapos.com/amp/nasional/2604230012/viral-dua-anak-sekolah-seberangi-sungai-pakai-baskom 2. Rombongan bocah sekolah kepeksa kudu toh nyawa mrih bisa melu 'Pembelajaran Tatap Muka'. Ing Kabupaten Luwu, Sulawesi Kidul, bocah-bocah budhal sekolah kepeksa nya...

    kapacak ugi ing  https://www.facebook.com/share/p/1Ai5uwAAeX/ Elingå, såkå ing ngêndi sangkan paran kitå. Elingå, lakumu iki bakal tumuju mênyang ing titik pungkasaning urip. Lan waspådå, supåyå ora kagèndèng-gèndèng, kêsèrèt-sèrèt dening kasrakahan, kanêpsõn, kasõmbõngan (gumunggung) lan pêpenginan kang ora ånå kawusanane (rasane kurang bae utåwå nggrangsang ora ånå êntèk-êntèkane). Patrap karumangsan (råså pangråså) kadyå mangkono iku kang ngêndhalèni manungså wasis olah råså, > têtêp lêmbah manah samångså nggayuh kamisuwuran... ora kumalungkung, ora umuk sêsongaran nindhês sasåmå. > têtêp lan tansah nduwèni råså sokur (bersyukur) samångså sarwå kacukupan... ngênggõni råså muji sokur mring Gusti Kang Murbå Wiseså. > têtêp kuwat samångså kelangan... ora kêdåwå-dåwå anggõne nandhang duhkitå awit isih kudu mbacutake darmaning ngaurip iki. Salam têntrêm rahayu sagung dumadi Gusti ambêrkahi...  Aa_aamin A__aamin 🙏🙏   sorogan atur : Katur sanggyaning ...

    kapacak uga ing  https://www.facebook.com/share/p/1AuGaEDwAX/ 'Ku sumarah mring Gustiku ing bantålå twin samodrå Sabên sêkõn datan kandhêg Gusti ing swargå tansah anjangkungku. Mawar ing taman rinonce asri êlang ing akåså ugå rinêkså Gusti Panjênêngan-Ne têmtu angampingiku Gusti ing swargå tansah anjangkungku. 'Ku kråså bênêr ginênggêm kêncêng astå-Nyå ing dhuwure ngare lan ambane samodrå ing limênge bayu båjrå 'ku dikêkêp Gusti ing swargå tansah angrêksåku. ~ bangun esuk, 04826 ~             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/1GsjXpVHoX/ Esuk-esuk Mukidi mampir warunge bu Sri, njur pesen sepiring bakmi goreng. " Bu, bakmine goreng setunggal nggih... sing sepesial !:" Ora let suwe bakmine wis teka. Mukidi langsung telap-telep sajak kuluwen ora mangan seminggu... heheheee 🤪 Ing sawetara wektu, ujug-ujug dheweke ngundang bakule. " Bu, niki bakmine kok kirang?" Bakule warung gugup bingung, " Sing kurang napane, Pak? Kurang endhoge? Kurang ayame? napa kurang bumbune? " Mukidi mung gedheg,  " Sanes!... ,  Kurang kathah! Nembe limang menit pun telas! " 🤪 Bakule ngguyu sambi celathu, " Yen niku sanes bakmine sing kurang, Pak!... ning wetenge sing kegedhen!" 🫠 Kabeh wong sing padha jajan nuli padha nyekakak ngguyu, dene Mukidi cengar-cengir karo ujar,  " Nggih mpun, Bu... imbuh setunggal melih. Ning niki sing Super Spesial nggih, kersane sing kurang wau dadi wareg! Idhep-idhep ora gelem kalah karo programe...

    kapacak uga ing  https://www.facebook.com/share/p/19TBudPmCD/ Yen ana pitakonan... "Apa gawean sing angel dhewe tumraping tehnisi komputer/laptop?" Mbokmenawa akeh sing mangsuli 'mbenake laptop sing mati babar pisan (mati total).'  Kamangka miturut si tehnisi... sing angel dhewe malah nalika kudu milih antarane dhuwit utawa kejujuran. Piye iku nalare? Kira-kira telung minggu kepungkur... Sawijine bapak seragam korpri (ASN) teka nggawa laptop kantore. Rusake lumayan banget abot yaiku, sawuse dipriksa, prelu ngganti saperangan bagean piranti jeron laptop (sperpat) lan kudu digarap (serpis) klawan tliti. Rong jam sabanjure... Laptop bali urip meneh lumrah kaya adate. Bapak iku katon marem, "Sokur Alhamdulillah, sidane bisa dianggo maneh." Si tehnisi melu seneng, banjur ngetung wragade kabeh, "Sedaya Rp450 ewu, Pak." Panjenengane (si Bapak) enggal ngetokake dhuwit atusan ewu 5 cacahe, ora nganggo nganyang barang, malah ujar, "Mas susuke kersan...

    kapacak ugi ing  https://www.facebook.com/share/p/17u8ofxBEv/ Para kadang sanggyaning umat kinasihing Gusti, bokbilih kita nate ngraosaken paitipun panolaking sedya kita. Klebet pedamelan kang kita idhamaken, gegayuhan kang boten katurutan lan sanesipun. Panolaking kala wau tansah nilaraken raos pingget ing manah, kados-kados sadaya pangajeng-ajengan rumuntuh ambyar. Gusti asring makarya langkung margi ingkang boten kita kinten. Panolaking sedya boten ateges mrucut boten pikantuk damel (gagal). Ananging saged kemawon wujuding pangayoman. Kauningana Gusti nutup kontên jalaran Panjenenganipun pirsa dene ing suwalikipun kontên badhe damel nyilakani kita. Kita pitados lan ngugemi bilih rancanganipun Gusti tansah sarwa sae tumraping gesang kita nadyan sacara kamanungsan boten sadaya ketingal .  Nalika kita ngalami kawontenan makaten, mbokmenawi adamel kita sanggarunggi (boten pitados) margi kaleresaning Gusti, awit kita boten ningali kontên tinarbuka sangajeng kita. I...

    kapacak ugå ing  https://www.facebook.com/share/p/191F1WKCii/ Gatèknå he kaum tarunå! Jagad anantangmu Ajå nglokro, enggalå sigrak!  Ayo maju tarung gayuh kabênêran. Gatèknå! rungõknå tangis, jlêrit kang ngrêrujit såkå sangsårå lan inå.  Ayo têrus tarungå! Dêlêngên kang ngancam wõng cilik lan tanpå dåyå ugå kadurjanan kang ndådrå. Ayo têrus tarungå! Têruså lawan! kang sumisih tantingå kang datan dåyå nêdyå dibelå. Ayo têrus tarungå! Datan palang, datan sumimpang kitå tarung pêrang mêsthi mênang Ayo p'rå tarunå, gyå nrambulå, gayuh kawijayanmu! ~ pajar sidhik, 27726 ~             ✍️ 𝖊𝕹𝕻𝖊 ✍️             [^__^]  [^__^] 

    kapacak ugi ing  https://www.facebook.com/share/p/1dEeqoqkcc/ Jênêng sing bêcik kuwi ajine ngungkuli kasugihan gêdhe, ditrêsnani dening wõng ajine ngungkuli êmas lan slåkå. (Wul 22:1) Wõng sugih lan wõng mlarat kuwi pinangkane pådhå, sakarone Gusti Allah kang nitahake. (Wul 22:2) Wõng wicaksånå kuwi wibawane luwih gêdhe tinimbang karo wõng roså. Pancèn mêngkono, kawruh kuwi luwih pênting tinimbang kêkuwatan. (Wul 24:5) ~ ndungkap enjing, 26726 ~             ✍️ 𝖊𝕹𝕻𝖊 ✍️             [^__^]  [^__^] 

    kapacak ugi ing  https://www.facebook.com/share/p/1bDuJ1JtWS/ Wonten kalamangsanipun dinten-dinten bilih wande, toko utawi pakaryan kraos sepen, pesenan boten kados padatanipun. Lajeng salebeting batos wiwit ngudaraos: "Apa iya pagaweanku iki bakal tutup?" Bilih kawontenan punika kita alami. sampun ngantos enggal-enggal nglokro/kendho. Sepenipun pangupados boten ateges Gusti nutup wenganing rejeki. Bokbilih, Gusti ngarsakaken kita langkung sabar, langkung gumregah, langkung andhap asor lan langkung angaosi para lengganan ingkang tetumbas. Kaemutana, bilih rejeki boten tansah awujud yatra. Badan kang taksih sehat, kulawarga kang tetep tansah anyengkuyung, kerabat tuwin para tepungan jurung semangat sarta wewengan pendhak enjing tangi kanthi bagas saras, sadaya punika mujudaken rejeki ingkang boten saged punkesupenaken konjuk sokur dhumateng Gusti Kang Ma Asih. Sampun ngantos sepening sadean damel kandheging semangat. Malah prayogi kangge nggagas-nggagas ngrancang modhe...

    kapacak uga ing  https://www.facebook.com/share/p/1DH1maez48/ Ora ana uwit gedhe kang thukule dumadakan dhuwur jroning sawengi. Kabeh kawiwitan saka wiji cilik kang tinandur, diopeni, banjur thukul klawan sabar. Mangkono uga tumraping panguripan lan pakaryan. Aja nate duwe rasa asor merga kudu miwiti seka nul tanpa pawitan. Kang kudune gawe kita isin yaiku ora miwiti seka ngisor, nanging mundur sadurunge nyoba. Akeh uwong kasil maju (sukses) kang maune dodolan ing emperan, mawa pawitan saanane. Ananging, rasane kabeh nduweni pepadhan, sairip yaiku ora mandheg utawa mundur mlangkah, nanging terus maju senadyan akeh krikil sing bisa mlesetake. Aja iwed nandhingake mula bukane pangupayamu karo asil kang wus digayuh wong liya. Saben wong nduweni wektu, pacoban lan rejekine dhewe-dhewe. Yen dina iki upayamu isih sithik lan cilik, gematenana ngopeni kanthi sabar lan jujur. Dene sing tuku isih sithik, ladeni klawan tekat lan tulusing ati. Yen bathine durung akeh, tetepa anyo...

    kapacak uga ing  https://www.facebook.com/share/p/1BkSTiRfoj/ Ing nêgri kang kitå sêbut ibu pêrtiwi kaadilan isih dadi pandongå kinucap lirih ing jroning rindhung-riwud kamar sidhang. Traju ukum ngadêg pidėkså nanging kålåmångså kråså goyang. Dudu mêrgå wêsine krõpõs nanging mêrgå tangan manungså ora tansah têguh ngugêmi osiking nålå. Kang kalêbu gõlõngan cilik asring lumayu ngoyak kaadilan. Dene kang roså lan kwåså kadhangkålå sakêpenake mlangkah luwih ènthèng. Rakyat hamung biså pitakõn, " Apå iyå ukum isih dadi pangayõm sanggyaning umat?" Lêmbaran paugêran endah sinawang bab twin pasal rinakit sarwå bêcik. Nanging ing marganing urip aksårå dalah ukårå kålå-kålå kelangan makna ora têgês, nalikå kapêntingan luwih ngumandhang katandhing kayêktèn. He..... nêgri kang daktrêsnani aku ora nyêngiti ukum. Malah aku ngeman lan nrêsnani mêrgå ukum kang adil minångkå dhêdhasaring såkå kang nyånggå lêstarine bångså. Mugyå dinå iku tumêkå nalikå hakim nuthukake palu dudu mêrgå d...

  kapacak ugi ing  https://www.facebook.com/share/p/1ByFcNDJJU/ Para kadang saha pamaos kang dhahat kinasih, mbokbilih kita sampun samya pirsa, keparenga kula atur sawetawis cathetan bab jamur. Kagem nyumerepi lan tambahing seserepan kawruh bab jamur, ing ngriki badhe kita watesi lan golongaken kalih werni inggih menika:    A. jamur saged (aman) puntedha, lan    B. jamur ngandhut racun (wisa) A. Jamur saged (aman) puntedha Antawisipun : Jamur Tiram (Pleurotus ostreatus)   Klebet gampil dipun tandur lan rimat. Lembut, cocok puntumis utawi sop. Jamur Kancing (Agaricus bisporus)   Sampun mratah punsade ing supermarket. Saged puntedha mentahan utawi punolah. Jamur Shiitake   Asalipun saking Asia Wetan. Gadhahi ganda mligi lan asring kangge masakan Jepang lan China. Jamur Enoki (Flammulina velutipes)   Gagangipun panjang lencir, cocok kangge masakan sop, shabu-shabu lan dipun godhog/kukus. Jamur Kuping (Auricularia auricula):   Warnanipu...

    kapacak uga ing  https://www.facebook.com/share/p/1B3hXoCQbL/ Roni: " Delengen iku si Darto. Lagi wiwit buka pakaryan (usaha) ciik-cilikan wae, pratingkahe wis kaya juragan gedhe!" Yanto: " Aja kaya ngono iku, Ron! Kabeh wong uga wiwitane seka cilik." Roni: " Ahh... paling tutup jroning etungan wulan." Sawetara wektu banjure...> Yanto: " Ron, awakmu wis krungu? Darto saiki wis buka cawang/cabang kapindho ." Roni: " Hah? Sing bener! ?" Yanto: " Iya. Malah dheweke lagi golek rewang kanggo pegawe ." Roni: " Wadhuh... kamangka pakaryanku malah sepi ." 🫡 Yanto: " Ya kaya iku sing kerep kadadean. Nalika kita iwed ngremehake, dheweke nggethu sregep ngowahi piye murih becike ." Roni: " Saiki aku lagi ngrumangsani, yen sanyatane sing prelu diowahi dudu ngrasani pakaryaning wong liya, nanging carane kita mikir ." Yanto: " Iya bener iku! Urip iku mligi tartamtu. Wong sing kita geguyu dina iki, b...

    kapacak ugi ing  https://www.facebook.com/share/p/1ENYg31W1J/ Para kadang sutresna basa Jawi, mangga kaaturan cathetan sawetawis lagu-lagu dolanan kang kaimpun sasagedipun, bilih panjenengan taksih kagungan kathah lagu sanesipun, katuran paring wimbuhan kaangge njangkepi cathetan, nuwun... matur nuwun 🙏 1. *GUNDHUL GUNDHUL PACUL* Gundhul-gundhul pacul…cul gêmbèlèngan Nyunggi-nyunggi wakul…kul gêmbèlèngan Wakul ngglimpang sêgane dadi sak latar Wakul ngglimpang sêgane dadi sak latar 2. *SLUKU SLUKU BATHÕK* Sluku-sluku bathõk Bathõke ela-elo Si Råmå mênyang Solo Lèh-olèhe payung mutho Mak jênthit lolo lo bah Wõng mati ora obah Yèn obah mêdèni bocah Yèn urip golèka dhuwit 3. *PADHANG MBULAN* Yo pråkåncå dolanan nèng njåbå Padhang mbulan padhange kåyå rinå rêmbulane… ne Sing ngawe awe Ngelingake åjå pådhå turu sore 4. MÕNTÕR-MÕNTÕR CILIK Mõntõr mõntõr cilik Sing nunggang mblênêg Lungguh lênggat lênggut Ngantuk siat siut Jêgagik nèng têngah krêtêg Ånå grobak mandhêg Groba...

    kapacak uga ing  https://www.facebook.com/share/p/1HR3oYVTw4/ Kamar sidhang dikebaki para pamigati kaadilan ukum. Hakim lenggah ing sanggasanane katon praupan sareh mrabawani. " Kadakwa, apa sliramu ngaku salah?", pitakone hakim . Si kadakwa ngadeg ndegek. " Pak Hakim, miturut adpokat kula, kula mboten lepat ." Hakim manggut-manggut. " Banjur miturut swaraning njeron atimu dhewe, piye? " Kahanan temahan sidhem. Kang kadakwa tumungkul suwe. Wusanane dheweke celathu alon, " Menawi miturut batos kula... jujur pancen kula lepat, pak Hakim !" Adpokate enggalan mbisiki sajak mbingungi, " Pak... aja jujur saiki !" Si kadakwa mangsuli lirih, " Wiwit wau kula nyobi goroh. Nanging manah kula raoase enten kang tansah nothok mbisiki. " Hakim mesem, " Sliramu ngerti sapa sing ndhodhog atimu ?" Si Kadakwa mung nggelengake sirah. Hakim, " Swara jroning ati pancen ora trampil mbengok, nanging uga ora tau mandheg mbisiki ....

    kapacak ugå ing  https://www.facebook.com/share/p/1DBSYN75iX/ Rikålå ombyaking têtêmbungan miring lumintir ing layar dhèwèke jêjêg pidêkså dadi panyaring kang sabar. Wartå miring gumanti sumêbar nanging dhèwèke tan sêmbrånå ngêlêg nora ambyar. ​Nalikå driji liyå nyêbar tudhingan ngundhat-undhat dhêwêke milih kandhêg tumungkul nggagas lan naliti. Tumraping dhèwèke, kasunyatan iku diyan ing palimêngan kang ora kênå mblêrêt dening sêmpyõking håwå-nêpsu sakålå. ​Dhèwèke uningå, ånå ombak sinêdyå gawe gêndrå lan crah mulå dhèwèke pilih têntrêm, ora kagèndèng ing kanêpsõn. Sabên wartå mlêbu panglimbang måwå nalar lan akal sehat mêsthèkake ora ånå wiså sumêbar ing jroning nålå. ​Dhèwèke têtêp sarèh ing satêngahe rat-måyå ngrêkså ati supåyå têtêp wêning twin têtêp sêtyå mring kawicaksanan kang ånå dõh såkå pandugå ålå lan culikå. ~ lingsir wêngi, 10726 ~          ✍️ 𝖊𝕹𝕻𝖊 ✍️          [^__^]  [^__^]

    kapacak uga ing  https://www.facebook.com/share/p/1DHse59pC3/ Kamar sidhang dikebaki para pamigati kaadilan ukum. Prakara kang digelar dadi kawigatene wong akeh jalaran ana gandhenge karo prakaran juragan sugih lan tukang becak mlarat. Keprungu bisik-bisik, " Ah..., mesthi sing sugih sing bakal menang." Hakim (sabanjure ing kene sinebut Yang Mulya) lumebu ing kamar cengkirang (kw.sidhang) lan miwiti mimpin lumakune sidhang klawan sareh. Sawuse ngrungokake kabeh katerangan, hakim aba-aba supaya maju marang pehak kang lagi prakaran.  SI Juragan, " Yang Mulya, kula gadhah seksi, bukti lan adpokat paling hebat ." Tukang becak mung tumungkul, " Kula namung gadhah setunggal, Yang Mulya ." " Apa iku ?" takone hakim. " Kejujuran !", wangsulane tukang becak. Kamar sidhang sanalika sidhem tanpa sabawa. Hakim bali niti mriksa kabeh bukti. Dheweke nemokake ana sawetara cathetan sing njarag kareka-yasa kanggo nyemoni lan mblawurake bukti. Hakim ...

    kapacak uga ing  https://www.facebook.com/share/p/195x1bEUA1/ Sawijining bingkil cilik pinggir dalan, montire jenenge Udin, kondhang grapyak, trampil lan jujur. Esuk-esuk, ana bapak-bapak nuntun pit motor sing ana swarane " kretek... kretek... brek... brek..." "Mas, tulung mas dibenake , motorku kok unine aneh, ya?" takone si Bapak. Udin mesem karo ngelus janggute lan manggut-manggut, "Wah, niki penyakite awrat, Pak!" "Wadhuh... kudu ganti mesin?" "Boten prelu, Pak!" "Kudu, ngedhunke mesin?" "Boten prelu ugi, Pak!" "Lha... terus piye?" Udin mangsuli kanthi praupan mencureng, "Cobi Bapak copot gantungan kuncine niku. Isinine sendhok, gunting, obeng lsp... niku sing damel nywara-nywara wau, Pak." "Woo... alah, aku ora nglegewa" si Bapak sanalika mesem kecut isin-isin. Durung nganti ngguyu, teka meneh pawongan liya. "Mas, motorku kok abot tarikane ya?" Udin nyoba numpaki pitmo...

    kapacak uga ing  https://www.facebook.com/share/p/18zGP63rzz/ Aku bener-bener kelingan kahanan omah kulawarga jaman cilikanku kira-kira taun 1960-1970an. Omah prasaja pekarangan amba ana wit pelem ing ngarepan, swara petok-petoke pitik lan kluruke jago saut-sautan sarta ocehane manuk ing wayah esuk gawe regeng. Dina Minggu mujudake dina sing iwed banget, ora marga ana tamu, nanging marga... dina umbah-umbah sandhangan. Nalika semana durung ana sing arane mesin cuci listrik kaya saiki. Nanging babakku pancen remenane othak-athik yasa gawean anyar (kreatip). Saka tilas drum, panjenengane nyulap dadi perkakas nggiling sandhangan aliyas mesin cuci. Tengahe drum dipasangi wesi minangka pusering, pucuke diwangun menggok kaya aksara L wujud engkol kanggo muter. Drum dipapanake ing jagrag kayu sing kuwat. Tumrapku nalika semana isih cilik, alat iku katon kadya mesin ajaib, mbokmenawa cikal-bakal mesin cuci listrik. " Ibu... rasukane apa wis dileboke? ", maturku semangat bange...

    kapacak uga ing  https://www.facebook.com/share/p/18oqJKKH6V/ Ing satengahe pasar kewan, ana pasangan bapak lan ibu lagi arep tuku wedhus kanggo acara sokuran.  Ing kono ana sawijine bakul wedhus lagi nawake dodolane nganggo halo-halo... Bakul wedhus, " Bapak-bapak lan ibu-ibu, niki wedhus bandhot saking Garut kiyat sanget, sedinten saged kaping gangsal kawin kalih babon !". 🙂 Si Ibu karo mesam-mesem njiwit bojone : " Kae lho pak... sedina ping lima, bapak saguh ora.. ? "  Bacute si bakul wedhus, " Bapak lan ibu, lha yen sing niki...  enten wedhus bandhot saking Meduro langkung kiyat malih, sedinten saged ping sedasa ...!" 🙂 🙂 Si Ibu njiwit meneh bojone : " Nah.. pak, mung mangan suket ae bisa kaping sepuluh ..., bayangke jaall (jajal) .....!!! " Si Bapak dadi kemropok panas, nuli takon karo bakule wedhus, " Kang!!... iku ping sepuluh karo babon padha apa ora ...?" 😀 Si bakul wedhus semaur : " Nggih... beda-beda babon lhah ...

    kapacak ugi ing  https://www.facebook.com/share/p/1KNV4KxvdR/ Kacarios, wonten tiyang gadhah anak jaler kalih. Anak ragil matur bapakipun: " Bapak, keparenga kula nyuwun bagean kula saking sadaya ingkang badhe panjenengan warisaken. " Bapakipun estu andum warisanipun dhateng lare kalih kanthi adil. Ing satunggaling dinten si wuragil nyade sadaya bagean hak warisan ingkang pundarbeki, lajeng pamit kesah dhateng njawi dhaerah/pulo. Anggenipun ngumbara punkatog-katogaken, gesangipun ngebreh-ebreh mburu sukan-sukan ngantos katelasan yatra. Tumuli piyambakipun bingung kangge nedha sampun boten kuwawa awit yatranipun sampun ludhes. Pramila kapeksa mberah ngenger dhateng juragan sapi. Pedamelanipun ngrimati sapi-sapi, saben enjing ngguyang sapi kaliyan pados suket-suketan pakan sapi.  Anggenipun ngenger kados mrihatosaken, sarapan sawontenipun, dening juragan namung punparingi sekul pethak boten mawi lawuhan, kadhang sok boten sarapan. Si wuragil kala-kala kepengin nedh...

    kapacak uga ing  https://www.facebook.com/share/p/14kfurpnAP7/ Dakbukak album biru kêbak blêdug kang wus lêthêk. Daktamatake kabèh potrèt dhiri cilik, putih suci datan pacålå. Angênku nglambrang.... duk samånå winêngku sih katrêsnan gêgambaran lakuning uripku manut pra kadang. Critane, aku tansah dikêkudang jarene, aku tansah digêgadhang. Aku hamung anyêbut båpå samangsa aku kadlarung datan pênêr. Kang dakeling hamung båpå lamun aku ngadõh ing paran. Båpå-biyung tan nate sayah kang tansah njurung jroning uripku amaringi aku kabèh kang kalangkung  endah. Båpå-biyung, nadyan ånå utåwå ora ånå tansah ånå jroning nålå putrå-putri kang satuhu bêkti. Darbèkku kang kaliwat aji iya mung kulawarga kêdhatõn kang kaliwat têntrêm iyå mung kulåwargå. Gêguritan kaliwat aji iyå mung kulåwargå sêsotyå kumênyar iyå mung kulåwargå. Sugêng enjing, biyung sugêng enjing, båpå Suryå ari puniki gêbyar sumunar  Matur nuwun, biyung matur nuwun, båpå mring kasantosan tumrap kulå prå ...

    kapacak uga ing  https://www.facebook.com/share/p/1DGYDP169a/ Sawise bola-bali Mukidi minangka sing tuku (pembeli) gawe ulah, Mukidi angen-angen, " Nek dadi pembeli dhuwite ludhes bae, mendhing gentenan dodolan apa ya, beneya cepet sugih !" 😜 Sidane Mukidi bukak toko ing pasar. Dhek-e adol werna-werna barang : ana sandhal, topi, kaos, payung nganti tekan sentolop. Pokoke campur adhuk ora karuan kaya isi gudhang. Ing ngarepan tokone kanggo narik kawigaten ana tulisane gedhe-gedhe :             TOKO MUKIDI REGA KENA DIANYANG, ANGGERE ORA KEBANGETEN Waoww, lagi se- jam bukak, ana ibu-ibu mampir mandheg: " Mangkok iki pira ?" Wangsulane: " Kalih dasa ewu rupiah, setunggale, Bu." "Apa bisa kurang? !" ujare si ibu. " Nggih pun kula murahi, Sangalas ewu sangang atus sangang puluh sanga rupiah (19.999 )." wangsulane Mukidi. Si Ibu mlongo, " Wah, kurange mung srupiah! " 🫠 Mukidi, " Jenenge rak pun kirang, Bu" wangsulane...

    kapacak ugi ing  https://www.facebook.com/share/p/1Cuge8d4KH/ ( Kagem cathetan tambahing kawruh, kepareng ndherek ambage seratan bab Kerata Basa kadudud saking sumber 'link' ing pungkasaning seratan, nuwun 👏) Kérata basa yaiku bab negesi tembung utawa nggolèki surasaning tembung kapirid saka wancahané tembung utawa wandané tembung kang ditegesi mau, dijupuk cundhuk prayogané, diothak-athik, digathuk-gathukaké supaya mathuk.   Tembung guru, upamané, yèn arep dikérata basa luwih dhisik kudu diwancah utawa dipecah didadèkaké wanda-wanda, yaiku dadi wanda 'gu' lan wanda 'ru'. Saben wandané tembung mau banjur diréka, dianggep kaya-kaya minangka tembung wod (tembung wod kuwi éwoning tembung kang mung dhapur sawanda), nuli diothak-athik diwènèhi teges kang gathuk lan mathuk karo tegesing tembung kang lumrah.   Tembung guru kuwi mengku teges ’wong kang pagawéné mulang muruk ing pamulangan’. Tembung iki yèn dikérata basa bisa ditegesi ’digugu lan ditiru’, yaiku wand...

    kapacak ugi ing  https://www.facebook.com/share/p/18vLgK8S3r/ Kendhang boten badhe sekeca punpirengaken bilih nabuhipun sasekecanipun piyambak, temah para niyaga gamelan sanesipun boten saged nylarasaken wirama gendhingipun. Mila makaten dipun damel tatanan, supados kita ngasilaken wirama kang merdhu lan laras. Makaten ugi tumraping gesang, budi lan solah bawa kita kedah salaras kaliyan darmaning agesang. Paugeran dipundamel supados sadaya lumampah gangsar lan tertib nut wirama samesthinipun. Nanging wonten kemawon ingkang nyempal. 'Talenta' wujud berkah kanugrahan saking Gusti yogyanipun boten kaagem sasekecanipun piyambak boten maelu paugeran kang sampun pinathok. Talenta, kadosta nyanyi, kewasisan memucal malah gagasan awujud pangandikan ing pasrawungan kedahipun punagem sacara ginantosan boten rebutan. Prayoga ing pasrawungan punapa kemawon, duka punika ageng utawi alit upami ing pirembagan (rapat, bs.Ind) nengenaken prelunipun mirengaken lan paring wewengan wekda...

    kapacak uga ing  https://www.facebook.com/share/p/1G6Wzp6hEm/ Sakumpulan bocah-bocah lanang ing sawijining kampung padha kangsenan/semayanan katemu sore-sore sawuse mulih sekolah. Padha nglumpuk ing taman ngisor wit-witan kang edum saprelu dolanan bebarengan yaiku adu jangkrik. Adu jangkrik sawijining dolanan ing jamane kang durung kenal karo jaman sarwa digital kaya samengko iki. Kepriye iku adu jangkrik?  𝘼𝙙𝙪 𝙟𝙖𝙣𝙜𝙠𝙧𝙞𝙠   yaiku dolanan kuna bocah-bocah ngupaya jangkrik loro ketemu adhep-adhepan diadu kekuatan, kegagahan lan swara ngerik sing nyaring swarane seru lan bening. Ora beda karo adu jago, mung bae adu jangkrik iki dolanan hiburan bocah-bocah. Dolanan adu jangkrik nate dadi salah sijine dolanan kawentar ing jaman samana, kejaba gangsingan, kenekeran, benthikan lsp. Baleni crita bab jangkrik, apa kira-kira pakane jangkrik? Yen ora kleru jangkrik dipakani 𝙠𝙧𝙤𝙠𝙤𝙩 , yaiku sajinis suket-suketan sing godhonge lonjong, lonjoran wit-e gagan...