MUKIDI DODOLAN, PASAR DADI RAME GEGER ORA KARUWAN

-

   kapacak uga ing https://www.facebook.com/share/p/1DGYDP169a/

Sawise bola-bali Mukidi minangka sing tuku (pembeli) gawe ulah, Mukidi angen-angen, "Nek dadi pembeli dhuwite ludhes bae, mendhing gentenan dodolan apa ya, beneya cepet sugih!" 😜


Sidane Mukidi bukak toko ing pasar. Dhek-e adol werna-werna barang : ana sandhal, topi, kaos, payung nganti tekan sentolop. Pokoke campur adhuk ora karuan kaya isi gudhang.


Ing ngarepan tokone kanggo narik kawigaten ana tulisane gedhe-gedhe :

           TOKO MUKIDI

REGA KENA DIANYANG, ANGGERE ORA KEBANGETEN

Waoww, lagi se- jam bukak, ana ibu-ibu mampir mandheg: "Mangkok iki pira?"

Wangsulane: "Kalih dasa ewu rupiah, setunggale, Bu."

"Apa bisa kurang?!" ujare si ibu.

"Nggih pun kula murahi, Sangalas ewu sangang atus sangang puluh sanga rupiah (19.999)." wangsulane Mukidi.

Si Ibu mlongo, "Wah, kurange mung srupiah!" đŸ« 

Mukidi, "Jenenge rak pun kirang, Bu" wangsulane kalem."


Ora let suwe, ana cah wedok mampir teka, "Sandhale iki pira, Mas?"

Mukidi, "Murah mbak, telung puluh ewu rupiah!"

Cah wedok, "Bisa kurang?!"

Mukidi, "Bisa!" 

Mukidi njur njupuk sandhal iku, nuli nggunting sithik sebagean tungkake. Karo ngelungke Mukidi clathu, "Nah iki wis kurang!"

Cah wedok iku kaget kaya arep nggeblak semaput, trus lunga karo grundelan, "Mukidi Mukidii dhasar gemblung!"


Ora let suwe teka bapak-bapak arep tuku payung, "Payung iki kuwat ora ya?"

Mukidi, "Kiyat, Pak!"

Si Bapak, "Wis tau dicoba?"

Mukidi, "Sampun!"

Si Bapak, "Piye asile?"

Mukidi, "Nalika jawah kula tetep teles, Pak!"

Si Bapak, "Lho?!!"

Mukidi, "Soale payunge kula tilar teng griya" đŸ€ŁđŸ˜…đŸ˜† Wadhuh!!


Nyedhaki awan, dodolane wiwit rame sing mampir, Mukidi tambah gyak semangat.

Ana cah cilik takon, "Om, sentolop iki padhang ora ya?"

Mukidi langsung ae ngurupke disorotke nang raine bocah iku, "Nah, dadi cetha ta!"

Mesthine bae bocah cilik iku keweden nuli bengok-bengok karo mlayu. Wong sapasar dha ngomeli Mukidi, tangga-tangga tokone geleng-geleng saka polahe Mukidi gawe geger.


Sangsaya ora nggenah meneh, nalika ana sing arep tuku kaos.

"Mas, ana ukuran XL?"

Mukidi nggoleki karo ngubeg-ubeg.

si Pembeli, "Ana ora, Mas?"

Mukidi, "Ana!" 

si Pembeli, "Endi?!"

Mukidi, "Rung ketemu!"

si Pembeli, " Jarene ana?"

Mukidi, "Iya, ana nang daptar stok, ning barange embuh iki?" đŸ˜‚đŸ€Ł


Ngarepke sore, Mukidi ngetung asil dodolane, "Piye Di? Laris?"

Mukidi mesem kecut, "Laris guyonane!"

Tanggane, "Karepe piye?!"

Mukidi, "Sing arep tuku dha teka akeh, akeh uga sing ngguyu, ning sing tuku mung wong loro!" đŸ«ĄđŸ€­

Tanggane, "Trus, bathi pira?"

Mukidi karo bukak laci, "Nek dietung dhuwite sih, rugii!"

Tangga, "Yen ngguyune?"

Mukidi, "Gedhe bathine!???" haha hahaaa đŸ€ȘđŸ€Ș😝


Kawit esuk, tokone Mukidi kondhang ing sapasar iku. Ora merga barange murah, nanging merga sing padha tuku mulih bisa ngguyu lan celathu: "Yen blanja nang nggone Mukidi, durung besthi entuk barang, nanging mesthi entuk panglipuran." đŸ€Ș😛😂


~ parak esuk, 23626 ~

            ✍️ 𝖊đ•čđ•»đ–Š ✍️

            [^__^]  [^__^] 


Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

ÅJÅ NATE MUTUNG

-
Gambar
     kapacak uga ing  https://www.facebook.com/share/v/18aR95QA8r/ Gusti datan nate janjĂšni langit tansah biru. Nanging Gusti janji tansah anganthi. Gusti datan nate janjĂšni dalan tansah wrĂ„tĂ„. Nanging Gusti janji maringi kĂȘkuwatan. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijat Gusti nyĂ„tĂ„ nalikĂ„ ati sujud manĂȘmbah. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijad Gusti nyĂ„tĂ„ tumrap kang tuhu pracĂ„yĂ„. sorogan : kadudud lan kajarwa saking pideo lagu anak "Jangan Pernah Menyerah" JM, lingsir wĂȘngi, 190426             ✍️ 𝖊đ•čđ•»đ–Š ✍️             [^__^] [^__^] 
Baca selengkapnya