kapacak uga ing  https://www.facebook.com/share/p/18oqJKKH6V/ Ing satengahe pasar kewan, ana pasangan bapak lan ibu lagi arep tuku wedhus kanggo acara sokuran.  Ing kono ana sawijine bakul wedhus lagi nawake dodolane nganggo halo-halo... Bakul wedhus, " Bapak-bapak lan ibu-ibu, niki wedhus bandhot saking Garut kiyat sanget, sedinten saged kaping gangsal kawin kalih babon !". 🙂 Si Ibu karo mesam-mesem njiwit bojone : " Kae lho pak... sedina ping lima, bapak saguh ora.. ? "  Bacute si bakul wedhus, " Bapak lan ibu, lha yen sing niki...  enten wedhus bandhot saking Meduro langkung kiyat malih, sedinten saged ping sedasa ...!" 🙂 🙂 Si Ibu njiwit meneh bojone : " Nah.. pak, mung mangan suket ae bisa kaping sepuluh ..., bayangke jaall (jajal) .....!!! " Si Bapak dadi kemropok panas, nuli takon karo bakule wedhus, " Kang!!... iku ping sepuluh karo babon padha apa ora ...?" 😀 Si bakul wedhus semaur : " Nggih... beda-beda babon lhah ...

    kapacak ugi ing  https://www.facebook.com/share/p/1KNV4KxvdR/ Kacarios, wonten tiyang gadhah anak jaler kalih. Anak ragil matur bapakipun: " Bapak, keparenga kula nyuwun bagean kula saking sadaya ingkang badhe panjenengan warisaken. " Bapakipun estu andum warisanipun dhateng lare kalih kanthi adil. Ing satunggaling dinten si wuragil nyade sadaya bagean hak warisan ingkang pundarbeki, lajeng pamit kesah dhateng njawi dhaerah/pulo. Anggenipun ngumbara punkatog-katogaken, gesangipun ngebreh-ebreh mburu sukan-sukan ngantos katelasan yatra. Tumuli piyambakipun bingung kangge nedha sampun boten kuwawa awit yatranipun sampun ludhes. Pramila kapeksa mberah ngenger dhateng juragan sapi. Pedamelanipun ngrimati sapi-sapi, saben enjing ngguyang sapi kaliyan pados suket-suketan pakan sapi.  Anggenipun ngenger kados mrihatosaken, sarapan sawontenipun, dening juragan namung punparingi sekul pethak boten mawi lawuhan, kadhang sok boten sarapan. Si wuragil kala-kala kepengin nedh...

    kapacak uga ing  https://www.facebook.com/share/p/14kfurpnAP7/ Dakbukak album biru kêbak blêdug kang wus lêthêk. Daktamatake kabèh potrèt dhiri cilik, putih suci datan pacålå. Angênku nglambrang.... duk samånå winêngku sih katrêsnan gêgambaran lakuning uripku manut pra kadang. Critane, aku tansah dikêkudang jarene, aku tansah digêgadhang. Aku hamung anyêbut båpå samangsa aku kadlarung datan pênêr. Kang dakeling hamung båpå lamun aku ngadõh ing paran. Båpå-biyung tan nate sayah kang tansah njurung jroning uripku amaringi aku kabèh kang kalangkung  endah. Båpå-biyung, nadyan ånå utåwå ora ånå tansah ånå jroning nålå putrå-putri kang satuhu bêkti. Darbèkku kang kaliwat aji iya mung kulawarga kêdhatõn kang kaliwat têntrêm iyå mung kulåwargå. Gêguritan kaliwat aji iyå mung kulåwargå sêsotyå kumênyar iyå mung kulåwargå. Sugêng enjing, biyung sugêng enjing, båpå Suryå ari puniki gêbyar sumunar  Matur nuwun, biyung matur nuwun, båpå mring kasantosan tumrap kulå prå ...

    kapacak uga ing  https://www.facebook.com/share/p/1DGYDP169a/ Sawise bola-bali Mukidi minangka sing tuku (pembeli) gawe ulah, Mukidi angen-angen, " Nek dadi pembeli dhuwite ludhes bae, mendhing gentenan dodolan apa ya, beneya cepet sugih !" 😜 Sidane Mukidi bukak toko ing pasar. Dhek-e adol werna-werna barang : ana sandhal, topi, kaos, payung nganti tekan sentolop. Pokoke campur adhuk ora karuan kaya isi gudhang. Ing ngarepan tokone kanggo narik kawigaten ana tulisane gedhe-gedhe :             TOKO MUKIDI REGA KENA DIANYANG, ANGGERE ORA KEBANGETEN Waoww, lagi se- jam bukak, ana ibu-ibu mampir mandheg: " Mangkok iki pira ?" Wangsulane: " Kalih dasa ewu rupiah, setunggale, Bu." "Apa bisa kurang? !" ujare si ibu. " Nggih pun kula murahi, Sangalas ewu sangang atus sangang puluh sanga rupiah (19.999 )." wangsulane Mukidi. Si Ibu mlongo, " Wah, kurange mung srupiah! " 🫠 Mukidi, " Jenenge rak pun kirang, Bu" wangsulane...

    kapacak ugi ing  https://www.facebook.com/share/p/1Cuge8d4KH/ ( Kagem cathetan tambahing kawruh, kepareng ndherek ambage seratan bab Kerata Basa kadudud saking sumber 'link' ing pungkasaning seratan, nuwun 👏) Kérata basa yaiku bab negesi tembung utawa nggolèki surasaning tembung kapirid saka wancahané tembung utawa wandané tembung kang ditegesi mau, dijupuk cundhuk prayogané, diothak-athik, digathuk-gathukaké supaya mathuk.   Tembung guru, upamané, yèn arep dikérata basa luwih dhisik kudu diwancah utawa dipecah didadèkaké wanda-wanda, yaiku dadi wanda 'gu' lan wanda 'ru'. Saben wandané tembung mau banjur diréka, dianggep kaya-kaya minangka tembung wod (tembung wod kuwi éwoning tembung kang mung dhapur sawanda), nuli diothak-athik diwènèhi teges kang gathuk lan mathuk karo tegesing tembung kang lumrah.   Tembung guru kuwi mengku teges ’wong kang pagawéné mulang muruk ing pamulangan’. Tembung iki yèn dikérata basa bisa ditegesi ’digugu lan ditiru’, yaiku wand...

    kapacak ugi ing  https://www.facebook.com/share/p/18vLgK8S3r/ Kendhang boten badhe sekeca punpirengaken bilih nabuhipun sasekecanipun piyambak, temah para niyaga gamelan sanesipun boten saged nylarasaken wirama gendhingipun. Mila makaten dipun damel tatanan, supados kita ngasilaken wirama kang merdhu lan laras. Makaten ugi tumraping gesang, budi lan solah bawa kita kedah salaras kaliyan darmaning agesang. Paugeran dipundamel supados sadaya lumampah gangsar lan tertib nut wirama samesthinipun. Nanging wonten kemawon ingkang nyempal. 'Talenta' wujud berkah kanugrahan saking Gusti yogyanipun boten kaagem sasekecanipun piyambak boten maelu paugeran kang sampun pinathok. Talenta, kadosta nyanyi, kewasisan memucal malah gagasan awujud pangandikan ing pasrawungan kedahipun punagem sacara ginantosan boten rebutan. Prayoga ing pasrawungan punapa kemawon, duka punika ageng utawi alit upami ing pirembagan (rapat, bs.Ind) nengenaken prelunipun mirengaken lan paring wewengan wekda...

    kapacak uga ing  https://www.facebook.com/share/p/1G6Wzp6hEm/ Sakumpulan bocah-bocah lanang ing sawijining kampung padha kangsenan/semayanan katemu sore-sore sawuse mulih sekolah. Padha nglumpuk ing taman ngisor wit-witan kang edum saprelu dolanan bebarengan yaiku adu jangkrik. Adu jangkrik sawijining dolanan ing jamane kang durung kenal karo jaman sarwa digital kaya samengko iki. Kepriye iku adu jangkrik?  𝘼𝙙𝙪 𝙟𝙖𝙣𝙜𝙠𝙧𝙞𝙠   yaiku dolanan kuna bocah-bocah ngupaya jangkrik loro ketemu adhep-adhepan diadu kekuatan, kegagahan lan swara ngerik sing nyaring swarane seru lan bening. Ora beda karo adu jago, mung bae adu jangkrik iki dolanan hiburan bocah-bocah. Dolanan adu jangkrik nate dadi salah sijine dolanan kawentar ing jaman samana, kejaba gangsingan, kenekeran, benthikan lsp. Baleni crita bab jangkrik, apa kira-kira pakane jangkrik? Yen ora kleru jangkrik dipakani 𝙠𝙧𝙤𝙠𝙤𝙩 , yaiku sajinis suket-suketan sing godhonge lonjong, lonjoran wit-e gagan...

    kapacak uga ing  https://www.facebook.com/share/p/1LQ8ZimJhr/ Andi lan Somad padhadene nyambut gawe minangka wakiling dodolan (agen) buku ing sawijine kang ngetokake (penerbit) buku. Sakloron wiwit cilik srawunge bisa kaaran sedulur sinarawedi, runtang-runtung dolan bareng nganti nyambut gawe. Cah loro kewajibane nawakake paket buku pawiyatan ing sekolah-sekolah. Agen buku wus netepake wilayah tugas, sisih elor kutha tugase Andi, sisih kidul kutha bageane Somad. Pembagean iku cukup adil kaangkah ora marakake rebutan lengganan. Kocapa sawijine dina, Somad bisa gawe yakin/manteping marang sekolahan gedhe lan kondhang kanthi oleh pesenan paket atusan buku sing ajining kontrak gedhe lan komisine uga gedhe. Sejatine cah loro iku anggone paseduluran wus suwe becik-becik bae, ora duwe rasa meren-merenan. Nanging ing kene si Andi wus pirang-pirang dina durung oleh pesenan sawijia. Andi sipat nakale metu, banjur sacara sesidheman nekani mring sekolah sing wis dikontrak pesenan...

    kapacak uga ing  https://www.facebook.com/share/p/1JPbT4opHc/ Kêmbang mêlathi putih mêmplak endah lan asri Mêkrõk sore nalikå suryå sumusul wêngi Gêgõdhõngan garing kumleyang kasinggõl sumilire erawati Nanging sliramu panggah ngadêg ngugêmi janji. Anggåndå arum rumêsêp ing jêro nålå Nggåwå têntrêm sênadyan jagad lagi sulåyå Kåyå dongå suci rinå wêngi dènanti Mugå dadi mêmanise laku urip iki. ~ ndungkap esuk, 9626         ✍️ 𝖊𝕹𝕻𝖊 ✍️         [^__^]  [^__^] 

    kapacak uga ing  https://www.facebook.com/share/r/14eDe7sHt8m/ Ing sawijining desa ana simbok kanggo nyambung uripe gaweane ora ana liya yasa lan sadean tempe. Ewasamono, dheweke babar pisan ora tau ngersula. Uripe prasaja sarwa sukarena, " Tempe iki mengko kang nglumantarake aku menyang swarga, kenapa aku kudu nggelani lan ngersula?" , mengkono anggone ngrenggani uripe. Esuk- esuk, simbok iku menyang pawon njupuk buntelan tempe njur diselehke ing ndhuwur meja. Nanging..., tempe sing arep didol durung dadi isih wujud dhele malah isih ambyar durung nyawiji karo ragine. Sajake lali yen kira-kira isih kudu ngenteni sedina engkas supaya bisa diadol. Lemes rasane awake, cupet pikire, piye dina iki bisa oleh dhuwit kanggo mangan lan pawitan tuku dhele meneh? Si bakul tempe iku duwe pengarepan, dheweke ngerti yen nyuwun karo Sang Pancipta mesthi ora ana kang mokal. Mulane banjur klawan tangan sidheku ndedonga : " Dhuh Gusti Paduka pirsa kawontenan kawula. Kawula mangertos b...

    kapacak ugi ing  https://www.facebook.com/share/p/1Lkq9Qe82S/ Bokbilih tetembungan 'Warung Pênyètan' sampun mratah ing kathah panggenan. Punapa ta warung penyetan? Penyètan tembung nggen-nggenan lingganipun penyèt ateges ênêt, pênêt, êsuk pun tipisaken. Warung Penyètan mratelakaken wande ingkang sadean maneka lawuhan goreng (tahu, tempe, lele, ayam lsp) ingkang dipun pênêt campur glepung lan sambel. Racakipun tetedhan punika rencangipun lalapan seger lan sekul anget kagem sarapan raosipun mak nyus murugaken tanduk sekul saenthong malih. 🍽 Warung Penyetan kathah-kathahipun saged pun prangguli ing pinggiran kampung kang kebak griya masarakat. Warung Penyetan, wontenipun celak-celakan ampingan kalihan Warung Tegal (Warteg). Senadyan tetedhan, dhaharan lawuhan wau ketingalipun prasaja (sederhana) nanging antawisipun wande setunggal lan setunggalipun cara ngolah lan ngladosaken boten sami. Wonten ingkang resikan nanging boten sekedhik ingkang nglirwakaken njagi resikan an...

    kapacak uga ing  https://www.facebook.com/share/p/18ntNRTWms/ Ing jaman ora enak, nalika listrik isih byar-pet, pilihan lurah rame banget. Ing desa Karangseta, calon lurah ana loro: Pak Dulam > juragan gabah, kondhang murah esem.😄 Pak Katro > tilas Carik Desa, pidhatone dawa kaya rel sepur. 🛤 Sing dadi rebutan dudu mung kalungguhan lurah ... ning uga ' sawah bêngkok' Sawah Bêngkok iku sawah jatahe lurah minangka bayarane .  Sing andadekake ngiler warga desa yaiku sawah bengkok lemahe amba, cedhak kali, banyu ilen-ilen lancar, panen pari bisa kaping telu setaun. 👍 Mulane, diwiwiti rebutan ngaruh ngrebut swarane warga desa. Ing wengi-wengi sadurunge coblosan, warga diundang mangan gratis. Pangusunge pak Dulam andum sega gurih pepak salawuhane. Pangusunge pak Katro ora gelem kalah, " Sing penting warga wareg! ", nuli mragat/nyembelèh wedhus. Esuke warga padha bingung:  " Nek mangan ndhok omahe Dulam lawuhane pepak ... ning wedhuse Katro luwih empuk, pi...