CUACA EKSTREM 2026

-

   kapacak ugi ing https://www.facebook.com/share/p/19EwXLwkLr/

Sacara umum, pangertosan "Cuaca" nelakaken kawontenan hawa 'atmosper/atmosfer' ing wekdal lan ing laladan/wilayah tartamtu gayutan kaliyan asrep-benteripun hawa (suhu udara, bs.Ind.), sunaring srengenge, angin, jawah lan ewah-ewahan kawontenan hawa.

Dene pangertosan "atmosper/atmosfer" nelakaken lapisan hawa ingkang ngemuli bumi ngantos inggilipun +/_ 300 km kang isinipun maneka campuran gas nitrogen, oksigen, argon lan gas-gas sanesipun.


Ing wekasan samangke asring kapireng warta-warta ing tipi bab "Cuaca Ekstrem" ingkang pungiyaraken dening BMKG (Badan Meteorologi, Klimatologi dan Geofisika).

'Cuaca ekstrem' saged pungambaraken kedadosan ewah-ewahan kawontenan mangsa alam sacara njomplang lan dadakan.

Kedadosan cuaca ekstrem saged jalaranipun (miturut BMKG):

1. Puncak ketiga benter ing wilayah Indonesia, wulan Agustus lan September '26.

Ewah-ewahan mangsa, punsababaken wontenipun hawa benter sacara warata (pemanasan global) ndadosaken cuaca boten temtu kadhang sanget benteripun kadhang sanget asrepipun nyempal saking padadan.

2. 'Pemanasan El Nino' taksih kiyat dumugi Oktober '26. El Nino nelakaken mindhakipun hawa benter (sainggilipun ukuran normal) ing samodra Pasific. Kanggening Indonesia saged njalari nyuda cakal-bakalipun jawah amargi mendhung pindhah ngarah mangetan dumugi wilayah Amerika Kidul. 

Temahanipun mangsa ketiga (boten wonten jawah) dados langkung dangu saking padatanipun, pasitèn sami garing sumber toya sangsaya tipis, lepen, wadhuk lan sabin sami kasatan. Kabêsmèn (kobongan) wana lan pasitèn gambut ndadra langkung jembar ndadosaken pedhut asep warata wusananipun ndadosaken sesak napas masarakat.

3. Sapari polahipun manungsa, utamanipun pangrisakan (ngobong) wana wasa, emisi gas rumah kaca (gas ing atmosper kang saged andayani nyedhot 'radiasi infrared' saking sumberipun), 'polusi' hawa kebul/asep pabrik lan tetunggangan umum.

4. Geographi alam mliginipun wontenipun pegunungan lan segara saged ndadosaken ewah-ewahan asrep-bentering hawa sacara dadakan.


Punapa ta gandhengipun saged damel jalaran cuaca ekstrem? Inggih.., temtu saged ndadosaken bencana alam bena bandhang, pasitèn ambles lan jugrug, angin lesus, kabêsmèn ing kathah panggenan lsp.

Salajengipun gagal panen, njalari panyedhian sayur-sayuran, lombok, bawang lan sanes-sanesipun saking petani dados suda. Wusananipun reregen barang-barang kebetahan pokok dados mrambat mindhak. Punapa malih krisis global donya kadosta paperangan kang boten wonten kandhegipun utaminipun ing tlatah Timur Tengah ndadosaken angkutan lisah bumi ketatalan boten wonten pepesthenipun, anjalari ongkos angkut sundhul langit... rakyat alit njerit.


Inggih kadya makaten punika gegambaran kawusananipun cuaca ekstrem dhateng mobah-mosiking ekonomi masarakat. Temtu pamarentah sinengkuyung sanggyaning lapisan masarakat nggadhahi tugas lan tanggel jawab awrat kadospundi murih saged nanggulangi temahanipun gesanging kawula alit kang kapetang sarwa kecingkrangan saged kangge nutupi kabetahan gesang padintenipun.


~ sewelas agoestoes enjing'26 ~

           ✍️ 𝖊𝕹𝕻𝖊 ✍️

           [^__^]  [^__^]

sumber BMKG





Komentar

Posting Komentar

Postingan populer dari blog ini

ÅJÅ NATE MUTUNG

-
Gambar
     kapacak uga ing  https://www.facebook.com/share/v/18aR95QA8r/ Gusti datan nate janjèni langit tansah biru. Nanging Gusti janji tansah anganthi. Gusti datan nate janjèni dalan tansah wråtå. Nanging Gusti janji maringi kêkuwatan. Åjå nate mutung åjå cuthêl pêngarêpan. Mujijat Gusti nyåtå nalikå ati sujud manêmbah. Åjå nate mutung åjå cuthêl pêngarêpan. Mujijad Gusti nyåtå tumrap kang tuhu pracåyå. sorogan : kadudud lan kajarwa saking pideo lagu anak "Jangan Pernah Menyerah" JM, lingsir wêngi, 190426             ✍️ 𝖊𝕹𝕻𝖊 ✍️             [^__^] [^__^] 
Baca selengkapnya

SINTEN TUMEMEN BADHE TINEMENAN ESTU

-
Gambar
    kapacak ugi ing  https://www.facebook.com/share/p/1bDuJ1JtWS/ Wonten kalamangsanipun dinten-dinten bilih wande, toko utawi pakaryan kraos sepen, pesenan boten kados padatanipun. Lajeng salebeting batos wiwit ngudaraos: "Apa iya pagaweanku iki bakal tutup?" Bilih kawontenan punika kita alami. sampun ngantos enggal-enggal nglokro/kendho. Sepenipun pangupados boten ateges Gusti nutup wenganing rejeki. Bokbilih, Gusti ngarsakaken kita langkung sabar, langkung gumregah, langkung andhap asor lan langkung angaosi para lengganan ingkang tetumbas. Kaemutana, bilih rejeki boten tansah awujud yatra. Badan kang taksih sehat, kulawarga kang tetep tansah anyengkuyung, kerabat tuwin para tepungan jurung semangat sarta wewengan pendhak enjing tangi kanthi bagas saras, sadaya punika mujudaken rejeki ingkang boten saged punkesupenaken konjuk sokur dhumateng Gusti Kang Ma Asih. Sampun ngantos sepening sadean damel kandheging semangat. Malah prayogi kangge nggagas-nggagas ngrancang modhe...
Baca selengkapnya

SWÅRÅ LÊMBAH KANG SÊPI -kagagas lan kaangên-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lêmbah sêpi ijo sinawang sêgêr ing pandulu dak rungu swårå sumilire bayu. Ujare, "wit-wit sing ambruk iku dudu salahku nanging tangismu sing ora tau kêprungu." Gèthèk kadang tani nganggur ing pinggir kali banyune buthêk nggåwå carang kêbak duhkitå. Argå sing gundhul kadyå ndêlêng pasrah karo jêriting ati nlusur jêjaking ulah tangan kitå priyånggå. Oh, sadulurku, åpå kitå isih emut yèn bumi iki sadêrmå titipan Kang Må' Kawåså? yèn alam ngêlus dhådhå, kitå mung biså mrêngut nanging nganti kapan mung kagèt lan kuciwå? Dak rungu bumi sêsênggukan ing satêngahing wêngi, “Aku ora nêsu, mung jèngkèl têrus dicidrani sawise mbesuk båjrå têkå nggåwå bêncånå kitå bingung golèk tumbal sing biså diluputake såpå?" Oh, kadangku, ayo reneå sêdhelå wae ngrêsêpi swårå alam sing suwe ora digape. Yèn kitå ora ngrumat kanth...
Baca selengkapnya