MALING DANA BENCANA, KORBAN MERANA

-

   kapacak uga ing https://www.facebook.com/share/p/18cMQqefkB/

Irah-irahan ndhuwur ing basa Indonesia nelake lamun ardana, dhuwit kanggo ngragati bencana (reribed rusaking tlatah panguripaning manungsa: banjir bandhang, lemah longsor, kabongan alas, lsp lsp) lha kok dirayah, dirampok. Kang lagi kondhang  samengko iki kobongan (kabesmen) wana wasa kang gawe rusaking alam ngrampas bandha sumber panguripan, omah, kebon malah kurban jiwa para sukarelawan. Ing kahanan iku temtu enggal mbutuhake pitulungan, uluran tangan lan guyub rukun gotong royong. 


Nanging, mendah nea nyerikake ing satengahing reribet kasedhihan, kasangsaran para kurban (kurban merana, bs.Ind), eee... lha kok nimbul bencana anyar yaiku tega-tegane nylewengake dana bencana sing kudune kanggo bantuan dirampok dening maling nganggo dhasi sing dipasrahi mandhegani mimpin kanggo ngatasi lan nyegah bencana kerusakan. Huhh, manungsa kang ora duwe ati! kaya mangkono kudu mlebu bui lan diganjar ukuman saabot-abote!


Eling, he para maling dana! (koruptor),  saben rupiah bantuan, ana jeritan kulawarga sing kelangan omah, anak-anak kelangan panggonan sekolah, wong tuwa bingung golek mangan kanggo nguripi kulawargane lan kurban liyane sing ora sethithik.


Nalika dana bencana diunthetake, dikorupsi, sing dicolong ora mung saderma dhuwit bae. Sing dirampas mujudake hak kurban kanggo njenggelek (bangkit) saka kasangsaran, hak kanggo oleh panguripan kang pantes lan pangarep-arepan nata panguripan ing tembene kang mlangkah ngayahi darmaning ngaurip.


Iba ngenes mrihatinake nalika masarakat gotong royong aweh bantuan klawan eklas, eee... malah ana pehak sing tega migunake kahanan iku kanggo anyenyugih dhiri  ~bakal mikul dosa kang gedhe~


Bencana alam bokmenawa ora bisa, ora gampang ditanggulangi, ananging bencana kamanungsan merga kesrakahaning manungsa kudune bisa dicegah... huu huu 😭☝️

Mula mangkono, pratikele nggulawenthah dana bencana  kudu bener-bener tinarbuka pangawasane sacara temenan lan jujur bisa mikul abot tanggung jawabe. Sapa bae kang kabukten kudu diukum ora kena diejarake dienggokake bab kawigaten liyane (pengalihan kasus lain, bs.Ind)


Aja nganti tangan kang kudune ngulungake pitulungan malah dadi tangan kang ngrampas hak-e para kurban.

Eling : dana bencana iku amanah kamanungsan! dudu wadhah kasrakahan!

Tumraping para kurban, kelangan akibat bencana wus banget gawe sangsara lan nyerikake (merana, bs.Ind), aja ditambah pengkiyanatan lan nyidrani sing nyerikake!


~ sandya kala, 231026 ~

            ✍️ 𝖊đ•čđ•»đ–Š ✍️

            [^__^]  [^__^] 




Komentar

Posting Komentar

Postingan populer dari blog ini

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya

ÅJÅ NATE MUTUNG

-
Gambar
     kapacak uga ing  https://www.facebook.com/share/v/18aR95QA8r/ Gusti datan nate janjĂšni langit tansah biru. Nanging Gusti janji tansah anganthi. Gusti datan nate janjĂšni dalan tansah wrĂ„tĂ„. Nanging Gusti janji maringi kĂȘkuwatan. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijat Gusti nyĂ„tĂ„ nalikĂ„ ati sujud manĂȘmbah. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijad Gusti nyĂ„tĂ„ tumrap kang tuhu pracĂ„yĂ„. sorogan : kadudud lan kajarwa saking pideo lagu anak "Jangan Pernah Menyerah" JM, lingsir wĂȘngi, 190426             ✍️ 𝖊đ•čđ•»đ–Š ✍️             [^__^] [^__^] 
Baca selengkapnya

SINTEN TUMEMEN BADHE TINEMENAN ESTU

-
Gambar
    kapacak ugi ing  https://www.facebook.com/share/p/1bDuJ1JtWS/ Wonten kalamangsanipun dinten-dinten bilih wande, toko utawi pakaryan kraos sepen, pesenan boten kados padatanipun. Lajeng salebeting batos wiwit ngudaraos: "Apa iya pagaweanku iki bakal tutup?" Bilih kawontenan punika kita alami. sampun ngantos enggal-enggal nglokro/kendho. Sepenipun pangupados boten ateges Gusti nutup wenganing rejeki. Bokbilih, Gusti ngarsakaken kita langkung sabar, langkung gumregah, langkung andhap asor lan langkung angaosi para lengganan ingkang tetumbas. Kaemutana, bilih rejeki boten tansah awujud yatra. Badan kang taksih sehat, kulawarga kang tetep tansah anyengkuyung, kerabat tuwin para tepungan jurung semangat sarta wewengan pendhak enjing tangi kanthi bagas saras, sadaya punika mujudaken rejeki ingkang boten saged punkesupenaken konjuk sokur dhumateng Gusti Kang Ma Asih. Sampun ngantos sepening sadean damel kandheging semangat. Malah prayogi kangge nggagas-nggagas ngrancang modhe...
Baca selengkapnya