LAGU-LAGU DOLANAN BOCAH

   kapacak uga ing 

1. *GUNDHUL GUNDHUL PACUL*

Gundhul-gundhul pacul…cul gêmbèlèngan

Nyunggi-nyunggi wakul…kul gêmbèlèngan

Wakul ngglimpang sêgane dadi sak latar

Wakul ngglimpang sêgane dadi sak latar

2. *SLUKU SLUKU BATHÕK*

Sluku-sluku bathõk

Bathõke ela-elo

Si Råmå mênyang Solo

Olèh-olèhe payung mutho

Mak jênthit lolo lo bah

Wõng mati ora obah

Yèn obah mêdèni bocah

Yèn urip golèka dhuwit

3. *PADHANG MBULAN*

Yo pråkåncå dolanan nèng njåbå

Padhang mbulan padhange kåyå rinå

rêmbulane… ne

Sing ngawe awe

Ngelingake åjå pådhå turu sore

4. JAMURAN

Jamuran yå gege thõk

Jamur åpå yå gege thõk

Jamur gajih mbêjijih sa årå-årå

Sirå mbadhe jamur åpå

5. SLÈDUR-SLÈDUR

Slèdur-slèdur, pak mantri dhahar bubur kêpanasên mumbul-mumbul..(3X)

6. ÕNTÕNG-ÕNTÕNG BÕLÕNG

Õntõng-õntõng bõlõng

adu mêrak adu sapi,

mêcah-å ndhõg-e siji

Õntõng-õntõng bõlõng

adu mêrak adu wêdhus

mêcah-å ndhõg-e satus

Yêg uyêg ranti, ånå bèbèk pinggir kali

sêrõntang sêranting mbõk nyai nyõlõng gunting

guntinge mbõk cêmårå, thithit thuwit kêmbang åpå?

7. *TIKUS BUNTUNG*

Tikus.. buntung .... 

Nduwe anak .. buntung ..... 

Cicit cuwit cicit cuwit ..... 

Si tikus såbå nèng lumbung.

8. *CUBLAK CUBLAK SUWÊNG*

Cublak cublak suwêng..

suwênge ting gêlèntèr..

mambu kêtundhung gudèl

pak êmpong lera-lere

såpå ngguyu ndêlik–ake

sir-sir põng dhêle gõsõng

sir sir põng dhêle gõsõng...

9. *G O T R I*

Gotri lêgêndri naga sari.. ri

riwul owal awul jadah mêntul.. tul

tolèn olèn olèn jadah mantèn ..tèn

(ti)tènånå besuk gêdhe dadi åpå.. på

pådhå mbakul enak mbakul sêdhêng.. dhêng

dhêngklõk engklak engklõk kåyå kõdhõk

10. *BANG BANG TUT*

Bang bang tut jêndhela ewa ewå

såpå brai ngêntut ditumbak råjå tuwå

nyang kali ngisèni kêndhi

jêruk purut wadhah êntut

11. *DHOMINO*

Dhomino ii dhomino 

ånå babu nggendhõng sinyo

sinyone nangis wae didolani mõntõr mabur

mõntõr mabur kapal udhara 

numpak sêpur mudhun Jakarta

jakarta akèh copète sopir becak akèh dhuwite

dhuwite mung sêlawe 

njaluk dijõtõs lambe ndomble

12. *KUCING GANDHIK*

Kucing gandhik………. meõng

(o)Mahmu ngêndi…… ngerõng

(a)På ra gatêl………….  adus

(a)På ra adhêm………… kêmul

(a)På nduwe kêmul…. tuku

(a)På nduwe dhuwit…….. utang

(a)På (i)så nyaur……. ngêmplang

Yèn ditagih……………..  ndhêlik

Yèn dioyak……………..  mlayu

Yèn dicêgat…………….  mlumpat

13. *D H A Y Õ H*

E…. dhayõhe têka

e…. gêlarna klåså

e…. klasane bêdhah

e…. tambalên jadah

e…. jadahe mambu

e…. pakaknå asu

e…. asune mati

e…. kèlèknå kali

e…. kaline banjir

e…. cènthèlnå pagêr

e…. pagêre ambruk

e…. dèlèhnå ngêbuk

14. *M E N T H Õ G*

Menthõg menthõg , tak kandhani

Mung rupamu , angisin ngisini

Mbõk yå åjå ngetõk , ånå kandhang wae

Enak enak ngõrõk , ora nyambut gawe

Menthõg menthõg , mung lakumu

Megal megõl , gawe guyu

15. *KIDANG TALUN* 

Kidang talun

Mangan kacang talun

Mil kêthêmil mil kêthêmil

Si Kidang mangan lêmbayung

16. *TE KATE DIPANAH*

Te kate dipanah

Dipanah ngisõr gêlagah

Ana manuk ondhe ondhe

Bõk sir bõmbõk , Bõk sir kate

Bõk sir bõmbõk , Bõk sir kate

17. *L I R   I L I R*

Lir ilir lir ilir , tandure wus sumilir

Tak ijo royo royo , tak sêngguh têmantèn anyar

Cah angõn cah angõn , pènèknå blimbing kuwi

Lunyu lunyu pènèknå , gawe ngumbah dõdõdirå

Dõdõdirå dododira , kumitir bêdhah ing pinggir

Dõndõmånå jlumatånå , kanggo sebå mêngko sore

Mumpung padhang rêmbulane , mumpung jêmbar kalangane

Yå…surak-åå å…..surak….Hoo..reeee…..

18. *SUWE ORA JAMU*

Suwe ora jamu

Jamu godhong telå

Suwe orå kêtêmu

Kêtêmu pisan gawe gêlå

19. *GAMBANG SULING*

Gambang suling kumandhang swarane

Thulat thulit , kêpenak unine

Uuu unine mung nrênyuhake

Barêngan kêntrung , kêtipung suling

Sigrak kêndhangane.

20. *SAIKI AKU WIS GEDHE*

Saiki aku wis gedhe..

sêkolah mangkat dhewe..

ora usah diêtêrake..

barêng karo kancane..

Yèn mlaku turut pinggiran,

ora parêng gojègan…

nèng ndalan akèh kêndharaan

mêngko mundhak tabrakan

21. *SIJI LORO TÊLU*

Siji loro têlu,

astane sêdhêku,

mirêngake bu guru

mênåwå didangu..

papat nuli limå..

lênggahe sing tåtå,

åjå pådhå sembrånå,

mundhak ora biså

23. *_J A R A N A N_*

Jaranan-jaranan…jarane jaran têji

Sing numpak ndårå bèi

Sing ngiring pårå mantri

Jèg jèg nõng…jèg jèg gung

Prõk prõk turut lurung

Gêdêbug krincing gêdêbug krincing

Prõk prõk gêdêbug jêdhèr.

24. *_KÕDHÕG NGORÈK_*

Kõdhõg ngorèk kõdhõg ngorèk , ngorèk pinggir kali

Theyõt thèblung theyõt thèblung , theyõt theyõt thèblung

Golèk pangan golèk pangan, golèk nyang blumbangan

Theyõt thèblung theyõt thèblung, theyõt theyõt thèblung.

25. *_PITIK WALIK JAMBUL_*

Pitik walik jambul ul, sêga golong mambu enthong

Månggå sami kondur ur, wêtêng kulå sampun kõthõng.

Enak eeenak sêgå liwêt jangan terõng. 

Terõnge bundêr bundêr

bocah srêgêp mêsthi pintêr, 

terõnge ijo ijo 

bocah kêsèd mêsthi bodho.

26. PITIK TUKUNG

Aku duwe pitik, pitik tukung

sabên dinå, tak pakani jagung

petõk gõgõk pêtõk pêtõk ngêndhõg siji

tak têtêske, kabèh trõndhõl dhõl dhõl

tanpå wulu, megal-megõl gõl gõl gawe guyu

27. KUPU KUWI

Kupu kuwi dak incupe

Mung aburmu ngewuhake

Ngalõr ngidul ngetan bali ngulõn

Mrånå-mrene mung saparan-paran

Såpå biså ngincupake

Mêntas menclõk cêgrêg

Nuli mabur blêbêr

28. GAJAH, GAJAH

Gajah, gajah, mrene tak kandhani jah

mripat kaya larõn, siung loro, kuping gedhe

kathik nganggo tlale

buntut cilik, tansah kopat-kapit

sikil kaya bumbung

mung mlakumu megal megõl

29. ÕTÕK  ÕTÕK.

Õtõk õtõk unine têkèk

Cinõ klõnthõng dioyak singkèk

Mlayu mlayu kêplèsèt têlèk

Tibå ndhõdhõk kathõke suwèk.

30. IBU KULA

Ibu kula nyuwun artå

Ing jawi wõntên kere

Kere lumpuh tuwin wutå

Sambat ngêlak lan luwe

Enyå iki wènèhånå

Sêgå  iwak lan banyu

Lan kerene kandhanånå

Kõn mrene sabên minggu .

31. PAMAN.

Pamanku ing paprangan

Amimpin prå wadyå

Wadyå bålå dharatan

Pujiku slametå

Pujiku slametå

Lha kae ånå upas têkå

Sêmune ngwatiri

Anggåwå layang kabar

Yèn paman wis sedå 

Yèn paman wis sedå .

32. ÅPÅ KOWE

Åpå kowe ra kèlingan

Nalikå isih bayi

Yèn nangis ngowèk ngowèk

Yèn turu mêsthi ngõmpõl 

Saikine uwis gêdhe

Uwis ora tau ngõmpõl

Uwis dadi bocah pintêr

Suk gêdhe dadi dhõkter.

Saikine uwis gêdhe

Uwis dadi bocah pintêr

Tumpakane mõntõr mabur

Wis pådhå dadi insinyur

33. SRÊNGENGE NYUNAR

Srêngenge nyunar kanthi mulyå

Angine midid klawan renå.

Manuke ngocèh ånå ing wit-witan

Kewane nambut ånå ing pasukêtan.

Ayo pådhå muji Allah kang mulyå

Ayo pådhå muji Allah kang mulyå.

   kinlumpukake dening eNPe