SEGA UDUK PERA KETEMU BUBUR AYAM

   kapacak uga ing https://www.facebook.com/share/p/1Dcqg8onkZ/

Ing pinggiran dalan ana bakul sega gurih (sega uduk/wuduk) lagi ketemu bakul bubur ayam.

Bakul Sega Uduk:

“Mas, buburmu kõk cuwèr nêmên?”

Bakul Bubur Ayam:

“Yå... jênênge bae bubur, mêsthine èncèr.

Lha tinimbangane sêgamu kõk atõs lan pêrå ngono? åpå mêrgå kêtigå-kêtigå ngênthak ngene sumurmu kasatan banyu yå?” 🤪😄

Bakul Sega Uduk:

"Åjå ngênyèk Kang, lèhku masak nganggo banyu galõn bebas kuman!

Yå... jênênge ae sêgå uduk kudu akas!” 😜

Bakul Bubur Ayam:

“Lha sêgå uduk kõk rasane kåyå cêngkaruk aliyas sêgå aking kurang banyu?” 🤣

Bakul Sega Uduk:

“Tinimbang buburmu kuwi kõk èncèr bangêt,

pitikmu nganti kåyå lagi nglangi!” 😂

Bakul Bubur Ayam:

“Sêgamu kuwi nèk arêp dipangan piye carane kudu nganggo apå jal?”

Bakul Sega Uduk:

“Yåå nganggo sendhõk tå yå, mêsthine!”

Bakul Bubur Ayam:

“Ah, ora ngandêl aku…”

Bakul Sega Uduk:

“Njur nganggo åpå jal?”

Bakul Bubur Ayam:

“Nganggo palu ae! Bèn sêgamu dadi rêmuk lan êmpuk!” 🤣🤣🤣

Bakul Sega Uduk:

“Walah... nèk ngono aku ora dõdõlan sêgå uduk manèh!”

Bakul Bubur Ayam:

“Têrus arêp dõdõlan åpå sampeyan?”

Bakul Sega Uduk:

“Dõdõlan krikil råså santên!” 🤣🤣👏

~ bangun esuk, 031026 ~

            ✍️ 𝖊𝕹𝕻𝖊 ✍️

            [^__^]  [^__^]