kapacak ugå ing  https://www.facebook.com/share/p/18H3nAXKnm/ Lah, panène jêmbar mosak-masik n'ging kang dêrêp mung sêthithik. Oo.. kåncå, månggå samyå tumandang,  mumpung maksih pinaringan gêsang. Gyå tumandangå andêrêpi kangèlane dadyå kabungahane gyå tumandangå andêrêpi panène jêmbar, nadyan kang dêrêp sêthithik. Sumånggå makaryå prå abdine Gusti martyakên kabar adyå nggih sih rahmat sing swargi mrih tyang kang limêng ing driyå samyå manggih pêpadhang sanyåtå. Sumånggå samaptå ing karyå mbangun karyå mbangun pråjå abõt-ènthèng dadyå prasåjå krånå sih pêparing nugråhå. ~ gagat bangun, 27526 ~          ✍️ 𝖊𝕹𝕻𝖊 ✍️          [^__^] [^__^] 

    kapacak ugå ing   https://www.facebook.com/share/p/1EBpPgAzS8/ Bêgjå wõng kang wicaksånå lan duwé pangêrtèn. Kuwi ajiné ngungkuli salåkå, lan rêgane ngungkuli êmas murni. Kawicaksanan kuwi luwih aji katimbang karo watu aji, ngungkuli samubarang kang sirå pengini. Sanadyan êmas lan mutyårå akèh, nanging kang akèh bangêt pangajine iku lambe kang kadunungan kawruh. Sing såpå sênêng marang kawicaksanan, iku sênêng kaelikake samåså gawe kaluputan,  nanging wõng kang tanpå budi, ora sênêng karo pamêlèh. ~ gagat bangun, 24526 ~           ✍️ 𝖊𝕹𝕻𝖊 ✍️         [^__^]  [^__^] 

    kapacak uga ing  https://www.facebook.com/share/p/1ctEQzLM5H/  ~ nuwun sewu radi panjang cariosipun, boten saged punpunggel awit saged ngicali suraosipun ~ Ing wayah sore udane deres banget lan ing sajerone garasi pinggiran kutha, pak Yanto maspadake montor angkot (angkutan kota) tuwa duweke nomer trayek 07 klawan kaca-kaca mripate. Mesin angkote ora bisa urip, ora mung rusak cilik-cilikan, ning mesine panas banget merga umur mesin wis tuwa lan ora kopen jalaran kekurangan wragad. Kamangka sesuk kudu bayar cicilan bank Rp 2 yuta, yen ora kebayar angkot minangka sumber rejeki kulawarga bakal dibeslah. " Dhuh Gusti, kawula sampun ngupados sasaged-sagedipun. " bisike pak Yanto, " Kawula boten nyuwun sugih, kawula namung nyuwun taksih saged nyambut damel. Dhuh Gusti, nyuwun pitulungan, punabdi Paduka kang sekeng punika ." Dheweke bingung ora duwe dhuwit sasen-sena kanggo menyang bengkel. Jroning nglokro pikirane, pak Yanto tetep ngresiki angkote klawan jroning ati d...

    kapacak uga ing  https://www.facebook.com/share/p/1Dhd8irmPp/ Aku pangumbårå lungkrah ing arcåpådå Ing nêgri kang daktuju datan ngewå-ewå twin duhkitå. Ing kånå daktêmõni kadangku kang wus sumêngkå. Megå mêndhung amanggulku, dalan ndêdêr kêbak êri Nanging ing ngarêpku daksawang elõking nêgri Datan êluh tangis, datan sêdhih prå abdi. Prå titah mêmuji kaAgungan-Nyå kêkidungan sukårênå têntrêm raharjå salaminyå bagyå mulyå ing ayunan Gusti Kang Må Wilåså. -- mapag plêthèke radityå, 19526 --              ✍️ 𝖊𝕹𝕻𝖊 ✍️             [^__^]  [^__^] 

     kapacak ugi ing  https://www.facebook.com/share/p/18WtbCrH6c/ Ing Indonesia kreta turangga/jaran gadhah nami lan cirenipun sowang-sowang. Ing ngandhap punika wonten cathetan ingkang kaimpun saking maneka werni sumber nami-nami kreta jaran ing dhaerah-dhaerah : 1. Delman (dhelman) Tlatah: Umum ing Indonesia, utaminipun Jawa, Betawi lan Sumatera. Kawitanipun nami kapendhet saking asma penemunipun Charles Theodhore Deeleman, insinyur lan ahli irigasi bangsa Walandi 2. Andhong Tlatah: ing Ngayogja, Sala lan saperangan Jawi Tengah. Tetenger, Andhong racakipun kreta rodha 4(sekawan) kang asring ugi punginakaken kangge upacara adat utawi wisata. 3. Dokar (dhokar) Tlatah: Jawi Wetan, mliginipun Surabaya lan Medura. Kawitanipun kapendhet saking basa Walandi "Dokkar" nelakaken jinis kreta rodha 2(kalih) 4. Bendi (bendhi) Tlatah: Sumatra Barat, Minangkabau Tetenger, limrahipun asring punsukani maneka-warni rupaka (hiasan) Minang lan asring punginakaken ing upacara adat kep...

    kapacak ugi ing  https://www.facebook.com/share/p/18kePGMqEM/ Boten saged denselaki dene dumadining pepadon rebat leresipun piyambak mratandhani boten diwasanipun jiwa pangraosing driya. Patrap diwasa sacara rohani/mental boten gampil mèri, drengki utawi gumunggung. Sejatosipun sadaya manungsa punika samidene ing ngarsanipun Gusti jalaran sanggyaning umat punika kagunganipun Gusti Allah. Priyantun kang anuju mindhaking kamajengan sacara rohani ketingal wonten ing patrap solah bawanipun, ageng kesabaranipun, jembar wawasan lan gagasanipun, adamel raos tentrem dhateng tiyang kathah lsp. Kejawi punika tiyang makaten boten gampil kagèndèng prabedan ing satengahing pasrawungan masarakat.  Priyantun ingkang gadhah patrap makaten tansah nengenaken raos rukun nadyan tugas kewajibanipun beda. Anggadhahi jiwa kawicaksanan titis anggenipun ndhawahaken panetepan sacara adil. Lah, patrap pribadi kang kadya makaten punika ingkang cocok dados pamong lan panutan masarakat. Kados...

    kapacak uga ing  https://www.facebook.com/share/p/1BPnGFkAJn/ Mukidi sowan maneh ing ngarsaning pemaos 👏 Mukidi enggalan menyang stasiun arep nunggang sepur Whoosh (kreta cepet Jakarta - Bandung). Saking dene gugupe wedi yen keri, dheweke nuli mlebu sepur sing lawange menga waton numpak tanpa mriksa bener lan orane.  Lungguh kalem, pasang hedset rumangsa wah/moncer, " Waow.. uripku saiki mulya ngrasake numpak sepur kilat... tingkat Sultan" 😄 Sawetara menit candhake..... Mukidi takon marang panumpang jejere : " Mas, iki dhelok 'kas tekan Bandung ya? "  Penumpang iku bingung: " Bandung??" Iki ngener suwalike, Mas!" Mukidi kaget : " Hahh..?! Karepe piye ta iki?! " Penumpang : " Iya... sepur iki wis arep balik arah !" (iki Mukidi numpake seka stasiun Cikarang) Mukidi terus mbingungi : " Lho kok bisa?! Aku kan niyate arep nyang Bandung !"  Sumaure penumpang jejere kalem, : " Menawa niyate bener, ning langkah mpe...

    kapacak ugi ing  https://www.facebook.com/share/p/1BthoKDhrc/ Ing salebeting pasrawungan kalamangsa crah utawi regejegan malah tan kanyana panyebabipun saged kadadosan saking para kadang piyambak sacelak kita. Kita saged mrantasi prakawis ingkang asalipun saking njawi, ananging pasulayan ingkang dumadi wonten ing lebet kita malah asring grogoti guyub rukun lan ndadosaken crah ingkang boten kinarsakaken. Tiyang-tiyang makaten punika kadyadene jamur utawi kemladheyan (benalu) kang karemanipun damel kisruh ing pasrawungan. Para kadang ingkang kados makaten wontenipun hamung nyadhong pungatosaken lan tansah ngribeti nedya puntumutaken ing samukawis prakawis ingkang ngremenaken utawi adamel begja myang awakipun piyambak datan menggalihaken kapentinganipun ngasanes. Lamun boten katurutan tega-teganipun adamel gendra ngrerimuk kadang sanes pados bala saprelu ngrisak guyub rukunipun pasedherekan. Rikala tiyang mbetahaken pitulunganipun malah ngumpet. Kosok wangsulipun nalika ...

    kapacak uga ing  https://www.facebook.com/share/p/1CpWzqPrej/ Kacarita Samson kang duwe karosan luwih katandhing wong-wong liyane ing sawijining tlatah negeri Timur Tengah. Jalaran karosan lan kadigdayane iku Samson ora disenengi panggedhene negara.   Kocapa, Samson kasmaran marang sawijining wanita jenenge Dhelila. Dening panggedhene negara, Dhelila diprintahake ngglembuki Samson kepriye rekane bisa nyumuruipi wewadi kadigdayane Samson. Panggedhene negara anjanjeni marang Dhelila bakal menehi opah keping emas salaka cacahe akeh. Nganti ambal kaping telu Samson menehi katerangan wadi kang tansah dikeker njarag kaklerokake (klawan ngapusi) marang Dhelila. Dhelila ora mutung, tetep kukuh kaya sakukuhe karosane Samson, adreng banget anggone bisa oleh wadine Samson. Nganti Dhelila ngrekadaya andakwa yen Samson lelamisan olehe nresnani Dhelila. Dhelila ngrengek-ngrengek suwene, nganti Samson ora tega lan kepilut wujuk (bujuk rayu) nuli lena keprucut yen kekuwatane ana...

    kapacak uga ing  https://www.facebook.com/share/p/1GwAAmCzZb/ Åywå pådhå sêmbrånå ngobat-abitke gapit-irå. Ngalõr-ngidul ngetan bali ngulõn... judhêg..! mandhêg jêgrêg..., mõmõtan amblêg... blêêgg..! Lakune kadyå sêpur kluthuk megas-megõs kurang prayitnå. Bisane mung manthuk-manthuk nora jegõs, agawe gêndrå. Ayo prå kåncå cancut taliwåndå sayuk-sayuk rukun ambangun pråjå. Gyak samêktå urun pikir lan tênågå kanggo mulyaning nagårå Indonesiå. JM, gagat bangun, 06526             ✍️ 𝖊𝕹𝕻𝖊 ✍️             [^__^] [^__^] 

    kapacak ugi ing  https://www.facebook.com/share/p/1BpoD6gkdj/ Jaman alitan (SD & SMP) kula taksih meningi dolanan gangsingan. Punapa ta gangsingan punika? Gangsingan nami mainan jaman kina saking kajeng kanthi pratelan: Gangsingan nalika samanten kula lan kanca-kanca adamel piyambak saking kajeng kemlandhingan ingkang sampun sepuh uwitipun, tengeripun sampun medal galih (aten-aten kajeng warna kasoklatan). Kajeng punika atos lan cocok kangge bahan gangsingan kang dipun wangun limrahipun kados kukusan satangkep (mlumah lan mengkurep). Nunten anggenipun yasa gangsingan ing pucuk inggil punwangun jendhol kangge ndhas-ndhasan, ing ngandhap puntancepi potongan paku kangge puser mubengipun ing plataran. Anggenipun ngubengaken mawi tangsul pundamel saking kulit kajeng wit waru kang wulet (boten getas). Kulit kajeng waru dipun gêcêki mrih medal seratipun lajeng punpepe rumiyin nunten puntampar (pundamel plintiran serat). Bonggol tangsul kangge cepengan punplintir dados ta...

    kapacak ugi ing  https://www.facebook.com/share/p/18EcWbNZCH/ Sapinter-pintering, samulya-mulyaning manungsa, tetep kemawon boten prayogi rumaos menang piyambak, nggadhahi kuwaos piyambak, nganggep paling dhugdhèng rumaos rosa piyambak katandhing ngasanes, jalaran saged kemawon dumugi wekdalipun nglampahi kamunduran. Kadyadene ubenging jantra, samangsa mèndêl kang suwaunipun ing inggil nunten peneripun gantos ing andhap. Pranyatan punika ingkang tinulis lan boten tinulis ingkang dados wewaton pagesangan manungsa kang temtu kedah punugemi samya. Kadhungdhengan bakal lungse, surut lan ical ing titiwancinipun kang sampun dados panetepanipun Gusti Kang Murbèng Agesang, Allah Sang Pancipta. Kagem para panguwaos kang pinitados amengku praja, sampun ngesupenaken / nyepelekaken pranyatan kadya kang tinulis ing ngajeng. Pramila sayogya boten prelu matrapi kwaos klawan gumunggung. Sadaya kalenggahan kang puntampi lan sinangga punika titipan lan kapracayan masarakat kangge angab...