kapacak uga ing  https://www.facebook.com/share/p/1AboDuMai6/ Tumapaking wêktu datan rinåså.. wus ngancik ing pungkasaning warså.. yåå warså kang kêbak prihatin samyå.. saliring sumpênå ambyar sanalikå binarung pra kadang nalångså. Jroning wulan mungkasi warså puniki.. dèn pangarêpan kang kaèsthi.. nêdyå angantu wujuding pakarti.. ambyar katrajang toyå anggêgirisi. Madyaning wulan kawuri tumuju tanggap warså enggal punikå.. saperangan agêng prå kawulå sayuk rukun samyå.. paring pambiyantu bot-momotan kadang kang kêtaman duhkitå.. sing bêncånå banjir bandhang kang ngrusak bantålå. Prå pamêngku pråjå, pandheganing nagari twin prå kawulå.. sayuk rukun bêbarêngan gyak dènnyå cancut taliwåndå.. rinå wêngi mulåsårå kurban bêncånå.. datan kêndhat anggêgilut ngrêkså. Mendah agung Sihe Gusti muji sokur karaharjan kang tinampi.. saliring kawulaning pråjå NKRI.. samyå asung dåyå ing pambudi.. kêklumpuk tåndhå-sih nêdyå nyudå boting råså prå kadang ing kasêdhihan ati. Salam sehat...

      kapacak ing  https://www.facebook.com/share/p/17cC6m16XS/    Kanikmatan donyå mencutke ati, mikat kitå dimèn nêbih Gusti,    lan kabèh iku tan nguripi, nanging nggèndèng kitå mring têlênging pati.    Aywå lêpyå, eling twin ninggalå panggodhå sujud sèkèng enggal umarêkå. Gusti bakal ngantyå mring sirå angêntasnå sing bêbênduNyå.    Mårå buwangå sêngsêmirå, wit iku panyidrå twin pamblasar, ninggalå doså lan duråkå ngungsi mring Gusti sirå mêsthi luwar.    Marêk mring Gusti tan suwålå, aywå kalungsèn kadaluwarså. Puputing nyåwå tan kanyånå, mulå èstoknå dienggal mratobatå. JM, madyå-ratri, 291225             ✍️ 𝖊𝕹𝕻𝖊 ✍️             [^__^]  [^__^] 

    kapacak ing  https://www.facebook.com/share/p/17ay73G2Rx/ Ing wekdal samangke, sangsaya kathah toko, wande (ageng - alit) kang pamer cara bayar sarwa digital boten nampi bayar jreng/kontan aliyas mawi kartu utawi QRIS. Bayar kontan kawastanan kina, ketinggalan jaman. Kacarios, wonten kedadosan ingkang mrihatosaken mekaten, Ing satunggaling dinten, masarakat nembe geger wonten kedadosan sawijining ibu-ibu lansia (sepuh lan sangetipun) dipun tampik mbak-mbak kasir nalika badhe bayar ing toko roti jalaran boten kagungan QRIS, kamangka roti badhe kangge putu/wayahipun kang nembe rewel. Boten jalaran roti-nipun katelasan, boten kok tandang-tandukipun si ibu boten sopan. Ananging amung amargi sang kasir boten purun nampi bayar kontan punanggep kina sampun boten jamanipun ☺️😙🤑.... ".... heemmm iki jaman edan apa sing gemblung kasire??!!", batosipun ibu sepuh wau. Si ibu protes, " Ee ndhuk, piye ta kowe iki? Dhuwit iki isih aji lan sah dhuwit negara dilindhungi/diayomi Und...

    kapacak uga ing  https://www.facebook.com/share/p/1AG5ukHZw6/ Myang lintang nyåtå riptåNyå liwat bayu agung SabdaNyå samodrå dalah bumi saisine ånå ing pamêngkuNyå Åpå maknane? Aku ngayubagyå rawuhNyå kang winêcå ing sêjarahNyå nadyan tinampik lan kasiyå-siyå Panjênêngane mbirat umatNyå saking kasèkèngan lan dosanirå Åpå maknane? Nalikå kêtêmu PanjênênganNe sanyåtå dakrasake agung bêrkahNyå dakrasake rawuh prêduli marang umatNyå mbêngkas luput lan doså samêngko Panjênêngane nunggil marang aku,  datan kêndhat ngrêkså sabên jangkahku. Pamuji mring Gusti kang trusing ati ing dintên riyadi Natal puniki prihatõsing driyå ginantõs bingah, kuwatõsing donyå sirnå wit bêrkah. 🌲 SUGÊNG RIYÅYÅ NATAL 2025 🌲 Têntrêm rahayu kang pinangkanipun saking Gusti, mugyå kasalirå mring kitå umat kinasihipun... Aa_aamin 🙏 A__aamin 🙏 JM, dhesèmbêr rongèwusêlawe             ✍️ 𝖊𝕹𝕻𝖊 ✍️             [^__^]  [^__^]...

    kapacak uga ing  https://www.facebook.com/share/p/1ahhAirrfL/ Sapa bae uwonge, temtu seneng yen nampa opah awit saka apa kang wus dilakoni. Opah diwenehake miturut sepira lelabuhane marang gaweane.  Iku mratelakake tegese tembung 'opah' sacara wantah kang prasaja, nanging yen dinalar luwih jero bisa uga nggambarake walesane apa kang dadi jalaran kawusanane  (sabab lan akibat) sing dipikoleh awit saka tumindake. Banjur kepriye yen jalaran kawusanan mau sacara sepiritual gegayutan karo sesambungane manungsa karo Gusti Allah Sang Pancipta? Dak kira ora bisa denselaki  dene kita manungsa minangka abdi kang cinipta dening Panjenengane wus sayogyane mituhu tuwin setya karo dhawuh Pangandikane Gusti kang mujudake paugeran/wewaler kang mengkoni uripe manungsa.  Iya, manungsa kang ora setya tuhu marang paugerane Gusti, ora bisa denselaki nampa jalaran kawusane mau minangka opahe kang mujudake bebendune/dedukane Gusti. Pepeling ya pepemute Gusti wus kanyatak...

    kapacak ugi ing  https://www.facebook.com/share/p/1EVgvU4axh/ Tembung ngendhaleni (kendhali) racakipun wonten gandhengipun kalihan tangsul kendhali ingkang punangge ngeneraken kewan ingkang boten tutut utawi mbedhal saking garis ingkang puntetepaken.   Ngendhaleni saged pun tegesi ngempet lan nguwaosi dhiri mring pepenginan tuwin hawa-nepsu punapa kemawon langkung-langkung derenging manah mring tumindak piawon contonipun goroh, pitenah, ngasoraken lan ngawon-awon ngasanes ing ngajenging tiyang kathah , panyiksan dugeng ing merjaya ngasanes lsp... Datan asas tetales kang kukuh kangge ngendhaleni hawa-nepsu, manungsa badhe gampil kejlungup dhawah ing jurang kanisthan/dosa. Boten ningali utawi milih-milih punapa punika jaler, estri, diwasa utawi lare-lare, kita sami dene nggadhahi sipat gampil kadereng, angot lan kagendeng bebujuking nyempal saking tata trepsila pasrawungan awit saking nuruti hawa-nepsu kalawau.  Punika asring kadadosan ing medsos, mila prayo...

    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lêmbah sêpi ijo sinawang sêgêr ing pandulu dak rungu swårå sumilire bayu. Ujare, "wit-wit sing ambruk iku dudu salahku nanging tangismu sing ora tau kêprungu." Gèthèk kadang tani nganggur ing pinggir kali banyune buthêk nggåwå carang kêbak duhkitå. Argå sing gundhul kadyå ndêlêng pasrah karo jêriting ati nlusur jêjaking ulah tangan kitå priyånggå. Oh, sadulurku, åpå kitå isih emut yèn bumi iki sadêrmå titipan Kang Må' Kawåså? yèn alam ngêlus dhådhå, kitå mung biså mrêngut nanging nganti kapan mung kagèt lan kuciwå? Dak rungu bumi sêsênggukan ing satêngahing wêngi, “Aku ora nêsu, mung jèngkèl têrus dicidrani sawise mbesuk båjrå têkå nggåwå bêncånå kitå bingung golèk tumbal sing biså diluputake såpå?" Oh, kadangku, ayo reneå sêdhelå wae ngrêsêpi swårå alam sing suwe ora digape. Yèn kitå ora ngrumat kanth...

    kapacak ing  https://www.facebook.com/share/p/15uzLHXy2w/ Oh bêngawan sang narmådå ilining kadyå kabutuhke umat sajagat rat iwèn dalah sato rumangkang sakabèhing riptaning Sang Widiwasa datan kêndhat gumantung ilining tirtå. Pêpèrèng argå mêkingking wråtå gundhul plõnthõs bantålå atõs tan biså rumêsêp gumrõjõg waspå lêstarèknå bumi iki s'ing bêncånå têbihnå saka ing prahårå. Mijilkên têntrêm lan karahajan dhangkèle õyõd tumancêp nyrambahi subur palêmahan anêlêsi bumi lan pèrènging argå ngrêkså rusaking alam ulahing manungså saking srakahing sagung prå duratmåkå. JM, anganggit rudityå, 121225             ✍️ 𝖊𝕹𝕻𝖊 ✍️             [^__^]  [^__^] 9

    kapacak ugi ing  https://www.facebook.com/share/p/1aC5NZnvUA/ Kadya sampun cekap dangunipun maneka pamblithukan, apus-apus utawi sadhengah bujuk manis ing rat-maya (sosmed) sangsaya ndlidir. Menawi kita boten prayitna lan waspada, kita badhe gampil kapusan lan punrerimuk/punbebujuk kanthi alus amrih manut lan mitadosi kaleresan semu/palsu. Mila makaten prelu gadhah patrap waspada lan prayitna kangge nguji lan niti priksa kaleresanipun. Murih kita boten gampil tumut-tumut keseret pemanggih kang boten wonten dhasaripun tumuju pitenah kang ingarah. Pangaruh/paribawa bujuk manis wujud pamblithukan saged kemawon mila-bikanipun saking njawi utawi lebeting dhiri kita piyambak. Mila makaten, prelu gadhah panguwaosan dhiri lan kaprayitnan salebeting manggihi bebujuk/rerimuk manis ingkang sejatosipun mblondrokaken, njlomprongaken mring kadursilan klawan tumindak piala nerak tata paugeran. Patrap waspada lan prayitna boten mijil makaten kemawon, pramila kabetahaken pitulunganipu...

    kapacak ugå ing  https://www.facebook.com/share/v/1ALJTgGDDT/ Sabåwånyå, èsêmira datan gorèh sathithikå satriyå ginêmblèng kawah cåndrådimukå tinuntun dwijå kêmbar wicaksånå masiyå katrajang båjrå pårå dursilå nora mingsêt, nora kagèt kêlårå-lårå. nDikå priyånggå kaantyå kawulå mudhå tampil dadyå kasatriyå, mijil pamomong kamajwan bångså tumuju myang kamardikan kêncånå anggayuh kêmakmuran bångså. Åywå gorèh, aywå mingsêt! kawulå mudhå siyågå ndhadhagi têruså!... majua! makaryå trusing driyå binabarå!..., buktèknå! sirå biså gyak tumandang iwêd pakarti! bäjrå kang nyêmpyok bakal sirnå mingkêm datan suwålå, sirêp salaminyå.  MARDIKÅ! MARDIKÅ! ✊️✊️ INDONESIA RAYA! 🇮🇩 JM, anganggit rudityå, 071225             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/1DHkqTc5Wv/ Wanåwåså sêsambat pêrih swårå lirih Mbabat uwit datan kayit gêgõdhõngan rõntõg datan mångså kadyå kêkidungan kapêkså sinigêg ing têngahing mosiking mêsin graji pamotong. Wit-uwit tuwå ambruk alon-alon kadyådene pamit myang langit kang lungkrah õyõt-õyõt kang maune nggulêt bantålå mbêdhõl lumuyut, kelangan pangeyub. Pêksi mibêr datan arah datan penclõkan luru pangpangan kang wus ilang sato wanadri galak nênasak ora duwe papan. tugêl bêsasik carang lan pangpangan glõndhõngan ngambrah-ambrah nênasak kêtatõn datan swårå katrajang mêsin pangrusak. Tuwin manungså.... ibå srakah!... ngetung untung balõk kayu buntung sambat nggêrsah wanci banjir bandhang, wanci jugrug anjabut nyåwå wanci håwå panas krånå nggragas. Alas nangis êluh ombak tirtå prå duratmåkå cêp klakêp tan swårå nganti kapan kitå nutup måtå nutup nålå? åpå biså alam sanityåså nanggung rudityå? sabab yèn nganti bumi plõnthõs nglåhå kitå kabèh ora duwe...

      kapacak ing  https://www.facebook.com/share/p/16NmU3QfyG/ Esuk iku Pengadilan Negeri Semarang rame banget kaya adate. Ing antarane wong akeh sing lagi ngenteni giliran antri, katon ana bapak sepuh rikmane putih memplak klambi bathik lan peci lusuh. Tangane kriput nggujengi lembaran kertas gugatan. Mripate manglong nyawang lawang kamar sidhang. Dumadakan keprungu, " Bapak Sosro Dimedjo?! " bengoke petugas pengadilan.  Bapak sepuh iku manthuk alon. banjur mlaku lon-lonan mlebu kamar sidhang. Hakim Ketua nyawang nggatekake klawan satiti. Ing sisih kiwa tengene Hakim anggota liyane uga katon gumun pengin ngerti. " Katuran lenggah, Pak". 🫴 "Bapak ngajengaken gugatan nggih? Dhateng sinten? " pitakone pak Hakim Ketua sambi buka tumpukan kertas sidhang. " Nyuwun duka pak Hakim, kula nggugat anak kula piyambak  naminipun Aryo Satriyo Dimedjo , " wangsulane pak Sosro lirih sajak bisik-bisik. Hakim Ketua ngangkat alise, nglirik sedhela marang Hakim A...

    kaunggah ing  https://www.facebook.com/share/p/1GBjM4qQVa/ Iki Crita sing lagi dadi crita anget ing rat-maya yaiku crita ' Tumbler ' (botol nginum saempere termos cilik) isi kopi anget kadya saanget-e critane wekasan iki. Wingi esuk, sawijine Ibu-ibu penumpang sepur KRL (kereta rangkai listrik) kondhang kasebut ' Commuter Line " budhal makarya ndeleh tas ransele ing rak dhuwur bangku lungguhan. Tas kasebut salah sijine isi Tumbler karemenane isi kopi panas.  Mbarengi lumakune wektu, Ibu iku ketungkul (nggethu njingglengi) nunul-nunul HP. Nalika sepur tekan ing stasiun sing dituju, dheweke arep mudhun iba kagete ngranggeh-ngranggeh tase ora ketemu.  Ibu iku bingung, nggoleki tetep ora ketemu, takon karo penumpang liyane, ning ora ana sing meruhi. Whadhuh, dheweke gela lan sedhih, tumbler iku dudu mung saderma tumbler sembarang tumbler, nanging duwe sayuta 'kenangan' (pangeling-eling) lan kanikmatan sing dirasakake saben dinane minangka penumpang KRL. Wani...

    kapacak ing  https://www.facebook.com/share/p/17rdqz2UYh/ Esuk uthuk-uthuk murwani sang diwangkårå mêtu såkå palêrêmane lamat-lamat sumõrõte katõn endah. Lõn-lõnan sajak mantêp nêtêpi darmaning Sang Pangriptå salumahing bantålå anambut klawan sukarênå. Prå kadang tani siyågå nyêngkêlit piranti  gyak bêbarêngan lumaku ing galêngan sinambi urå-urå nêtêpi darmaning ngaurip yå urip kang samadyå datan suwålå. Bocah sêkolah wus pådhå tåtå-tåtå aywå lali piranti potlot buku sadhengah wulangane guru kang tansah nggêgulang satuhu mrih sumêbar kawruh lan èlmu. Mangayubagyå pèngêtan dinå GURU pahlawan datanpå tåndhå jåså kang wus kaêcap ing pundhak irå mugyå Pangèran tansah jangkung lêlabuhanirå. JM, madyå rainå, 011225             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/16dsXukzFy/  1: Ibå dènnyå mbingahakên ,     yèn ing sajagad wråtå,     kaadilan dèn agungkên,     binabar anèng donyå. Rèf.     Srånå sih katrêsnan tulus,     lah jagad dadõs Pirdus.     Sagung tumitah rinimat,     rinoban ing sih rahmat.  2: Ibå dènnyå nêngsêmakên,     yèn manungså sabumi     marsudi têntrêm rahajêng,     mbabarkên sihing Gusti.  3: Ibå dahat endahirå,     prå titah têtunggilan samyå,     tunggil sêdyå s'ekåpråyå,     rumakêt trus ing driyå.  4: Milå kulå datan wigih,     gyå gumrêgut makaryå,     tumandang sêpi ing pamrih,     mung hayuning bawånå, kaênêr : kpj 339 JM, ngrêpi pêpujian, 301125             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/17aqA1rt16/ Ing satengahing masarakat, pasrawungan kawengku dening tatanan kang mranata (kasebut ukum). Ukum, undhang-undhang duweni daya kangggo mranata sesrawungan antarane anggota masarakat murih bisa ngrampungake prakara klawan sajajar lan adil.  Nanging emane, pangetrapane, pangecakane asring mlenceng saka enering sing samesthine yaiku nindakake kanthi nerak pranatan iku dhewe, kaya ta mbeseli (suap, nyogok lsp). Para kang duwe prakaran gawe pratingkah mbeseli kang kapatah ngrampungake prakara (akim, jeksa, panyidik kapulisèn) minangka pamengku/panetep ukum. Minangka pamengku ukum utamane akim ora kena lan dipepacuh/diwewaler (dilarang) njungkir-balikake kaadilan, pilih kasih kanthi nampa besel, ukumane cetha abot yen nganti kabukten. Nanging emane, ora kurang ing lakune pangadilan awujud pepancasaning pangadilan  iku asring diterak, mula tambah ruwet lan kadawa-dawa, mbulet lakune pangadilan iku dhewe. ...

    kapacak uga ing  https://www.facebook.com/share/p/17oR682cZ2/ Pensiunan Komisaris Besar Polisi (Kombes) lagi bae pindhah saka omah kadhinesane ing omah pribadine dhewe ing sawijining tlatah pomahan asri lan sidhem. Sang pensiunan Kombes banget olehe bombong ngenani jasa lelabuhan lan pangkat kalenggahan ing wektu kapungkur. Pendhak wengi dheweke mlaku-mlaku ing petamanan, nanging dheweke ora sumanak srawung karo warga kono marga nganggep yen warga liyane ora sadrajad, iba angkuhe patrap kang dipitontonake ing satengahe pasrawungan salumrahe ing kono. Sawijining dina nalika dheweke lungguhan ing bangku taman, ana bapak sepuh melu lenggah ing bangku iku.  Bapak sepuh iku miwiti pacelathon nanging sang Kombes iku ngejarake ora nanggepi. Kosok baline, sang Kombes gumedhe/umuk mung mamerake pangkat kalenggahan sarta jasa-jasane tumrap lelabuhane mbiyen. Ing sawijininng wengi, bapak sepuh iku ujar, " Komisaris Wahid ..", ujare alus, " Kawuningana balon lampu punika nam...

    kapacak uga ing  https://www.facebook.com/share/p/16SRMm1Vvd/ Iki crita dudu sembarang crita, nanging nyritakake pangalamane kadang kenalan, critane mangkene; Aku sawijining wong kang nengenake anggaran (budget) aliyas etungan sing mêmêt njlimêt bab tetuku. Blanja ora neka-neka, diselarasake karo pametune gaji (pendapatan bs. Ind). Susi (sisihane) beda banget, dheweke sawijine panganut paham ' tujuan kudu digayuh' tegese yen wis netepake tujuan utawa pepenginan dheweke kapi-adreng ngreka-daya anggayuh embuh piye carane.... hehehee beda banget karo aku 🤗 Yen ora ana dhuwite, dheweke kumudu-kudu ngupaya golek cara liya supaya katurutan. Tuladhane, yen wis netepake lelungan plesiran wah wetengku njur mules. Sepisanan, aku enggalan nglirik pos tabungan, ana isine apa ora? Banjur bagean anggaran endi sing bisa diegah-eguhake, diingar-ingêr sethithik supaya bisa nambah pos plesiran iki? 🤑 Eee... kosok baline Susi luwih kesengsem iwêd (sibuk) dhewe golek cara piye bisane ...

    kapacak uga ing  https://www.facebook.com/share/p/1EnvmcPHzU/ Ngadhepi sawijining prakara apa bae, akeh-akehe wong nengenake mring asil kang karengkuh, dudu mring lakune (proses) prakara iku dhewe. Kamangka apa kang luwih penting bisa karengkuh iku ana ing kapriye sejatine lakune prakara iku bisa winujud. Ya, apa marga upayane dhewe, apa marga upasrayane /panyengkuyunge wong liya, sanak kadang utawa amarga gotong royong anggota klompok? Wong kang nengenake marang kepriye lakune anggayuh asil bisa nyumurupi anggone ngalami maneka warna alangan lan reribed. Uga gegayuhan iku ora dipikoleh kanthi rikat lan gampang, akeh bapang kang kudu densumimpangi. Wusanane, kita bisa ngrasakake oleh berkah pitulungane Gusti Allah lumantar panyengkuyunge pehak liya. Mangkono rasa sokur dumadi nuli bisa kasingkurake saka rasa gumunggung, sing ana ya amung rasa andhap asor kebak ing pamuji sokur awit saka berkah kanugrahane Gusti. Saben pangalaman, apa iku sukarena apa iku duhkita utawa...

    kapacak uga ing  https://www.facebook.com/share/p/1A3fYoi8er/ Saupåmå cahyå esuk kasaput gêbêr akåså datan sumunar ilang gêbyaring pêpadhang dak wêwayangke urip kijènan sêpi ing kalimêngan kang nggêgirisi. Nanging cahyaning Gusti nyumunari jroning ati, twin sumilak sêsaputing pênyawang, katon kumênyar cahyå kauripan. Datan dak prêduli urip kadonyan mêrga iku ugå kanugrahan nêdyå urip sêpisan ing katêntrêman, kabagyan twin karahayon. Nanging ing pungkasaning jaman kang dadi gêgayuhan sêjati  urip langgêng ing ayunaning Gusti. JM, nganggit wêwayangan, 161125             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/19vrZ64ge5/ Paidjo : "Ing wekasan iki asring kita midhanget pawarta ana saperangan wong kang gaweane nenacad wong liya, ngala-ala, ngiwi-iwi, lsp..., piye kang Karto apa sampeyan ya sok ngrungokake lan nggatekake?" Karto : " Ya, kala-kala wae kang, bosen aku wong mbregudul kog ora duwe gawean, anane mung wara-wara ngalor-ngidul nganggep awake dhewe bener dhewe, rumangsane awake aji dhewe, mangka babar pisan ora aji,  apa sing krungu nyarujuki panemune lha wong panemune ya ora bisa dipercaya." Para kadang sutresna, saking pirembagan antawisipun Paijo lan kang Karto ing nginggil, ngengetaken kita bab warta kang sliweran ing stasiun TV punapadene ugi ing medsos-medsos. Nelasaken tenaga lan pikir sarta wekdal kabucal- bucal muspra.  Menawi wonten tiyang kang nganggep awakipun piyambak leres piyambak lan penting, kamangka sejatosipun namung omong nggladrah, mila tiyang punika kagolong ngapusi awakipun piyambak. Ra...

    kapacak uga ing  https://www.facebook.com/share/p/1ZQqyWGBk5/ Priyånggå kadyå puspå mêkrõk endah datan jêjuluk, tinêmpuh samubarang  datan payung pangeyub sawanci prahårå anrajang. Kadyå Sang Nåtå kablébêt jubah bludru ora saendah agêmannyå puspå rinênggå grapyak twin sabar kadyå puspå kang mêrak-ati. Nadyan kasampyuk lan katrajang båjrå datan gorèh, datan mingsêr sathithikå gagah ngadêg katon pidêkså èsêmirå. Sabar... sabar...,  angadhêpi pasêmõn lamis kang sinêbar dening duratmåkå pracåyå! kabênêran bakal tumêkå angampiri badanirå! tumancêp gunungan mungkasi sababak sandhiwårå. JM, lingsir wêngi, 081125             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/17YyS4FKkT/   "Kita urip ing jaman dene kadurakan iku luwih gampang katemokake tinimbang têlepun gêgêm lan sambungan internet!"   Pasemon iku nelakake dene iba gampange tumindak ora pinuji, pendhak dina sangsaya akeh lan dumunung ing panggonanan ngendi bae. Ing tengahe masarakat ana bae wong kang gawe ulah werna-werna kayata nyenyolong, korupsi, nyopet, mbegal, apus-apus, mblithuki, kerengan kroyokan (tawuran), panyiksan... lsp. malah ana sing kami-tegan nganti tumekaning pati sasama warga masarakat.   Kadadean-kadadean kadya mangkono iku kenapa bisa dumadi? ora liya merga masarakat sing wus kelangan akal bebudene utawa budi pakertine, urip adoh saka mbangun turut marang dhawuhe Allah, ora wedi asih marang Panjenengane tuwin uripe tansah mblasar saka pepakone Gusti.   Sing rumangsa pinter dadi kuminter nganggep wong liya iku ora ana ajine. Mulane yen akeh reribed, bebaya (bencana) ing ngendi-endi, i...

  kapacak uga ing  https://www.facebook.com/share/p/15KfeacwUr/ Kabutuhan saben priyangga lan utawa golongan iku beda-beda. Kanggo pikoleh katetepan kang adil, kapandhegan adhedhasar  pasarujukan mujudake panetepan kang banget dibutuhake.  Pancen kabutuhan saben pribadi ora mayar utawa mokal bisa diwujudi kanthi sampurna, nanging paling ora klawan kapandhegan ing pasarujukan mau bisa nyuda pepinginan kang amung nengenake kabutuhan mentingake awake dhewe kang bisa ngapitunani wong liya. Iya klawan kapandhegan ing pasarujukan kang disedya bisa agawe padhadene mareme bebarengan saeka praya saeka prapti mbangun rumaketing gotong royong, samya among rasa among driya. Kahanan kadya mangkono iku mujudake cikal bakal dhemokrasi kang urip ing tengahing masarakat kita. Para punggawaning praja kang kapatah makili masarakat golongane samya nyengkuyung lan nyarujuki rancangan pagawean (program kerja) kang wus katetepake dening punggawa/pandhega tataran pangwasa ndhuwur kang wus k...

    kapacak ugå ing  https://www.facebook.com/share/p/1AmyTvqG3N/   Wõng sing lakuné ngiwa (ålå) kuwi mrånå-mrene nyêbar têmbung gõrõh, ngålå-ålå lan mêmõyõk. Nanging wõng mursid kêbak katêntrêman lan jêmbar pangapurane.   Mripaté kêdhap-kêdhèp lan awèh sasmitå kanggo njõrõgaké liyan, karo ngrantam kaculikan sing arêp ditindakake. Karêpe gawe rêrusuh saênggõn-ênggõn.   Mêrgå panggawene mau, wõng kuwi bakal kêtêkan bilai, dadi lan rêmuké datan kênå dipulihake manèh.   Wõng duråkå kataman åpå kang kasumêlangake, nanging wõng mursid bakal pinaringan åpå kang sinêdyå.   Lamun katêmpuh lesus, wõng duråkå sirnå, nanging wõng bênêr tansah ing pangauban langgêng.   Lathine wõng mursid sumurup samubarang kang ngrêsêpake, nanging cangkême wõng duråkå mung nglairake kaculikan. JM, pucuking õktõbêr, rõngèwusêlawe             ✍️ 𝖊𝕹𝕻𝖊 ✍️             [^__^]  [^__^] 

    kaêmõt uga ing  https://www.facebook.com/share/p/1QUcs98yMP/ ( Nuwun sèwu, basane pêdinan koplak .) 👏👏 📍nDhok warung bakso Pak Karto, esuk-esuk. 📢 Tokoh: Paidi – tukang becak sing nyandhu nõntõn pideo HP. Karto – tukang bakso sing crèwèt tapi nyênêngake. --- Paidi : (sambi nyruput kopi) “To… To… aku ki mèh ngguyu sak jagad, nõntõn pideo iklan obat sing anyar kae!.” Karto : “Halah, iklan manèh.. åpå manèh saiki? Obat kuwat? Obat langsing/gêmuk? Obat entuk jodho?” Paidi : “Lho ora ngono To, iki obat sêndhi (rõs-rõsan driji, ugêl-ugêl)! Nanging sing lucu, sing ngõmõng kae kåyå pêjabat! nganggo jas, nganggo dhasi, ngucapé: ‘Iki wis kabuktèn sacårå ilmiah...’” ✍️ Karto : “Hahaha! Serius tah? Pêjabat kok nyambi dodol obat sêndhi.? Kuwi pejabat apa sales, Di?... kuwi nglanggar aturan ' rangkêp jabatan '!” 🤭 Paidi: “Ngene lho, To. Aku rak ya wis nõntõn pirang-pirang pèrsi, nanging ujung-ujunge mêsthi pådhå: ‘Rêgå mêtu ångkå 390 èwu!’ Nah! Iki sing dadi aku gumun mun!...

    kapacak uga ing  https://www.facebook.com/share/p/1BtZ44A7NJ/ Ing sajroning babagan pulitik ana sesebutan, " Mungsuh iku ora ana, kanca/rewang ora ana, sing ana yaiku padhadene duwe KAPENTINGAN. "  Kapentingan ing kene ditegesi padha-padha kapreluane, kabutuhane, kanggo nggayuh apa kang sinedya. Anane kapentingan sing padha, mula sing maune mungsuh bisa dadi mitra kenthel / raket. Mungsuh owah dadi mitra raket iku sah-sah lan becik-becik bae, anggere memitran iku ana pangapurane lan kerukunan, ora amung mligi kapentingan bae.   Iya kaya mangkono iku bab kekancan/memitran ing babagan pulitik sipate semu, ora langgeng mung sawetara mangsa bae. Iku kasunyatan kang ora bisa diselaki/diendhani. Mula ana sesebutan uga, ' Pulitik iku kejem !' Kang mrihatinake, kapentingan pulitik iku bisa njalari padhadene nyemoni siji lan sijine malah luwih ndrawasi tega-tegane pitenah, maeka, memoyok, nenacad, ngundhat-undhat, ngala-ala mungsuh kapentingane utawa marga serik nate...

    kapacak ugi ing  https://www.facebook.com/share/p/1YqnSuwXqP/ Pergi Belajar  🎶🎵 "Oh, ibu dan ayah selamat pagi Ku pergi belajar sampai 'kan nanti" "Selamat belajar nak penuh semangat Rajinlah selalu tentu kau dapat Hormati gurumu, sayangi teman Itulah tandanya kau murid budiman" Nuwun para kadang sutresna, punapa wonten ingkang taksih kemutan lelagon lare-lare kados ing nginggil? (menawi boten klentu anggitan ibu Sud) Mbokbilih ingkang miyos ing warsa pitung ndasa sapengandhap taksih saged ngrepekaken larikan lagu kasebat. Ing larikan kaping kalih saking ngandhap kaserat " Hormati gurumu, sayangi teman " nelakaken bilih murid punika, kasebat budiman (lare luhur bebudenipun) salah satunggalipun urmat (ngaosi, ngajèni) dhateng guru lan nresnani kanca-kancanipun. Sejatosipun punika ngandhut wucalan 'budi pakerti' dhateng lare-lare alit kang lebet sanget maknanipun.✍️ Emanipun, wucalan budi pakerti sampun dipun icali saking 'kurikulum...

    kapacak uga ing  https://www.facebook.com/share/p/1F17NDspHk/ Tembung ' Adu' racake kanggo nggambarake dhebat, bisa dhebat maton bisa uga dhebat kusir arebut bener (dhebat otot ). Nanging tembung adu uga asring kanggo nyritakake anane tandhing upamane, adu jotos, adu jago, adu katrampilan, adu kapinteran lsp. Ing tulisan iki ora arep ngrembug bab adu mau kanthi njlimet, nanging arep nyoba ngonceki nyebar padatan (phenomena) adu-aduan utawa dhebat-dhebatan sing sumaji liwat warta ing rat-maya (medsos). Tamtune sing padha nyebar 'adu' nduweni alesan dhewe-dhewe, iki sing agawe bingunge para pamaos unggahan-unggahan sing durung mesthi benere. Mula para pamaos, pamiyarsa sing ngati-ati, waspada lan wacaksana aja anggere narik panemu dhewe-dhewe. Adu ing rat-maya pancen mayar sumebar segampange ngobahake driji. Sing nyumelangi yen ing adu otot mau ngandhut pitenah, memoyok lan ngala-ala. Iki sing kudu di singkuri, emut paugeran sing mengkoni tumindak iku wus ana ukume ya...

    kapacak uga ing  https://www.facebook.com/share/p/19psyDsa2N/ Bengi iku Mukidi entuk karcis sepur ing 'gerbong tidur'. Nalika mlebu dheweke kaget weruh peturone asri kaya hotel mini. " Wah, iki ranjang apa jlomprongan? kok ana bantal empuk barang. Aja-aja yen aku turu sepure mlaku dhewe jroning ngimpi ketemu pramugari ."😴 Penumpang liyane mung nglirik, padha mbatin bakal ana ribut-ribut sawengi muput kih. 🫠 Bareng lampu wiwit dibleretke, Mukidi ora bisa meneng wae. Dheweke wiwit ngobrol karo penumpang ing ranjang dhuwure. " Mbak, ati-ati mbak. Yen sepure dadakan ngerim, aja nganti ceblok ing pangkonku ya. Aku durung siap duwe kluwarga anyar!. " 😜 Penumpang ing ranjang ndhuwur wegah mangsuli, mung bisa nggeret krukupan kemul ethok-ethok turu. Sawuse iku, Mukidi wonge ora bisa meneng, wiwit mbukak koper ngetokake speker mini njur nyetel musik ndhadhut lirih : " Kreta malam bawa aku padamu.. .🎶🎵 Kabeh wong sagerbong protes  " Ssssttttttt!!!.....

    kapacak uga ing  https://www.facebook.com/share/p/1EUzw5EhzF/ Kitå sawurake wiji kabênêran wayah esuk, awan lan sore-sorean, kitå tunggu wêktu ngênèni mêsthi ånå asile, sênêng ing ati. Ayo klumpuke, klumpuke bareng, mêsthi ånå asile, twin ati sênêng. Mêthik asil panèn bingar sumringah sakukuban sukå rêna twin bungah. Sinêbarå jroning trang lan pêpêtêng,  nadyan katrajang angin kêncêng. Pangupåyå gawean bakal diganêpi, mêsthi ånå asile, sênêng ing ati. Samångså kasêdhihan, panggah kitå sawurake, nadyan sangsårå, panggah tumandang gawe. Samångså tangis lêrêm, Gusti anglipur, mêsthi ånå asile, tansahå muji sokur. JM, anganggit råså, 201025             ✍️ 𝖊𝕹𝕻𝖊 ✍️             [^__^]  [^__^] 

    kapacak ugi ing  https://www.facebook.com/share/p/14MzTz9FQnA/ Nalika kita nggadhahi bandha kang aos/aji, kita ngupados mawi pangamanan mrih boten gampil risak utawi ical. Upaminipun, griya punpageri lan pungembok, tilpun pinter enggal dipun pasangi lapisan ngangkah boten gampil kebaret, montor dipun tanggelaken mlebet asuransi.. lsp. Lha inggih, bandha darbek kita kemawon kita jagi kanthi temen permati, lajeng kados pundi tumraping gesang kita piyambak? Punapa inggih kita sampun nyawisaken piyambak kagem rawuhipun Gusti kapan kita tinimbalan? Tamtu penyiapan kita boten namung samadya, sawontenipun kadya kita njagi bandha kang gadhah pengaos. Langkungdene saking punika, kita prayogi tansah sumungku nyelak Gusti nyuwun panuntun Panjenenganipun, nebihi saking kekareman gesang kadonyan. Punprayogakaken, nggadhahi tekad lan sedya bilih pendhak wekdal sawanci-wanci mujudaken wewengan kagem ngremenaken penggalihipun Gusti anut wewaton Panjenenganipun. Mekaten ugi kaemutaken...

    kapacak uga ing  https://www.facebook.com/share/p/17RDhhmzCN/   Samubarang kabeh sing kelakon ing donya iki kelakone ing wektu sing katetepake dening Allah.   Panjenengane netepake mangsane golek lan mangsane kelangan; mangsane nyelengi lan mangsane mbuwang.   Yen kita nyemak gonjang-ganjinge kahanan uripe manungsa kang tansah gumregut anggone nyambut kardi, iku mujudake salah sijine udhu, gacuk lan sangu kanggo nerusake darmaning agesang.   Nalika uwong anggone ngupaya rejeki pikoleh apa kang dadi kabutuhan dhiri lan kulawarga lan wus kaklumpuk kanggo mangsa urip ing tembene, prayogane prelu padhadene ngrumangsani kabeh iku marga saka keparenge lan berkah nugrahaning Gusti. Aja padha supe atur puji sokur ing sakabehe iku.   Prelu samya ngelingi dene kelakone ana watese wus katetepake, ana wancine kapan keklumpuk nyelengi rejeki lan kapan migunakake. Iya ana wancine mblanjakake lan nanjakake kanggo dedhana sedhekah tumraping sapepadha. Puji ra...

  kapacak uga ing  https://www.facebook.com/share/p/17K6Aew6Pj/ Jenenge pak Rahman, supir angkot jurusan Terminal --> Pasar. Pendhak dina isuk-isuk wis budhal, kanthi nyiapake montore sing tuwa ning tansah resik lan wangi. Dheweke dikenal dening para penumpang dudu merga pocapane sing seru kenceng, nanging merga eseme sing tulus. Sawijining esuk, ing satengahe laku, pak Rahman meruhi bocah sekolah ngadeg ing pinggir dalan namatake angkot-angkot sing liwat, nanging ora enggal numpak. Pak Rahman ngendhegake angkote lan takon, " Nak, kenapa kowe ora numpak? " Bocah iku ndhingkluk, " Yatrane kirang, kantun sewu Pak. Ongkose rak tigang ewu ta nggih?!..." Tanpa mangu meneh, Pak Rahman supir angkot iku mesem, " Ya wis, munggaha wae! kurange mengko bisa kok bayar yen kowe wis gedhe lan dadi wong sukses! " sumaure karo gojegan. Penumpang liyane padha mesem krungu pocapane pak supir. Bocah iku sanalika bingar praupane, banjur numpak angkot iku. Ora mung sepisan-p...

    kapacak uga ing  https://www.facebook.com/share/p/1HfNWDAzdn/  Samångså piangkuh tumêkå, pamõyõk ugå tutwuri,  nanging kawicaksanan dumunung ånå ing wõng kang lêmbah ing ati.  Wõng kang jujur iku katuntun dening katêmênane,  nanging wõng cidrå iku dibubrah dening culikane.  Samångså bêbêndu jumêdhul, kasugihan ora migunani,  nanging kabênêrane Gusti ngluwari såkå ing pati. JM, anganggit råså, 091025             ✍️ 𝖊𝕹𝕻𝖊 ✍️             [^__^]  [^__^] 

  kapacak ugi ing  https://www.facebook.com/share/p/1AGXebzTqa/ Seratan punika anjangkepi seratan inggahan saderengipun bab 'Ajining dhiri dumunung ing lathi.' ( https://enpeoke.blogspot.com/2025/10/ajining-dhiri-dumunung-ing-lathi.html?m=1 ) Ing jaman samangke, bebasan kang asring kapireng " Ajining raga saka ing busana " miturut pamanggih kula kados boten salaras/cocok utawi kawastanan nyempal pangetrapanipun. Nuwun sewu menawi lepat 👏 Pratelanipun makaten; Busana pancen anggambaraken ajining tetiyang jalaran ketingal rapi, resik lan nengsemaken nalika sinawang. Punika saged katampi pangetrapanipun bilih punsarengi kalihan solah bawa, sipat, watek lan budi pakerti kang sae/luhur . 👍  Nanging emanipun ing jaman samangke, kathah tetiyang kang nganggge busana/rasukan sarwa neces, ngagem jas pantalon lan dhasi, nanging boten nggambaraken kanecesanipun. Tumindakipun mburu kapentingan dhiri lan golonganipun, boten maelu kapentingan tiyang kathah (rakyat). Kathah lan san...

    kapacak ugi ing  https://www.facebook.com/share/p/1FBnyQqGFk/ Wonten pamanggih nyebataken, tetiyang ingkang kalebet sampurna punika mawi katrangan sampun saged ngereh dhateng jiwa saha saranduning (sakojur) awak/badanipun piyambak. Pratelan pasemonipun kinten-kinten makaten, turangga/jaran ingkang sami kita etrapi kendhali ing irung lan cangkemipun, satemah manut marang kita, kita saged ngendhaleni badanipun sadaya. Lan malih , prau-prau, kapal sanadyan ageng sanget sarta punsurung dening angin kang rosa, ewasamanten saged kainger-ingeraken sarana kemudhi kang alit sanget, manut ing sasekecanipun jurumudhinipun. Lah, latu/geni sanadyan namung sapelik saged ngobong gedhong kang ageng, ewasamanten wusananipun saged kinendhalen senadyan kanthi rekaos. Makaten ugi ilat lan lambe/lathi, sanadyan dados perangan badan kang alit, ewasamanten saged ngumukaken lan utawi misuwuraken prakawis-prakarawis kang ageng.  Asring kita mireng tetembungan " Ajining dhiri dumunung ing...

    kapacak uga ing  https://www.facebook.com/share/p/1YzyPJeEbh/ Esuk mau, Siti budhal menyang kampus kaya adat sabene. Jalaran udan deres, dheweke milih nunggang angkot tinimbang nunggang pit-montor. Bareng mlebu angkot wis kebak 'penumpang' (sing padha numpak) nanging Siti tetep mesem lan lungguh dhesek-dhesekan karo penumpang liyane. Ing sisihe, ana simbok sepuh nggawa sayur-sayuran. Ing ngarepe Siti, ana bocah sekolah tase gedhe katon teles kebes. Sopir angkot nyopiri klawan sabar, kadhang kala ngenteni penumpang sing mlayu-mlayu ngangkah bisa melu numpak. Ing sajroning laku, bocah sekolah iku mbukak tase. Wahh, jebule buku-bukune uga saperangan ana sing teles, dheweke katon mbingungi. Tanpa mikir meneh, simbok sepuh mau ngetokake plastik tilas sayure lan ujar : " Nak, iki plastik tilas kanggo mbungkus bukune kareben ora tambah teles ya." Cah sekolah iku mesem lega lan bola-bali ngucap matur nuwun. Kabeh penumpang sing nyipati kadadean cilik iku melu ngrasakake a...

  kapacak uga ing  https://www.facebook.com/share/p/19uLxnL1FA/ Ing paham budaya 'industri kapitalisme' duweni sipat dene manungsa dianggep lan disajajarake minangka sumber daya. Mulane ana sebutan sumber daya/tenaga alam lan sumber daya manungsa. Lan ora nggumunake jroning budaya iki sasama manungsa katindakake lan kaanggep minangka alat kanggo pikoleh kauntungan pribadi. Para pribadi kang duweni panguwasa sawenang-wenang meres tenagane sasama kepriye supaya bisa ngasilake paedah saakeh-akehe kanggo kauntungan pribadi datan rasa kaadilan sacara kamanungsan. Panganggep budaya kaya mangkono iku sejatine wus dumadi ing jaman nenek moyang nganti saiki isih lestari, senadyan kadhang disamarake kabungkus kanthi alus. Ing negara +62 iki kepriye, apa iya kapatrapan ana budaya kapitalisme kaya mangkono? Lamun katalisik kanthi temen, ora bisa diselaki uga ana budaya nengenake kauntungan krana sumber daya manungsa didadekake buruh kang kurang diajeni (opahe murah), ora ana pangayoman ka...