HUHURAN TOM & JERRY

-

  kapacak uga ing https://www.facebook.com/share/p/1Dg53VRQ3d/

Tom (kucing) lan Jerry (tikus) gawe keributan padha huhuran (saingan) rebutan pangan ing warung bu Sari. Ing warung iku angganda gorengan anget lan keluk sega gurih nggodha sapa bae kang liwat.


Ing ngisor meja ngumpet tikus si Jerry, matane mencorong ngincer tumpukan tempe goreng ing dhuwur meja.

"Wah... sarapan gratis kih!", batine si Jerry. Durung kober nyerbu, ujug-ujug, "Meyoong!!" seka dhuwur rak beras si Tom (kucing) wis ngincer wiwit mau.


🩊🐁 Oyak-oyakan diwiwiti.

Jerry mlayu rikat ngliwati sikil meja, Tom ngoyak kebak semangat, --saking semangate-- ee malah nabrak toples rempeyek.... PRANG!!


Peyek pating pencelat, Jerry kanthi kalem malah mangan peyek sapotong karo mlayu ngumpet,

si Tom jengkel njur njupuk sendok gedhe didelehke ing ngisor piring kanggo nyoba mikat Jerry... PLAK!..

eee malah tangane Tom dhewe sing kena.


🩊 Akal-akalane Jerry, dheweke narik bolah sing katlalen ing teko banyu panas.

Nalika Tom nyedhaki teko alon-alon... ora ngira "Thing..!!" lan "Byuurrr". Banyu wutah pas ing ngarepe Tom (tujune banyune wis ora panas) andadeke jogan lunyu... apa sing kedaden? si Tom (kucing) kepleset lan  mental tekan njaban warung.


🩝 Dumadakan njedhul mungsuh anyar Kucing Garong gedhe lan galak. Dheweke weruh peyek ing tangane Jerry. Jerry lan uga Tom ngadeg padha kaget, njur pandeng-pandengan. Tanpa dikomandho Tom lan Jerry akur sarujuk dhisik kanggo nglawan mungsuh anyar iku.


đŸ€ Gotong royong dadakan.

Tom nylamur Kucing Garong iku, wondene si Jerry nyawurake potongan lombok rawit nyang irunge si kucing garong.., "Wha..zzimm!!!".đŸ€­ Kucing garong mlayu kepedhesen.


đŸ€š Wusanane, Tom mesem bombong... banjur noleh nyang Jerry. Jerry mesem uga karo nggayemi turahan peyek.

Sidhem sawetara....

Tom kaya dielingake... "Meyoong!"

Oyak-oyakan kawiwitan meneh, metu njaba warung ngliwati omah-omah kampung.


✍️ Eliding dongeng.

Kalamangsa mungsuh kita sing abot dhewe... malah bisa dadi sekuthon nalika dibutuhake. Nanging, ya.. bali nang padatane bisa pepadon meneh yen ta ora akur nalika ngadhepi prakara sepele. Ya, kaya mangkono sipate manungsa yen kapentingane seje njur gontok-gontokan golek slamet dhewe-dhewe.


Gonjang-ganjing pulitik ing wekasan iki kadyadene tuladhane huhuran (saingan) Tom lan Jerry đŸ« đŸ„±

Heeem... saingan rebutan balung lan kwasa padhadene oyak-oyakan kaya Tom lan Jerry. Perang rudhal kaya ing tlatah Timur Tengah utawa perang Bratayuda ing pewayangan lan crita-crita bocah taruna padha kerah kroyokan. đŸđŸ»‍đŸŒđŸŒ


JM, parak esuk, 17426

          ✍️ 𝖊đ•čđ•»đ–Š ✍️

          [^__^]  [^__^]



Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

ÅJÅ NATE MUTUNG

-
Gambar
     kapacak uga ing  https://www.facebook.com/share/v/18aR95QA8r/ Gusti datan nate janjĂšni langit tansah biru. Nanging Gusti janji tansah anganthi. Gusti datan nate janjĂšni dalan tansah wrĂ„tĂ„. Nanging Gusti janji maringi kĂȘkuwatan. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijat Gusti nyĂ„tĂ„ nalikĂ„ ati sujud manĂȘmbah. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijad Gusti nyĂ„tĂ„ tumrap kang tuhu pracĂ„yĂ„. sorogan : kadudud lan kajarwa saking pideo lagu anak "Jangan Pernah Menyerah" JM, lingsir wĂȘngi, 190426             ✍️ 𝖊đ•čđ•»đ–Š ✍️             [^__^] [^__^] 
Baca selengkapnya