kapacak uga ing  https://www.facebook.com/share/p/1LBo7UKC57/ Sawijining dina, Mukidi niyat banget arep tuku sandhangan anyar ing Pasar Tanah Abang. Jarene kih karebèn ketok munggah drajad... cikbèn 'gaya' ngono loh!😂 Mripate clingak-clinguk satekane pasar muter-muter weruh kios akeh banget. " Waoww, iki pasar apa 'labirin' sing njlimet bisa-bisa nasarke? Yen aku ilang; tulung dihalo-halo diumumke ya!" 📢 Dhèkipun mlebu ing salah siji kios. Ngematke klambi apik banget, njur nyekeli ndemok-ndemok sajake kepencut tenan. " Mbak, iki bahane apa?" " Katun! Mas" " Ohh apik men mbak... yen kudanan isa dadi jas udan ora ya? " 🫠 Si pramuniaga wiwit sujana (curiga), nanging tetep sabar. Mukidi njur njajal klambi iku ing ngarep pangilon, nggaya macak kaya paragawan dadakan.🕺 " Wahh.. cucok banget! Aku dadi kaya artis ya!? kena kanggo bakdan ndhok kampung" 😂 Pramuniaga mangsuli cekak : " Artis... nek bayar, Mas!" ...

    kapacak uga ing  https://www.facebook.com/share/p/18ne1ArkQL/ Tumraping Raka, esuk iku rasane beda banget. Ya.... dudu marga hawane, dudu uga marga dununge kang krasa serem..., nanging merga atine kebak pitakonan. Ing sangarepe ngadhepi langkah kang winenga amba, malah kuwur/goreh atine monga-mangu abot. " Apa aku bisa ya?? " batin atine lirih. Wiwit cilik Raka tansah duweni impen. Dheweke pengin nyoba werna-werna prakara, pengin mlangkah luwih adoh ora kaya sing digambarake wong-wong. Ananging sangsaya diwasa rasa kuwatir iku malah saya kerep nggandhuli pangrasane ati..--wedi gagal, wedi luput, wedi dipepoyok wong akeh lan rasa was sumelang sing ora cetha panyebabe.-- Dina iku, dheweke ngadeg ing ngarep lawang --dudu lawang sembarang lawang lumrah, nanging pralambang mujudake langkah anyar jroning uripe, ya wewengan kang menga amba ing ngarepe kang kudu diadhepi klawan tatag.-- Tangane wus nyoba kemlawe, nanging mandheg ing tengah-tengah. Dumadakan, keprungu bisikan ...

    kapacak ugi ing  https://www.facebook.com/share/p/14eCoCxgD8U/ Tetembungan 'Melawan lupa' ing basa Indonesia asring kita pireng kang mratelakaken pangudi daya ngangkah boten ngesupenaken prakawis ingkang baken lan wigatos. Tuladhanipun gegandhengan kaliyan prakawis sejarah pagesangan pribadi, kulawarga, pengalaman pait utawi manis lan kedadosan-kedadosan ing satengahing masarakat. Kagem tiyang ingkang klebet kasepuhan (lansia) prelu sanget angudi daya ngangkah boten gampil kesupenan prayogi salah satunggalipun karem/remen maos lan nyerat punapa kemawon ingkang saged punayahi. Krana makaten saged nglelantih/nggladhi pamikir lan ngasah landheping daya pangemut.  Klawan ajeg datan kendhat mligi ngulinakaken ulah pikir temtu maedahi nyuda gampilipun kesupenan, pikun tumraping kadadosan-kadadosan kang sampun punlampahi. Sumangga kita wiwiti ngulinakaken damel orek-orekan saking gagasan-gagasan sapala mbaka sakedhik dangu-dangu sangsaya mindhak ganep klawan sregep maos...

    kapacak ugå ing  https://www.facebook.com/share/p/14fPBqDXquW/ Nabastålå wus nora biru manèh cêmanthèl nyimpên nawålå kang datan kaucap pasulayan donyå kang mlayu rikat mêkakat nuli kêsandhung ayangan priyånggå. Ing layar-layar kåcå, katõn mulad-mulading dahånå saliring têmbung pådhå tabrakan luput lan bênêr datan ênêr pating sliwêr. Aku njêglêg antaraning blengkrahing rêruntuhan åpå iki jaman sing kitå wangun? åpå kakisruhan kaêjarke ngrêmbåkå? Bantålå unjal ambêgan kacandhêt-candhêt tangisan getih sumrambah ing ngêndi-êndi ombaking jaladri ngrukêt wadi sangsåyå mrati twin manungså__..., riwud ndhaku bênêr dhewe lêpyå, ninggalake jiwå kamanungsan. Nora jênjêm, mêlang-mêlang sêpi ndhêpipis ing põjõk nålå datan sinenggõl nõthõk alõn__ ning tan nate kêprungu sumaure margå wus oncat sing rågå.  Lamun donyå papane pangeyuban kênåpå kitå pådhå ngêbruke lan ngobrak-abrik? Yèn panêdyå maksih ånå, kênåpå mung kêprungu bisik lamat-lamat? Wêngi mrambat tan janji hamung ngg...

    kapacak uga ing  https://www.facebook.com/share/p/1AZsBtCHDn/ Stop papêrangan! ⛔️ Stõp kêsrakahan! ⛔️ Stõp kawêngisan! Stõp kaangkåråmurkan! ⛔️ Hee pårå pribadi kang jêjuluk dur-angkårå lan dhugdhèng rumångså dhuwur drajade lan unggul dhewe! 🤜 Aja angkårå murkå nguwasani lan mêngkõni sasåmå manungså! 👊 Ora ånå sawijiå ing antaraning sirå kang mulyå dhewe ing ayunaning Gusti Kang Må' Kawåså. ✍️ Elingå!.., sepak têrjang polahirå kang wêngis numpês sasåmånirå bakal antuk ganjaran bêbêndune Pangeran Sang Panciptå! ✍️ Jêjêriting anak-anak kelangan båpå biyunge, mitrå kadang kelangan pangeyuban krånå trajangan mimis dalah roket kang sirå ancas datan pri kamanungsan, bakal ndhudhuk jurang mulad-mulad kang maladi awakirå dhewe ngluwihi dahånå ing payudan awujud måhåbhairawi aliyas neråkå.  Yå..., iku bêbêndune Gusti kang bakal tumanduk maring manungså kang wêngis, kamitegan, srakah, anindhês lan numpês sapêpadhane. Stop papêrangan! ⛔️ Stõp kêsrakahan! ⛔️ Stõp kawêngisa...

  kapacak uga ing  https://www.facebook.com/share/p/1HL2s7eptR/ Ing sawijining desa cilik sing kinupengan sawah ijo lan alas ketel, ana bocah cilik parabane Bolang. Bocah iku senengane ora gelem leren. Saben dina ana bae panggonan anyar sing pengin diambah, mula diparabi si Bolang --Bocah Petualang-- " Mak-e, Bolang arep nyang kali ya !" pamite sawijining esuk. Simboke mung mesem, " Ati-ati ya ngger, aja adoh-adoh." Nganggo topi anya man, nyengkelit arit lan nyangklong tas ransel rada amoh isine sangu tela pohung lan gedhang godhog sarta gendul plastik isi banyu ngombe. Bolang budhal mlaku urut dalan setapak kairing swara ocehane manuk saut-sautan sajak bagekake lakune si Bolang. Tekan ing pinggir kali cilik, dheweke meruhi ana sing rada aneh yaiku banyune kali katon buthek ora kaya padatane. " Kenapa ya? " mosike Bolang penasaran, 'kepo' basa gaul cah saiki. Rasa kepo ndadekake Bolang banjur nlusuri asal iline kali. Lakune urut pinggire kali ora g...

  kaunggah uga ing  https://www.facebook.com/share/p/14bVopp9mVL/ Sarwa pas-pasan sacara ekonomi kanggo melu reuni mujudake salah siji perang batin sing abot dhewe nanging nunjem ing rasa tumraping sawetara pensiunan. Rasa kepengin nekani lan ketemu meneh para mitra kadang lawas asring ngadhepi cumpene wragad. Kira-kira mangkene andharane perang batin, sisan minangka paring 'empati' lan melu ngrasakake pangrasa. Perang Batin: Sarwa pas-pasan sacara ekonomi sajroning nekani reuni tumraping pensiunan. 1. Kapenginan kang ora jumbuh karo kamapanan. Pratelan : Sajroning ati, ana rasa kapang, kangen bisa ketemu, ngelingi samangsa kuliah, adu-aruh kadang lawas. Ananging, nalika nguningani wragad panginepan, tetunggangan utawa malah wragad urunan, pepenginan iku kudu diempet ...ya iku kasunyatan kang diadhepi.  Swara batin : "Aku banget pengin teka, nanging aku kudu milih antarane salah siji utawa kabutuhan pawon minggu ngarep!" 2. Kuwatir oleh pambijen lan pitakonan Pratelan...

     kapacak uga ing  https://www.facebook.com/share/v/18aR95QA8r/ Gusti datan nate janjèni langit tansah biru. Nanging Gusti janji tansah anganthi. Gusti datan nate janjèni dalan tansah wråtå. Nanging Gusti janji maringi kêkuwatan. Åjå nate mutung åjå cuthêl pêngarêpan. Mujijat Gusti nyåtå nalikå ati sujud manêmbah. Åjå nate mutung åjå cuthêl pêngarêpan. Mujijad Gusti nyåtå tumrap kang tuhu pracåyå. sorogan : kadudud lan kajarwa saking pideo lagu anak "Jangan Pernah Menyerah" JM, lingsir wêngi, 190426             ✍️ 𝖊𝕹𝕻𝖊 ✍️             [^__^] [^__^] 

  kapacak uga ing  https://www.facebook.com/share/p/1Dg53VRQ3d/ Tom (kucing) lan Jerry (tikus) gawe keributan padha huhuran (saingan) rebutan pangan ing warung bu Sari. Ing warung iku angganda gorengan anget lan keluk sega gurih nggodha sapa bae kang liwat. Ing ngisor meja ngumpet tikus si Jerry, matane mencorong ngincer tumpukan tempe goreng ing dhuwur meja. " Wah... sarapan gratis kih !", batine si Jerry. Durung kober nyerbu, ujug-ujug, " Meyoong !!" seka dhuwur rak beras si Tom (kucing) wis ngincer wiwit mau. 🦊🐁 Oyak-oyakan diwiwiti. Jerry mlayu rikat ngliwati sikil meja, Tom ngoyak kebak semangat, --saking semangate-- ee malah nabrak toples rempeyek.... PRANG!! Peyek pating pencelat, Jerry kanthi kalem malah mangan peyek sapotong karo mlayu ngumpet, si Tom jengkel njur njupuk sendok gedhe didelehke ing ngisor piring kanggo nyoba mikat Jerry... PLAK!.. eee malah tangane Tom dhewe sing kena. 🦊 Akal-akalane Jerry, dheweke narik bolah sing katlalen ing teko banyu...

    kapacak uga ing  https://www.facebook.com/share/p/1AyaGdV39j/ Saibå dènyå nêngsêmkên lamun manungså sabumi, marsudi têntrêm rahajêng numrahkên sihing Gusti. Saibå dènnyå ngrêmênkên lamun ing sajagad wråtå, kaadilan kang sanyåtå sayêkti binabarnå. Saibå dhahat endahnyå prå titah têtunggilan samyå, datan wontên crah twin payudan mrih rumakêt trusing driyå. Srånå sih katrêsnan tulus, lah jagad dadyå Pirdus sagung tumitah raharjå rinoban sih rahmat-Nyå. JM, madyå ratri, 150426             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/1CaD2faLEW/ Ana sawijining kucing cilik tansah katon sedhih, besengut polatane mlaku wira-wiri. Dumadakan kucing iku mlebu ing omah kang lawange bukakan. Kucing iku nora ngerti yen ing jeroning omah mau pinasang sewu pangilon ing temboke. Nalika kucing iku mlebu iba kagete nyumurupi ana kucing-kucing cilik sing katon mrengut sajak nesu nyawang dheweke. Rumangsa kaancam dening kucing-kucing cilik mau, dheweke njur bengok meyang-meyong tumujokake marang sewu kucing mau. Eee... lha kok jebulane meyongane diwales meyongan uga dening kucing-kucing kang sejatine iku mujudake gambaran dheweke ing sewu pangilon mau. Jalaran wedi kucing cilik iku mlayu metu saka omah mau, batining ati, " Omah iku banget anggegirisi" Ora let suwe ana kucing cilik liyane sing atine lagi bungah, uga lagi wira-wira ing sacedhake omah iku. Kucing iku nuli mlebu lawang omah mau, ing kono katon yen ana kucing liyane pirang-pirang padha mesem ngulatake...

    kapacak uga ing  https://www.facebook.com/share/p/1CZek1H1SL/ Duk sakawit Gusti wus nêtêpake uripku ing gênggêman Asta-Ne, jroning rancangan-Ne Gusti rancangan endah wus katêtêpake ing têmbe urip kang kêbak pêngarêpan.  Sakabèhane bêcik, sakabèhane datan cuwå krånå ndhèrèk Gusti tumêmên bêgjå åpå kang wus Gusti tumandukake mring uripku saibå Gusti mujudake sarwå bècik tumrap uripku. JM, gagat bangun, 120426             ✍️ 𝖊𝕹𝕻𝖊 ✍️             [^__^]  [^__^] 

    kapacak ugi ing  https://www.facebook.com/share/p/18Q12k242c/   Para kadang sutresna kang kinurmatan, kepareng kula atur ringkesan seratan bab kesehatan. Dhasar bakening kagem ngreksa/ njagi kesehatan badan, raga (phisik) lan mental mliginipun awit saking tambahing yuswa. Mobahing badan utawi tetep mobahing raga anggadhahi kathah paedah, utaminipun kagem kaum kasepuhan (lansia). 1. Anjagi kekiyatan walung/balung lan ugel-ugel, athik-athik (sendi).   Tansah ngobahaken raga (ulah-raga) klawan ajeg saged biyantu madhetaken kandhutan mineral walung/asthika utawi nyuda getas/kroposipun kapadhetan walung. Saged ugi njurung ngasilaken 'cairan sinoval/pelumas sendi' ingkang nyuda raos kaken lan nambah gangsar mobahing badan. 2. Ngreksa peranganing otot.   Kairing tambahing yuswa, ingkang njalari mandhaping karosan peranganing otot. Kanthi mobahing raga utaminipun nglelantih kekiyatan entheng-enthengan saged nyandhet mandhapipun karosan, tuwin nggangsaraken pros...

    kapacak uga ing  https://www.facebook.com/share/p/1B2zkmCAGH/ Wanci esuk iku, tumetese ebun gawe rasa atis, aku sakanca mecaki dalan desa. Langit isih remeng-remeng jalaran ing brang wetan sorote sang bagaskara ketutup gegodhongan. Ewasamono aku sakanca kebak semangat miwiti lumakune sikil sadalan-dalan. Karo nyangklong tas sing rada krasa abot, aku dalah kanca-kanca njangkah alon dalanan sing durung patia rame. Kawitan isih krasa entheng, jangkahe sikil isih rosa kebak daya, clotheh obrolan mili datan pedhot, ngguyu cekakak cekikik ambegan isih krasa lodhang. Nanging sangsaya adoh lakuning lelungan esuk iku ketambahan dalan rada munggah, wiwit krasa panas srengenge nyulihi adheme esuk. " Kok adoh timen ya.. !", nylethuke salah siji kanca katon krenggosan sinambi cengengesan. Aku sakanca nglegakake leren sedhela ora merga nglokro nyerah ning malah mesem angresepi nikmat kebak suka rena. Sinambi lungguh pinggir dalan ngombe banyu sangu, karo ngematake asrine sesawangan...