RAHARJA lan BUNGAH

-

   kapacak ugi ing https://www.facebook.com/share/p/1M5sQZXHoE/

Tembung raharja/rahayu lan arsaya/bungah/seneng asring nggadahi teges jumbuh tumraping antawisipun kita.


Kalih tembung punika samidene nggadhahi wujud semu ing raos-pangraosing manah.

Ananging ing kekalih, sejatosipun wonten bedanipun kang gumathok.


Raharja/rahayu dumunungipun sanes ing bagean raos nanging wonten ing salebeting manah ingkang minangka sumber pikir/nalar manungsa.

Dene arsaya/bungah/seneng mujudaken punapa kang namung saking kang punraosaken.


Kadospundi werdinipun?...

Raharja tansah kairing raos tentrem rahayu kebak suka-rena.

Dene arsaya/bungah namung kairing raos suka, raos marem kemawon.


Bagya mulya utawi raos karaharjan (raharja) limrahipun kairing saking raos puji sokur ing salebeting manah saged anampi punapa kang pungadhahi utawi punapa kang boten pungadhahi, punapa kang pungayuh utawi kang dereng pungayuh, sadaya wau dipun sokuri klawan tulusing manah.

Dene arsaya/bungah, kairing saking salebeting raos suka jalaran punapa kang ginayuh saged winujud, punapa kang pungadhahi sampun sarwa kasembadan pepenginanipun.


Wosipun suraos makaten,

Karahajan nggadhahi sipat ingkang kukuh boten gampil ewah jalaran wonten salebeting nala/manah tansah muji sokur.

Kaarsayan /kabungahan nggadahi sipat ingkang kirang/boten kukuh gampil ewah gingsir punapa kang punraosaken.


Raharja dumunungipun wonten ing lebeting nala manungsa ingkang celak kaliyan Sang Khalik Gusti Kang Murbeng Dumadi.

Dene arsaya/bungah dumunungipun namung wonten salebeting raos-pangraosing manungsa kang celak kaliyan kabetahanipun dhiri piyambak.


Kepengin raharja/bagya-mulya?

Sumangga nyelak lan marek dhumateng Gusti sayogya ing manah kanthi tulus atur kebak raosing muji sokur temahan katentreman kang badhe sarwa pinanggih.

Mugya Gusti amberkahi...

Aa_aamin A__aamin 🙏🙏


~ pajar sidik, 011026 ~

            ✍️ 𝖊đ•čđ•»đ–Š ✍️

            [^__^] [^__^] 



Komentar

Posting Komentar

Postingan populer dari blog ini

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya

ÅJÅ NATE MUTUNG

-
Gambar
     kapacak uga ing  https://www.facebook.com/share/v/18aR95QA8r/ Gusti datan nate janjĂšni langit tansah biru. Nanging Gusti janji tansah anganthi. Gusti datan nate janjĂšni dalan tansah wrĂ„tĂ„. Nanging Gusti janji maringi kĂȘkuwatan. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijat Gusti nyĂ„tĂ„ nalikĂ„ ati sujud manĂȘmbah. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijad Gusti nyĂ„tĂ„ tumrap kang tuhu pracĂ„yĂ„. sorogan : kadudud lan kajarwa saking pideo lagu anak "Jangan Pernah Menyerah" JM, lingsir wĂȘngi, 190426             ✍️ 𝖊đ•čđ•»đ–Š ✍️             [^__^] [^__^] 
Baca selengkapnya

SINTEN TUMEMEN BADHE TINEMENAN ESTU

-
Gambar
    kapacak ugi ing  https://www.facebook.com/share/p/1bDuJ1JtWS/ Wonten kalamangsanipun dinten-dinten bilih wande, toko utawi pakaryan kraos sepen, pesenan boten kados padatanipun. Lajeng salebeting batos wiwit ngudaraos: "Apa iya pagaweanku iki bakal tutup?" Bilih kawontenan punika kita alami. sampun ngantos enggal-enggal nglokro/kendho. Sepenipun pangupados boten ateges Gusti nutup wenganing rejeki. Bokbilih, Gusti ngarsakaken kita langkung sabar, langkung gumregah, langkung andhap asor lan langkung angaosi para lengganan ingkang tetumbas. Kaemutana, bilih rejeki boten tansah awujud yatra. Badan kang taksih sehat, kulawarga kang tetep tansah anyengkuyung, kerabat tuwin para tepungan jurung semangat sarta wewengan pendhak enjing tangi kanthi bagas saras, sadaya punika mujudaken rejeki ingkang boten saged punkesupenaken konjuk sokur dhumateng Gusti Kang Ma Asih. Sampun ngantos sepening sadean damel kandheging semangat. Malah prayogi kangge nggagas-nggagas ngrancang modhe...
Baca selengkapnya