PANGADILAN NETEPAKE PRAKARA, SWARANE NALA NETEPAKE KATENTREMAN

-

   kapacak uga ing https://www.facebook.com/share/p/1HR3oYVTw4/

Kamar sidhang dikebaki para pamigati kaadilan ukum. Hakim lenggah ing sanggasanane katon praupan sareh mrabawani.


"Kadakwa, apa sliramu ngaku salah?", pitakone hakim.


Si kadakwa ngadeg ndegek.

"Pak Hakim, miturut adpokat kula, kula mboten lepat."


Hakim manggut-manggut.

"Banjur miturut swaraning njeron atimu dhewe, piye?"


Kahanan temahan sidhem.

Kang kadakwa tumungkul suwe.


Wusanane dheweke celathu alon, "Menawi miturut batos kula... jujur pancen kula lepat, pak Hakim!"


Adpokate enggalan mbisiki sajak mbingungi,

"Pak... aja jujur saiki!"


Si kadakwa mangsuli lirih,

"Wiwit wau kula nyobi goroh. Nanging manah kula raoase enten kang tansah nothok mbisiki."


Hakim mesem,

"Sliramu ngerti sapa sing ndhodhog atimu?"


Si Kadakwa mung nggelengake sirah.


Hakim,

"Swara jroning ati pancen ora trampil mbengok, nanging uga ora tau mandheg mbisiki."


Kamar sidhang dadi sidhem sami.


Hakim mbacutake,

"Wong bisa mblithuki pulisi, bisa mblithuki hakim, malah bisa mblithuki sadonya. Ananging, ora ana sawijia uwong kang bisa mblithuki bisikan ati sing paling jero."


Si kadakwa manthuk-manthuk karo neteske eluhe.


Sadurunge nuthuk palu, Hakim ujar,

"Ukuman pancen nyerikake! Nanging nyelaki swaraning jroning nala, racake banget nyerikake luwih suwe rinasakake!"


Nuli, palu sidhang kathuthukake... Dhog dhog! 🔹


Ing njaba kamar sidhang, kuli warta ya sang wartawan takon marang kang kadakwa,

"Apa panjenengan keduwung wus ngaku jujur?"


Si kadakwa mesem tipis,

"Yen aku goroh terus, mbokmenawa aku bisa menang dina iki. Nanging nyatakake jujur, saorane bengi iki aku bisa turu angler." 😮😮


Wiwit dina iku akeh wong ngeling-eling sawijining tembung :

"Pengadilan bisa netepake prakara, nanging swaraning njeron ati netepake rasa ayem lan katentreman!"


~ gagat bangun, 12726 ~

           ✍️ 𝖊đ•čđ•»đ–Š ✍️

           [^__^]  [^__^] 



Komentar

Posting Komentar

Postingan populer dari blog ini

ÅJÅ NATE MUTUNG

-
Gambar
     kapacak uga ing  https://www.facebook.com/share/v/18aR95QA8r/ Gusti datan nate janjĂšni langit tansah biru. Nanging Gusti janji tansah anganthi. Gusti datan nate janjĂšni dalan tansah wrĂ„tĂ„. Nanging Gusti janji maringi kĂȘkuwatan. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijat Gusti nyĂ„tĂ„ nalikĂ„ ati sujud manĂȘmbah. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijad Gusti nyĂ„tĂ„ tumrap kang tuhu pracĂ„yĂ„. sorogan : kadudud lan kajarwa saking pideo lagu anak "Jangan Pernah Menyerah" JM, lingsir wĂȘngi, 190426             ✍️ 𝖊đ•čđ•»đ–Š ✍️             [^__^] [^__^] 
Baca selengkapnya

SINTEN TUMEMEN BADHE TINEMENAN ESTU

-
Gambar
    kapacak ugi ing  https://www.facebook.com/share/p/1bDuJ1JtWS/ Wonten kalamangsanipun dinten-dinten bilih wande, toko utawi pakaryan kraos sepen, pesenan boten kados padatanipun. Lajeng salebeting batos wiwit ngudaraos: "Apa iya pagaweanku iki bakal tutup?" Bilih kawontenan punika kita alami. sampun ngantos enggal-enggal nglokro/kendho. Sepenipun pangupados boten ateges Gusti nutup wenganing rejeki. Bokbilih, Gusti ngarsakaken kita langkung sabar, langkung gumregah, langkung andhap asor lan langkung angaosi para lengganan ingkang tetumbas. Kaemutana, bilih rejeki boten tansah awujud yatra. Badan kang taksih sehat, kulawarga kang tetep tansah anyengkuyung, kerabat tuwin para tepungan jurung semangat sarta wewengan pendhak enjing tangi kanthi bagas saras, sadaya punika mujudaken rejeki ingkang boten saged punkesupenaken konjuk sokur dhumateng Gusti Kang Ma Asih. Sampun ngantos sepening sadean damel kandheging semangat. Malah prayogi kangge nggagas-nggagas ngrancang modhe...
Baca selengkapnya

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya