HAKIM LUWIH MILIH NGRUNGOKAKE SwARA JRONING PANGRASANING NALA

-

   kapacak uga ing https://www.facebook.com/share/p/1DHse59pC3/

Kamar sidhang dikebaki para pamigati kaadilan ukum. Prakara kang digelar dadi kawigatene wong akeh jalaran ana gandhenge karo prakaran juragan sugih lan tukang becak mlarat.


Keprungu bisik-bisik, "Ah..., mesthi sing sugih sing bakal menang."


Hakim (sabanjure ing kene sinebut Yang Mulya) lumebu ing kamar cengkirang (kw.sidhang) lan miwiti mimpin lumakune sidhang klawan sareh.


Sawuse ngrungokake kabeh katerangan, hakim aba-aba supaya maju marang pehak kang lagi prakaran. 


SI Juragan, "Yang Mulya, kula gadhah seksi, bukti lan adpokat paling hebat."


Tukang becak mung tumungkul,

"Kula namung gadhah setunggal, Yang Mulya."

"Apa iku?" takone hakim.

"Kejujuran!", wangsulane tukang becak.

Kamar sidhang sanalika sidhem tanpa sabawa.


Hakim bali niti mriksa kabeh bukti. Dheweke nemokake ana sawetara cathetan sing njarag kareka-yasa kanggo nyemoni lan mblawurake bukti.


Hakim banjur celathu, 

"Hukum ora kena manut lan kalah marang dhuwit, kalenggahan utawa kekuwatan apa bae. Yen nganti aku netepake pepancasan prakara merga wedi utawa kena pangrimuk, iku tegese aku wus ngukum pangrasanig atiku sing jero dhewe."


Kabeh wong ing kamar sidhang padha nyawang hakim klawan banget ing kawigaten.

Wusanane, hakim nuthuk palu: "Minangka alesan kaadilan linandhesan ukum lan swaraning ati, gugatan pengusaha ditampik/ditolak. Hak tukang becak dipulihake lan dibebasake saka kabeh pandakwanan."


Juragan mung blangkemen meneng bae ora bisa kumecap.


Ing njaba kamar sidhang, sawijine kuli-warta (wartawan) pitakon,

"Yang Mulia, apa panjenengan ora kuwatir marang anceman saka wong-wong kang duwe pangaruh lan panguwasa?"


Hakim mesem, "Aku luwih kuwatir mulih ngomah njur ora kuwat lan ora saguh nyawang praupane bojo, anak-anak lan awakku dhewe ing ngarep kaca pangilon."


Dene tumrape mahasiswa hukum sing krungu wangsulan iku nuli nyathet ing buku cathetane: 

"Hakim sing gedhe prabawane dudu hakim kang diwedeni/dieringi, nanging hakim kang wani ngugemi kaadilan nadyan kudu nandhingi kapentingan sing kuwat."


Kawit dina iku uga, akeh wong kang ngeling-eling pepancasan kasebut dudu merga sapa sing menang utawa kalah, ananging merga isih ana hakim sing luwih nengenake swaraning jeron ati minangka panuntun marang pangadegane kaadilan.


~ gagat bangun, 08726 ~

           ✍️ 𝖊đ•čđ•»đ–Š ✍️

           [^__^] [^__^] 



Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

ÅJÅ NATE MUTUNG

-
Gambar
     kapacak uga ing  https://www.facebook.com/share/v/18aR95QA8r/ Gusti datan nate janjĂšni langit tansah biru. Nanging Gusti janji tansah anganthi. Gusti datan nate janjĂšni dalan tansah wrĂ„tĂ„. Nanging Gusti janji maringi kĂȘkuwatan. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijat Gusti nyĂ„tĂ„ nalikĂ„ ati sujud manĂȘmbah. ÅjĂ„ nate mutung Ă„jĂ„ cuthĂȘl pĂȘngarĂȘpan. Mujijad Gusti nyĂ„tĂ„ tumrap kang tuhu pracĂ„yĂ„. sorogan : kadudud lan kajarwa saking pideo lagu anak "Jangan Pernah Menyerah" JM, lingsir wĂȘngi, 190426             ✍️ 𝖊đ•čđ•»đ–Š ✍️             [^__^] [^__^] 
Baca selengkapnya