kaemot uga ing  https://www.facebook.com/share/p/14Ns5N6ZnUu/ 🧔 Bakul wedhus : “Haloha hallohaa … ayo sapa sing butuh wedhus!.., iki wedhusku sehat kabeh, wulune kinclong bisa digaee brengos palsu, mulane nggragas kie, kokoh kaya bodyguard DPR!... hehehee..”💪 👨 Wong tuku : “Wah, sehat ya, Pak? Mosok?, koq kokoh kaya bodyguard DPR?” 🤭 🧔 Bakule wedhus : “Lha iya ta… wong ditarik nang kandang ora gelem mlaku malah mbegegeg, kudu digeret nganggo buldhoser, kaya DPR nek ditarik rakyat!” 🤪🤪👋 👨 Wong tuku : “Terus, regane pira.. pake?” 🧔 Bakule wedhus: “Sing iki murah mas, limang yuta ae, ora nganggo ngutang!.” 👨 Wong tuku: “Lho, kok larang men? genah iku wedhus biasa wae kok.” 🫠 🧔 Bakule wedhus: “Lho iki dudu wedhus biasa, mas! Wedhus iki nek disembelih… bisa nyanyi lagu dhangdhut koplo lan campursari dhisik. Bene ngrameke acara hajatane pak Lurah, hehehe!”💃🕺 👨 Wong tuku : “Ah mosok sih?? coba kalungna peso iki!” 🫠 🧔 Bakule wedhus: “Yaaa ... rugi aku! bayar...

    kapacak uga ing  https://www.facebook.com/share/p/1Aa5sV23HN/ Bengi iku, Mukidi nunggang sepur klas ekonomi menyang Yogja. Mlebu gerbong wis gawe ulah nggoleki kursi lungguhane. " Nomer kursiku 15B, ning kok isine koper karo ayam ya? Aja-aja aku sabangku karo kewan. .." Penumpang liyane padha cengar-cengir. Sidane Mukidi lungguh, nanging durung limang menit wiwit metu usile : Sepisan, dheweke ngundang pramugari sepur : " Mbak, yen sepure ngebut, aku ora usah bayar kan? soale aku ora bisa ndelok pemandhangan. " 😜 Pramugari mung mesem kecut. Ore let suwe, sepur mandheg ing stasiun cilik.  Mukidi mbengok: " Pak Masinis, aja mandheg suwe-suwe ya, aku selak pengin turu kuwatir ketinggalan impenku ketemu pramugari!" 🤪🫠 Penumpang sagerbong njur padha ngguyu ngakakk....🫠🤭 Ngepasi pinuju lampu dipateni, Mukidi malah mbukak bontotan sega wungkuse. Ambune ngambar-ambar sagerbong. Penumpang liyane sing luwe dadi kagodha. Sawijine bapak-bapak alok: " Mas,...

    kapacak ing  https://www.facebook.com/share/p/1BHfw7h3uJ/     Alõn sang suryå gumiwang, sêmburat ayu mêmayu     kitå antuk pangasoan kanthi têntrêm rahayu.     Sang ratri nglimputi bumi abyõr cahyèng kartikå     nêlahi nyunarkên asmå Allah Gusti kitå.     Kasugêngan duk ing ratri ngambarakên rum-wangi     rèrèh sing bõt kasanggi ayõm ing sihing Gusti.     Tilingnå swårå manis ing gênthå pandongå     sokur pådhå aturnå. He, gênthå, ngumandhangå     dadyå sanguning nendrå. JM, anganggit råså, 20925             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/19pAvV5pQ4/ Kanikmatan kadonyan kerep banget agawe manungsa lepya dene apa kang didarbeki iku sipate ora salawase lan ora amung bisa dipigunakake kanggo kakaremane dhewe, ananging sejatine iku kabeh peparinge Allah kang ana sabagean hake wong liya. Mangkono manungsa, asring lagi ngrumangsani lan kasep yen urip iki amung mikirake awake dhewe bae. Pancen kagelan lan kaduwung iku tekane telat. Iku kabeh sejatine mujudake 'hukum alam' kang dumadine wiwit jaman manungsa tumiba ing dosa nganti jaman samengko iki. Ora bisa diselaki yen carita-carita ing ngendi bae dununge tansah keprungu sawetara akeh wong-wong padha mburu lan keklumpuk bandha donya ngluwihi apa sing samesthine, lali bebage marang sapepadha. Akeh pepeling lan tuladha kang uripe srakah bakal nemu alangan ing urip pedinane, nanging tetep bae manungsa ora owah sipat kang ndhaku apa kang didarbeki iku duweke dhewe. Mulane sadurunge kabeh kasep/telat, ora sathithi...

    kapacak uga ing  https://www.facebook.com/share/p/1CWiMvLtDj/ Daktolèh kandhêg sêdhelå ing dalan kang dakambah. Katrêsnane Gusti daktåmpå ndadèkake aku kapêlêngên. Dalan iku kêbak lengkak-lengkõk kanthi datan pêpadhang. Nanging, Gusti anganthiku nganti aku kamitênggêngên. Katrêsnane Gusti anuntunku twin atiku ayêm têntrêm. Ora mêrgå aku sampurnå tanganku digênggêm kêncêng. Dudu ..., dudu krånå aku pantês ngantya aku dirangkul lan dirêngkuh. Oo.., mendah gumunku karumuntuhan bêrkah kanugrahan kang sarwå endah. JM, anganggit råså, 14925             ✍️ 𝖊𝕹𝕻𝖊 ✍️             [^__^]  [^__^] 

    kapacak ugi ing  https://www.facebook.com/share/p/16zEeC4Vzw/  Kita nguningani bilih ing gesang pasrawungan rat nyata kathah kedadosan ingkang tebih saking raos kaadilan ingkang tansah dados pangangen-angen sesarengan. Kadosta : wonten tiyang ingkang kaparingan kasugihan lan kaurmatan, mubra-mubru ngantos boten kekirangan punapa kang dados kakaremanipun, nanging kosok wangsulipun kathah tiyang sarwa gesang kecingkrangan, kangge nedha kemawon kedhungsangan /rekaos sanget.  Kawusananipun Allah boten ngeparengaken tiyang punika anikmati /angangge barang-darbèkipun wau, nanging estunipun tiyang sanes kang ngginakaken. Emanipun tiyang punika taksih kemawon mburu kasugihan gesang kadonyan. Kadosipun gesang ndadosaken tanpa piguna lan damel seriking tiyang kathah.  Manungsa racakipun anggenipun nyambut-damel kalawan ngrekaos nedya pados upa /pangan, kamangka pepenginan wau dereng kantenan keturutan sadaya lan ketungka ngunduri yuswa nandhang sakit ngantos ajal...

    kapacak ugå ing  https://www.facebook.com/share/p/19i17CYd59/ Akèh wõng uripe jroning kamlaratan, sangsårå krånå datan sih katrêsnan. Oh, ibå sakèhe wõng pådhå ngungsi katindhês dening ancêman lan prahårå nggêgirisi. Kaum wadõn, anak-anak disiya-siya, diblêdêri, diêdõl lan dirudåpêkså. Prå duratmåkå wêngis datan kamanungsan, anjijiki kadyå kewan kurang sajèn mangan. Bêbêndune Gusti bakal katandukake dosâ kang wus ngambrah-ambrah sakêpenake. JM, lingsir kulõn, 07925             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/1EWXgiTKu4/ Ryan Hreljac, bocah cilik saka Kanada umure 6 taun nalika ing kelas ana wulangan bab pangauripan samadya wus bisa ngowahi panguripane wong akeh. Nalika iku, gurune nerangake yen akeh tlatah ing Afrika, bocah-bocah saumurane tilar donya pendhak dinane mung merga angel lan ora bisa oleh banyu resik. Kanggone Ryan iku ora gampang ditampa nalare, angel dipercaya, Ryan sing biasane mung kari muter kran ing kulah utawa pawon banyu mancur dhewe. Mula kanthi lugu, polos takon, " Menawi ngaten pinten wragadipun damel sumur?" Gurune paring wangsulan, " Kurang luwih 70 dolar ." Ryan saulihe sekolah duwe tekad gedhe. Dheweke nyuwun dhuwit ibune, nanging sang ibu ngendika dene yen arep pengin biyantu, Ryan kudu nglumpuke dhuwit dhewe. Mulane Ryan wiwit nandangi gawean omah kayata, resik-resik kulah, nyapu lan ngepel jobin, reresik plataran lsp..., nganti bisa nglumpuke 70 dolar tambahan paringane ibune. Nanging wu...

    kapacak ugi ing  https://www.facebook.com/share/p/19FUUrbTEH/ Sawijining warga nampik nampeni sumbangan uwos sakarung 20 kg. Nampik/nolak, tembung kang kanggenipun sebagean tiyang kathah sisah punpahami kamangka si warga wau griyanipun gubug reyot ing dhusunipun. Tumraping tiyang kathah, bab panolakan puniki nuli sami ngewa-ewa ujar, " Wis mlarat, kakehan nggaya ora gelem nampani upasraya (sumbangan, biyantuan) ." Ananging, kocapipun kapireng wangsulanipun warga wau, kita saged methik piwucal kang adi sanget, wangsulanipun makaten : " Beras kula teksih khathah, kula boten pendhet bantuan beras 20 kg niku, lha wong beras kula teksih enten, sing riyin nggih dereng telas. " Cobi pungatosaken, saking caranipun nyukani wangsulan katingal prasaja boten gadhah pendhidhikan inggil lan misuwur. Nanging saking wangsulanipun wau ngetingalaken mendah mulya isi manahipun lan boten neka-neka. Mratandhani piyambakipun nggadhahi jiwa langkung mulya katandhing kaliyan saperangan...

    kapacak uga ing  https://www.facebook.com/share/p/1JaY1edT5J/   Asring kita mrangguli lan migatekake sadhengah apa sing kelakon ana ing donya iki. Kerep wae wong mursid (uripe becik) ngalami ngrekasa, nanging wong duraka malah tampa ganjaran sing mesthine kanggo wong mursid. Apa kuwi diarani ora adil? Iya!, temtu ora adil. Iku kasunyatan sing meh pendhak byar kita kasuguhan ing pawarta-pawarta TV uga ing medsos. Coba digagas, wong sing tumindak kadurakan contone koruptor, tukang apus-apus lan maling, ana sing merjaya wong liya lsp, isih gentayangan bebas ora rumangsa luput, malah duwe pangkat lan panguwasa ing keprajan, pamarentahan uga bebadan dhuwur negara. Uripe mubra-mubru sarwa nguja kacukupan (kemewahan) kurang pepeka (sembrana ing rasa pangrasa) marang kasangsarane wong cilik. Kaya-kaya uwong mengkono iku ora mempan ukum (kebal ukum) sing bisa agawe seriking lan kuciwa masarakat cilik. Kahanan kaya mangkono iku yen ora enggal diatasi suwening-suwe bisa dad...

    kapacak uga ing  https://www.facebook.com/share/p/14G8yPiGcVe/ Saelõk siang kasumunaran padhang carane Gusti angasihiku saendah pêtêng måwå angin sêgêr carane Gusti angasihiku. Gustiku lêmbut lan Må' Wilåså  aku uga ering Panjênêngane. Sih trêsnaNe gêdhe, agung lan mulyå carane Gusti angasihiku. Sajêrone samodra saambane akåså carane Gusti angasihiku saarume puspå kang têtêp mêwangi carane Gusti angasihiku. PangayõmanNe tansah angiringiku datan kêndhat pangarêpanku urip têntrêm kang dadi gêgayuhanku carane Gusti angasihiku. JM, anganggit råså, 31825             ✍️ 𝖊𝕹𝕻𝖊 ✍️             [^__^]  [^__^]   

    kapacak ugi ing  https://www.facebook.com/share/p/1CGJzHh2FR/ Bokbilih tembung 'tetirah' sampun awis-awis lan mboten kapireng ing cecaturan padintenipun. Tetirah satunggaling tembung saking 'tirah' kr, turah, ng. ing basa Kawi puntegesi 'pinggir/tepi'.  Dene tetirah mratelaken ngalih mênyang ing papan sing prayoga supaya bisa waras tumrap wong lara. (Bausastra Poerwadarminta, 1939). Para sepuh jaman kawuri, asring ngendikakaken kangge salah satunggaling kulawarga ingkang nembe nandhang sakit utawi ketaman reribeting gesang. Pamrayoginipun, " Wis kanal ngasoa sawetara ing nggunung sinambi tetirah supaya ngleremake ati! " Mila saged ugi wonten ingkang negesi tetirah = nyepi, nepi (meneping ati) pados swasana sepen supados pikantuk pangraosing raos batin saking Gusti Kang Ma' Asih lan Wicaksana.  Ewasamanten, tetirah saged ugi kangge tiyang ingkang nembe nandhang sakit raga, tetirah saged ambiyantu ngenggalaken usada sesakitipun, utaminipun ger...

    kapacak uga ing  https://www.facebook.com/share/p/14MFHq4nbot/ Manawa ana ing sawijining bebadan dhuwur paprentahan negara (Kementerian) kita nyumurupi wong cilik katindhes tuwin kaadilan tansah katerak, ora gumunake. Senadyan kang pangkat panguwasane dhuwur kang siji ngulat-ulatake sijine, mangkono uga kang luwih dhuwur pangkat panguwasane uga padha ngulat-ulatake wong-wong mau. Ing sajroning kaanan mangkono iku, begja nagara kang pimpinane/panguwasane dhuwur dhewe isih dieringi ingajenan ana ing kahanan iku kang wusanane bisa netepake ukuman marang kang tumindak durjana meres. Eling, Sing sapa matrapi kanthi malaki dhuwit/kasugihan ora bakal wareg-wareg kepara nggragas marang kasugihan kang luwih lan ora bakal marem marang pengasilane. Temtu iki iya bakal tampa temahane awit saka tumindake kang sarwa nggrangsang. Mangkono uga, barang darbeke kang dipikolehi klawan nerak paugeran (korupsi) wuwuh, tambah akeh, wong kang ngentekake uga wuwuh (korupsi berjemaah). Banjur...

    kapacak uga ing  https://www.facebook.com/share/p/1Ep2FjYaAF/ Kadadean saperangan kacilakan lalu lintas amarga wong ngremehake kepara ora preduli tandha-tandha (rambu) lalulintas. Rambu mujudake sarana pranatan kang kudu diugemi (dipatuhi) dening para panganggo dalan umum. Tandha/rambu iku kudu ditampa, dimangerteni lan diugemi (dipatuhi) minangka pranatan-pranatan (aturan-aturan) murih bisa slamet sajroning lumakuning bebarengan ing ndalan. Emane, uwong racake luwih mentingake awake dhewe ora mreduli marang panganggo dalan liyane. Racake uwong sing lagi nyopir ing dalanan, patrap menange dhewe (individualis) tuwuh, gampang kecenthok ati (kesinggung) yen disalib gampang panas ati. Kabeh iku ndadekake kurang waspada, lena sethithik ndadekake senggolan utawa tumburan kang ora bisa diselaki. Wusanane kacilakan lalulintas asring kita prangguli meh saben dina utamane ing dalan-dalan kang rame sliweran tetunggangan ya montor (rodha 4), ya pit motor (roda 2) uga wong mlaku. ...

    kapacak uga ing  https://www.facebook.com/share/p/17AYvpfGux/ Indonesia nagari kinasih ibå têntrêm kartå raharjå kang sinêdyå Indonesia nagari kinasih nugrahaning Pangèran ibå endahnyå. Gêgayuhan sêdyaning kamardikan adil, kartå raharjå masarakat sabångså. Ayo sayuk-sayuk rukun bêbarêngan mujudake mulyaning Indonesia kalokå. Pamarentah gêgandhèngan 'ro sanggyåning wargå gumrêgut cancut tali-wåndå saekåpråyå ambangun Indonesia karumuntuhan nugråhå têntrêm kartå raharjå salaminyå. Pangwåså sanggyaning pamõng pråjå sayogyåå jujur makaryå aywå dleyå! Udinên lakuning pamarentahan nagårå wêdi asihå mring Kang Må' Waseså! Ayo kitå trus makaryå mrih sabångså bagyå mulyå! Gusti tansah ngirid kitå sabångså tumujwèng Indonesia Wijåyå!    DIRGAHAYU REPUBLIK INDONESIA kaping 80     🇮🇩 MARDIKÅ! ✊️🇮🇩 JM, sirêp bocah, 17825             ✍️ 𝖊𝕹𝕻𝖊 ✍️             [^__^]  [^__^]

    kaunggah uga ing  https://www.facebook.com/share/p/1BEwaPPZTE/ Bocah-bocah murid SD saben dina toh nyawa nyabrangi kreteg menyang mulih ngudi elmu ing pawiyatan / sekolah. Iki conto-conto sing isih akeh ing dhaerah-dhaerah kang kapinggirake. Salah siji conto kacritakake ing kene yaiku kedadean ing Desa Hulo. Kecamatan Kahu, Kabupaten Bone, Sulawesi Selatan (TribunNews, 2015). Ya, bocah-bocah murid SD saben dinane kanthi toh nyawa kapeksa nyabrangi kreteg menyang mulih sekolah. Kacarita ing kene para murid kepeksa ngliwati kreteg rusak amoh, wis dhoyong malah ana sing kepeksa ngandhelake kawat tilas kreteg kaya sang Tarzan. Ana sing kudu gandhulan tali kawat kira-kira 30 meteran luwih sing kabentang sadhuwure kali Hulo. Mula aja gumun yen pinuju udan para murid sawetara akeh sing kepeksa bolos merga kawat lunyu. Kawartakake Selasa, TribunNews (10/03/2015) Ing pawarta iku, murid-murid SD Inpres 657 Hulo, Desa Hulo, Kecamatan Kahu Kabupaten Bone. Sulawesi Selatan. Warta ...

    kapacak uga ing  https://www.facebook.com/share/p/1GER4dLe1x/ Nglekarå dhik, cikbèn ra kråså luwemu. Lalèknå Dinå Kamardikan, mêrgå pancèn kitå TAN NATE MARDIKA. 😭 Turuå dhik ing ndhuwur wêtêng LUWE-ku, karêbèn kakang nyritake endahe cita-citane PAHLAWAN kang MARDIKAKAKE kitå såkå KASANGSARAN, cikbèn impènmu endah datan sanisthå rågå kitå. 😭 Mêrêm lan turuå dhik, supåyå ora kõk rungu manèh nggragase KORUPTOR ngluwihi SÊGAWÕN kêluwèn. 😭 Turua dhik, bène pådhå ngentèkake milyaran ing istana angayubagyå KAMARDIKAN êmbuh kanggo såpå. 😭 Jêrite anak ngisõr krêtêg, bocah gubug-gubug pinggir kali. 😭 Ayo prå pamõng pråjå yå pårå pangwåså, enggal êntasnå kamlaratan lan kasangsaran ing bumi Nuswantårå. Êndi janjimu, êndi nuranimu tumrap kamakmuran bångså sing kaumbar ngambrah-ambrah? 🫡😭 JM, awan gêmplang, 13825             ✍️ 𝖊𝕹𝕻𝖊 ✍️             [^__^]  [^__^]

    kaunggah uga ing  https://www.facebook.com/share/p/1BJBxd5zKm/ Ing donya iki pancen aneh-aneh nanging nyata!🫠 Kadya irah-irahan (judhul tulisan) iku sabenere pitakonan sing lumrah lan ngambrah-ambrah. Coba ta kita gagas-gagas, dhuwit celengan dianggurake saora-orane punjul seka telung wulanan kok njur ana sing ada-ada dibeslah/dirampas dening negara.  Piye jal nalare?, wiwit biyen jaman isih padha sekolah diprayogakake supaya sregep nyelengi kanggo sangu lan jaga-jaga supaya mbesuke yen wis nglumpuk bisa kanggo tetuku kebutuhan (buku-buku sekolah, lan kebutuhan liyane).  Lha bareng wus padha diwasa lan nyambut gawe pakulinan nyelengi diwujudke ning ora nganggo " celengan jago " sing sawayah-wayah bisa dipecah. Olehe nyelengi disaranani dening pamarentah awujud "Tabungan Nasional" TABANAS ing Bank-Bank. Iku cikal bakale masarakat rame-rame padha nyelengi ing Tabanas lan tabungan liyane ing rekening bank. Akeh masarakat sing padha buka rekening tabungan ing b...

    kapacak uga ing  https://www.facebook.com/share/p/14QzH3jgR7s/ Wus titi wancine wõng-wõng pådhå kêkidungan puji panuwun munjuk sokur : " Dhuh Allah, kawulå kêparêng caõs sokur dhumatêng Padukå amargi Padukå ngukum kawulå, ananging samangke sampun kêparêng linuwaran.. Aa_aamin 🙏" Allah sing ngluwari aku; aku bakal kumandêl lan ora kuwatir, mêrgå Allah sing paring kekuwatan marang aku. Panjênêngane kuwi pêpujanku, lan tuke pitulunganku. Kaya banyu gawe sêgêre wõng ngõrõng, mêngkono ugå umate Allah pådhå bungah sukårênå samåså dipitulungi dening Allah, Gusti Kang Måhå Wilåså lan Måhå Asih. Pådhå ngunjuknå kêkidungan mêmuji kêAgungane marang Gusti Allah, mêrgå Panjênêngane ngrumêntahake kaelõkan akèh. Karêbèn wõng salumahe bumi pådhå krungu bab pakaryane kang elõk nuli pådhå kumandêl twin pracåyå marang panguwaõse. Salam têntrêm rahayu kang pinangkanipun saking Gusti mugyå kasarirå mring kitå sadåyå kulå lan panjênêngan umat kinasihipun.... Aa_aamin A__aamin 🙏🙏 JM, mad...

    kapacak ugi ing  https://www.facebook.com/share/p/172z6hfMV7/ Dhuh Allah Kang Ma' Wilasa lan Ma' Asih, keparenga para pemimpin negari kang mengku kuwaos mugi Paduka wucal tumindak adil miturut dhawuh Paduka, lan para pangrehing praja mugi kaparingana margi kaleresan miturut Paduka piyambak. - Murih panjenenganipun ngerèh warga bangsa sadaya kalayan adil, tebih watak kang kamitegan nindhes warganing masarakat lan samya mituruta dhawuh Paduka. - Mugi negari menika kaparingana tentrem-rahayu, saha gesang adhedhasar kaleresan. - Keparenga mugi para pandheganing negari nandukaken kaadilan dhateng tiyang kesrakat, paring pitulungan dhateng tiyang mlarat saha numpes tiyang ingkang ambek siya mring sasama. - Mugi para pemengku kuwaos kang piniji dados lantaraning berkah, kadosdene jawah ingkang dhawah ing tetaneman, ingkang nyiram bumi adamel seger lan tentrem. - Mugi kawula sabangsa sanegari tinebihaken saking bebendu Paduka, tansah winengku ing pangayoman Paduka. Samya ruku...

    kapacak uga ing  https://www.facebook.com/share/p/1FByZypEhU/ Sakêdhèp netrå kaêcap langit kadyå diwangkårå jumêdhul wayah esuk. Aku dhèglèg, kamitèngèngên anyulam gumun jroning dhådhå. Langkahmu lêmbut kadyå sutrå ngêlus blêduk datan katõn netrå. Pocapanmu ngeglå tan sabåwå nangèkake jiwå kang wus pralåyå. Oh, kêpriye datan mokal nyåtå kaelõkan biså dumadi ing bantålå sartå antårålå datan butarêpan twin mångså tanpå sujanan? Wusananyå.., saindhênging donyå nandhang bramantå håwå sumlêngêt saantero jagad råyå. jêjêrit prå titah wit rusaking ngalam donyå. JM, ndungkap esuk, 04825             ✍️ 𝖊𝕹𝕻𝖊 ✍️             [^__^]  [^__^] 

 - nawala tinarbuka lan nitip pesen katur para panguwasa- (versi ngoko)     kaemot uga ing  https://www.facebook.com/share/p/16ZyRB3BEW/ Pangarep-arepe masarakat wong cilik kanggo sapa bae kang wus nampa panetepan lan pangukuhan dadi jejering panguwasa, pemimpin, menteri, pamong praja lan pandhegane pamarentahan liyane. Salam rahayu 🙏 Awit saka karsaning Gusti, dipadha nuhoni lan mbangun turuta marang sedhengah tata pamarentahan kang adhedhasar paugeran, undhang-undhang kang lumampah lan kaanut. - Maring pamong dalah kabeh kang wus kapiji dadi pandheganing pamarentahan, dadya kang nyekel panguwasa kanthi wasis wicaksana ngayahi darmaning negari tumuju kamakmuraning bangsa. Aja kemaruk panguwasa lan bandha donya. Elinga wajibing sira mikul tugas mulya kanggo kemakmuraning bangsa. - Maring para gubernur, bupati walikota dalah para pamong praja, dadya kang nduweni kuwasa netepi ngadili wong-wong kang padha tumindak piala (aja nganti malah kang diadili??), lan ngajenana...

    kapacak uga ing  https://www.facebook.com/share/p/1B72rsPKpf/ Apa pulisi kudu nggawa "Layang Parentah Nenangkep" (Surat Perintah Penangkapan)? Sacara kelumrahan (umum), YA! Pulisi kudu nggawa Surat Perintah Penangkapan yen arep ngrangket/nangkep uwong. Iki katata/katetepake ing  > Pasal 18 ayat (1) KUHAP (Kitab Undang-undang Hukum Acara Pidana) : " Pelaksanaan penangkapan terhadap seseorang dilakukan oleh petugas panegak hukum (kepolisian negara Republik Indonesia) wajib memperlihatkan surat tugas dan memberikan surat perintah penangkapan kepada orang yang ditangkap, serta menjelaskan secara singkat mengenai perkara yang disangkakan …” .  Iku ateges pancen wus ana landhesan ukume diatur ing Undhang-undhang KUHAP. Ananging, ana ing sanjabane katemtuan, yaiku Kepriye yen pulisi nemoni tumindak kadurjanan langsung ketangkep tangan? Sajroning ketangkep tangan, pulisi kena bae nangkep tanpa Surat Perintah Penangkapan. Iki uga diatur ing KUHAP  > Pasal...

    kapacak uga ing  https://www.facebook.com/share/p/15ddhTBAVe/ Gusti Allah Agung mulyå, paring sih datan kêndhat, gêsang kawulå binêrkahan, tansah kasinungan sih rahmat. Mbotên sirnå sing pangayõman, katrêsnan langgêng salaminyå, sêmbah sõkur kawulå unjukên, saking salêbêting driyå, matur nuwun Gusti Ma' Agung. Nalikå ndalu pêtêng praptånyå, pêpadhang saking Paduka, Gusti. Nalikå sisah twin kuwur, Gusti rawuh angayõmi. Kêbak sih katrêsnan suci, njangkungi sabên langkah kawulå, puji sokur panuwun kawulå unjukakên, Gusti tansah linangkung, luhur sih rahmat tanpå upami. Dhuh Gusti, panuntun gêsang kawulå, mugi karså Padukå kababaraken, kulå sumarah samudåyånipun, ing astanipun Padukå. Nadyan båjrå nggêgirisi, iman dipunkiatakên, puji sokur kaluhurakên, Asmå Padukå wontêning kamulyan ing ngaluhur, Gusti, kêparêngå tinampi kidung pamujan kawulå...Aa_aamin 🙏 JM, pajar sidik, 25725             ✍️ 𝖊𝕹𝕻𝖊 ✍️           ...

  #pojokbasajawa   kaemot uga ing  https://www.facebook.com/share/p/18x8mXogEU/ Padha dieling dene mokal lamun manungsa bisa nêmtokake pirang puluh tahun manèh donya iki bakal bubrah lan sirêp.  Samubarang kabèh sing kêlakon ing donya iki kêlakone ing wêktu sing wus katêtêpake dening Gusti Kang Akarya Jagad saisine. Ana mangsa tandur ana mangsa panên lan uga ana mangsa mbêdhol, ana wêktune golèk ana wêktune kelangan, ana kalane pul-kumpul uga ana kalane pepisahan lsp.. lsp. Gusti Allah nitahake samubarang kang becik ing wanci sing ditêtêpake, malah ndunungake urip langgêng ing atine manungsa, nanging manungsa ora diparingi kawruh kanggo njajagi pakaryane Allah sasampurnane. Dadi sing bêcik dhewe kanggone manungsa kuwi yèn bisa urip kanthi sênêng lan gawe kabêcikan sajêrone isih urip.. eling lêlakone urip iku amung sêdhela! Kita kabèh kudu padha mangan lan ngombe sarta ngrasakake kanikmataning pamêtune olèhe nyambut-gawé, nora prêlu nggrangsang. Kabèh iku mujudake gan...

    kapacak uga ing   https://www.facebook.com/share/p/1Hpnu1acXb/ Memitran ora amung pasrawungan kang banget rumaket, nanging luwih saka iku ana pangorbanan, padhadene silih kapracayan, menehi pitutur sing kalamangsa rada sereng. Ana mitra raket ( sahabat) kadhang ngelingake kita mawa tembung-tembung sing ora nyenengake malah sok kepara kasar nanging sajatine dheweke lagi ngupaya nyingkuri bebaya marang kita kang bisa luwih bilaeni. Kosok baline, mungsuh kang nyalawadi bisa bae katone bisa gawe kita seneng nanging datan kinira blithuki lan jlomprongake bebaya kang bisa luwih bilaeni.  Lamun kita duwe mitra kenthel (sahabat) prayoga pracayaa marang dheweke. Senadyan dheweke katone ora ngerti apa-apa, paling ora, pigatekna pepelinge. Matrapi mitra raket kanthi grapyak sumanak iku bab kang becik-becik bae, nanging kang luwih becik sing bisa kita wenehake marang mitra yaiku kapracayan kita. Krana mangkono memitran sejati bisa padhadene pasaduluran aweh kapracayan kanthi...

    kapacak ugå ing  https://www.facebook.com/share/p/1B79ArVDyc/ Trêsnå asih iku sabar, trêsnå asih iku lêmbah manah. Asih iku nora sujanan, nora umuk lan kumalungkung, nêdyå ngalah. Trêsnå asih iku sabar, asih iku gêdhe panarimane, Trêsnå asih nora srakah, nora ngêmênke kabutuhane dhewe.  Trêsnå asih iku sabar lan jêmbar pangêrtène sanyåtå, andum sukå utåwå duhkitå sapêpådhå. Nora mbedakake jroning manekå jinis bedå, awit ing ayunaning Gusti, sadrajad samyå. Trêsnå asih iku sabar, trêsnå asih iku kêbak pangapurå, trêsna asih iku adõh ing kanêpsõn nora ngrantam nedyå maekå. Sih katrêsnan iku endah, asih iku tulus ing driyå, tansah ambêktå katêntrêman twin sukarênå. JM, anganggit råså, 20725             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/v/14DpAMe6Q5o/ Ing wanci esuk kang mubyar, langit biru lembut soroting raditya mbrabas nembus gegodhongan. Ing ngarep sawijining omah ana kanoman priya ngadeg karo mesem tangane dhadha-dhadha..., " Sugeng enjing! .." sapa aruhe semangat. Ing suwalike jendhela kayu, jumedhul kenya ayu, males sapa aruhe sinungging esem manis, " Sugeng enjing uga!.. " wangsulane sumringah. Ora let suwe, kanoman sakloron iku sarujuk mlaku-mlaku bebarengan. Petamanan cilik ing cedhak pomahan kono dadi tujuane. Ing sadalan-dalan sakloron mlaku sajajar sinambi ngresepi hawa seger wanci esuk. " Seneng bisa mlaku-mlaku wong loro kaya ngene iki, jeng!" , clathune si priya karo nglirik. " Iya mas, aku uga seneng! ", wangsulane sang kenya, mripate katon blalak-blalak bening sajak sumringah. Ora adoh saka kana, priya kanoman iku nudingi sawijining bangku taman ngisor uwit kang edum, " Yuk, lenggah ing bangku iku!" ...

    kapacak ugi ing  https://www.facebook.com/share/p/171jAcuY3C/ Mbudidaya mengkoni, nguwaosi, ngereh ing pirembagan punika mujudaken patrap kirang wicaksana klebet boten sae kang pikajengipun mbokbilih boten punrumaosi dening kathah-kathahing tetiyang. Sacara kajiwan, patrap makaten punika  dipunjalari/dipunsebabaken nggadhahi pangraosing raos kirang 'pracaya dhiri' utawi gadhah raos sanget-sanget kuwatosipun. Ngeyakini prakawis kang sampun sumebar (viral) senadyan dereng kantenan leres botenipun lan sajak angel punsrekal, pramila bilih angadhepi/manggihi lawan wicara sepintena yuswanipun, status sosial lan gelar, boten prelu mbudidaya nguwaosi salebeting pirembagan. Ngemutana lamun dene wonten pitutur, " Sapa sing bisa mekak obahing lathi, iku kang duwe akal budi ", mratelakaken sangsaya kathah tembung ingkang kaucapaken, sangsaya ageng bebayanipun anggenipun damel kalepatan, mila mekak obahing lathi kaprayogakaken patrap kang wicaksana. Kita perlu nglelantih ngem...

    kapacak uga ing  https://www.facebook.com/share/p/1ArJQrxPgj/ Ing perenging gunung Sumbing, ana sesepuh wicaksana jejuluk Ki Sada Wangi. Dheweke urip samadya nanging dieringi lan diurmati, jalaran tansah mbiyantu warga mawa pangobatan tradisional, pitutur lan elmu kanuragan. Pendhak dinane, warga teka lir gumanti, ana sing sakit, ana sing bingung oleh impen suker, ana uga sing kelangan enering urip. Ki Sada Wangi mbiyantu kang padha usada/jejampi klawan sareh lan sabar gawe rasa tentrem sarta tanpa pamrih. Senadyan umure wus sepuh, nanging badane tetep pideksa, lan saka anggane ngganda arum mula dijuluki Ki Sada Wangi. Sawijining dina, ana bocah desa cedhak kono ilang ing alas pereng gunung Sumbing. Warga bingung lan golek pitulungan. Ki Sada Wangi melu-melu urun tetulung, migunakake olah batine lan bisa nemokake dununge si bocah, slamet ing jeron jurang kasaput pedhut. Nalika kabar Ki Sada Wangi sumebar, teka Tumenggung Kerta, bangsawan sesongaran (angkuh) asal njaba...

    kapacak uga ing  https://www.facebook.com/share/p/19XyimU4jV/ Sunjay Kapoor saka negeri India, ahli waris krajan peralatan otomotip India kang misuwur. Uripe dikupengi kamewahan sarwa wah, akses kesehatan, pangan sarwa wah, jet pribadi, klub olah raga misuwur lan sadheret kabegjane urip kadonyan liyane. Salah siji kabegjan liyane yaiku Sunjay tau dadi bojone Karisma Kapoor, artis Bollywood kang kondhang banget, sulistya ing sarira. Bandha, kakuwasan, wanita (3's Ta : harta, tahta, wanita) ndadekake uripe Sunjay Kapoor sarwa komplit ing donya. Ananging..., 🤕 kabeh mau ora bisa ngalangi sawijining titah cilik yaiku lebah 🦟 njalari lumantare mungkasi uripe. 😈 Kadadean critane kira-kira ringkese mangkene : Sawijining dina, Sunjay Kapoor lagi main jinis olahraga Polo ing Guard Polo Club Inggris sawijining klub misuwur dhewe ing donya. Panggonan pakumpulane para bangsawan, para pengusaha sugih lan artis misuwur liyane. Nalika sajroning patandhingan polo lagi lumaku, Sunj...

    kapacak uga ing  https://www.facebook.com/share/p/1AjMHBRQ6M/ Rinênggå sêpi ing wêngi, Sumilir angin ngrujit ati, Kèlingan janji lumintu, Sumunar pasuryanmu, Nanging adõh katõn samar, Kang tyas mung kari lårå, Jêroning ati susah, Nangis tan katõn êluh, Lir têmbang alam impi, Trênyuh ati, dudu pangangên-angên. Tansah nyimpên ing råså, Trêsnå tan biså ngucapnå, Sa-kêdhèp ra ngilang sliramu, Kåyå lintang ing langit, Padhang nanging ora têkan, Adõh nanging tansah katõn, Bangêt trêsnå, ringkêl ati, Yèn sliramu ora bali, Ati iki mung kari, Swårå têmbang kang ngrêrujit ati. JM, anganggit råså, 12725             ✍️ 𝖊𝕹𝕻𝖊 ✍️             [^__^]  [^__^]  sorogan :  nuwun sewu bokbilih rakitanipun tebih saking paugeran rumusan Macapat Dhandhanggula (awit taksih gegladhen, cobi-cobi twin sinau ngrakit) ✌️✍

    kapacak uga ing  https://www.facebook.com/share/p/15XSBVUhCv/ Ana bocah lanang jenenge Aji, urip bareng karo biyunge ing desa cilik kang tentrem. Bapake wis kapundhut nalika Aji isih cilik, lan biyunge sing ngopeni Aji kanthi sabar lan tulus. Saben dina, biyunge dodolan sayur ing pasar kanggo nyekolahake Aji. Suwening-suwe, Aji saya gedhe lan mundhak pinter. Dheweke banjur mangkat menyang kutha niate golek gawean. Aji olèh pakaryan sing apik lan uripe saya makmur. Nanging emane, atine Aji saya adoh saka biyunge, malah kepara wus nglalekake. Nalika biyunge menyang kutha arep niliki anake, eee.... Aji malah isin lan ethok-ethok ora kenal. > “ Nyuwun pangapunten, Ibu. Kula mboten mangertos panjenengan sinten ,” ujare Aji klawan nyenyengit ora ngenakake ati. Biyunge mung mlenggong, ngempet sakit penggalihe lan muwun. Nalika biyunge bali menyang desa atine remuk kelara-lara, nadyan mangkono tetep ndongakake anake. Lumakuning wektu pirang taun kepungkur, Aji tansah urip ...

    kapacak ugi ing  https://www.facebook.com/share/p/1CQGxD8rFE/ Enjing punika langit sumunar, srengenge mlethèk saking brang wetan. Sumiliring bayu ngusap kulit, mbekta raos asrep lan tentrem. Joko, Danu, lan Wiro ingkang sami sekolah ing kitha kabupaten nembe preenan wangsul dhusunipun lan sampun sami kangsenan/janjian badhe pit-pitan sesarengan blusukan ngubengi sawah lan kampung. Joko ngampiri griyanipun Danu, “ Wis siap, Danu? ” sapa aruhipun Joko kaliyan mesem. Danu mangsuli, “ Uwis! Ayo budhal, Wiro wis ngenteni ana pojok desa kaya biasane .” Sasampunipun pinanggih, lare tiga nunten nyengklak pit gowes sareng. Marginipun sepen, namung kapireng swanten ocehanipun peksi lan swantenipun ban nyakruk kerikil. Kadhang sami gegujengan, sami nyanyi lon-lonan klawan sumringah ketingal semangat! Dumugi ing pinggir lepen, sami mandheg sekedhap. Ing ngriku, angin langkung sumilir, toyanipun lepen mili bening, tetuwuhanan lan ron-ronan ijem sami goyang kadya jejogetan kesapu s...

    kapacak uga ing  https://www.facebook.com/share/p/16stDXQ59w/ Aku nemu tulisan ing latar akunku FB narik kawigatenku kathik lucu sisan, mula ben luwih nges aku pengin andum/ambage meneh nganggo basa Jawa ya (punten, dialoge diselingi nganggo ďhangdhut koplo 😝). Kira-kira critane ngene : Ngesuk mau montor mabur   (pesawat) Garuda Indonesia tujuan Surabaya - Jakarta wis ancang-ancang arep miber ndadak nganggo wurung budhal, gara-gara swara ribut-ribut ana penumpang klas Ekonomi jenenge Saridin lagi sepisanan nunggang pesawat asale saka Bangkalan ngotot bin ngeyel pengin tetep lungguh nang kursi 2B klas Bisnis. Alex (penumpang nomer kursi 2B iku) ujar, "Ngapunten pak, niki kursi kula!"  Saridin, "Sampyan sopo tah?" Alex, "Aku penumpang pak sing duwe kursi nomer iki." karo nuduhke bording pas-e. Saridin, "Penumpang??... aku iyo penumpang, dho-padho penumpang, dho-padho bayar.., ta iyeg..., gak usah tor-ngatorlah, enak ae rek!" 🫣 Alex njur lapur...

    kapacak uga ing  https://www.facebook.com/share/p/16gN16FnZd/ Radityå esuk sumõrõt rêrêmêngan tètès êbun nêlêsi gêgõdhõngan. Angênku mungkur ngukur jaman  jroning winêngku donyaning kauripan. Ing sêlåning rèncèk kayu sumilir bayu kêmricik lirih ilining kali tirtå katêntrêman sidhêm sêtyå tuhu ing gumlêgêre latar rat måyå. Oh alam, têmbangnå marang aku kidung trêsnå asih kang wêning èstu. Tuladhanånå munjuk sokur sumungku ing sabên wêktu kang mêrdu. Abure pêksi anganggit akåså megå jêjogètan ing cåkråwålå. Aku kapêlêng sumungku ing ayunanNyå rumångså ålå datan suwålå. Ing sangisõr abyõre lintang aku sumarah pasrah datan kêpalang. Wit ing ayunan jagad råyå sumadhiyå dununge aso jiwå.   -Samastå, panggahå ngrêrêpi!-     -salaminyå jroning laras ati.-   JM, anganggit råså, 06725             ✍️ 𝖊𝕹𝕻𝖊 ✍️             [^__^]  [^__^] 

    kapacak ugi ing  https://www.facebook.com/share/p/1EzzewrGE1/ Sarwa pas-pasan sacara ekonomi kangge tumut reuni mujudaken salah satunggal perang batos ingkang awrat piyambak nanging nunjem ing 'rasa pangrasa' telenging nala tumraping sawetawis pensiunan. Raos kepengin ndhatengi lan kepanggih malih kaliyan para mitra kadang lami asring winatesan manggihi cumpenipun dana. Kinten-kinten makaten andharanipun perang batos, sisan minangka paring 'empati' lan tumut ngraosaken pangraos. Perang Batos: Sarwa pas-pasan sacara ekonomi salebeting ndhatengi reuni tumraping pensiunan. 1. Kapenginan ingkang boten jumbuh kalian kamapanan. Pratelan : Salebeting manah, wonten raos kapang, kangen saged kepanggih, ngemuti samangsa kuliah, aben-ajeng kadang lami. Ananging, nalika nguningani ragad panginepan, tetunggangan utawi malah wragad urunan, pepenginan wau kedah punempet ...inggih, punika kasunyatan ingkang punadhepi/punajengi/punpanggihi.  Swanten batos : "Aku banget pengin t...

    kapacak uga ing  https://www.facebook.com/share/p/19AbXvvTJN/ Miturut Dr. Wada (dhokter saka Jepang) manungsa sing ngancik yuswa 80 taun kagolong "Manungsa Begja", dene pesen-pesene supaya sinebut begja, mangkene : 1. Terusa lumaku lan ngobahake angga (olah sarira) supaya badan ora kaku kabeh. 2. Narik ambegan dawa lan jero nalika kita kacentok ing ati (tersinggung). 3. Ngombe banyu (cairan) sing akeh samangsa hawane panas. 4. Sering mamah nggayemi (ngunyah), badan lan utak/polo kita amrih duwe tenaga kekuwatan. 5. Singkuri lan sabisa-bisa ora prelu ngombe obat akeh-akeh. 6. Ora prelu banget-banget ngedhunake tensi (tekanan getih) lan kandhutan gula ing rah. 7. Tindakna apa sing kok senengi, dudu apa sing kok sengiti. 8. Apa bae sing kadadean, sakbisa-bisa aja amung ngurung dhiri nang ngomah bae, prelu nglodhangake wektu kanggo mlaku-mlaku. 9. Mangan apa bae sing kok senengi, anggere aja nganti kalemon. 10. Singkurana wong kang kok sengiti utawa sing nyengiti awakmu. ...

    kapacak uga ing  https://www.facebook.com/share/p/14DwzcZxWND/ Ing sawijining dina, mbah Surip lunga menyang pasar karo wedhusé. Nanging wedhusé ora kaya wedhus biasa, jenengé Si Menda. Si Menda nduwèni padatan anéh: yen krungu lagu dhangdhut, geyal-geyol kaya njoged tayuban. Sakdurungé budhal, bojone mbah Surip wis ngelingké, > “ Aja nganti mbukak speaker HP ing pasar, bisa-bisa Menda malah jogedan nang tengah pasar, ngisin-isinaké! ” Mbah Surip mung manthuk, " Iya, ya Bu. Aku wis ngerti!" Nanging ya kuwi, kakehan manthuk durung karuan ngerti tenan mbah Surip-e. Tekan pasar, mbah Surip kepengin pamer. Dheweke nyetel lagu dhangdhut saka HP-ne. Lagu "Goyang Nasi Padang" nggembreng nyuwara. Menda langsung megal-megol, muter-muter, truss... jogèd kaya penyanyi dhangdhut kondhang! Wong-wong pasar padha nglumpuk, ana sing ngrekam nganggo HP, ana sing nggeblak ngguyu kepingkel-pingkel nganti lali tuku sayuran. Satpam pasar teka, ngucap sora : > “ mBah, iki pasar...

    kapacak uga ing  https://www.facebook.com/share/p/16fo2TZHsG/ Ing põjõk pasar pinggir warung sate Pak Tuwå lungguh gêthu but gawe. Tangan kriput kêbak tatu tuwå njait tlapak trompah ngrakit critå. Sabên bolah katarik alõn mbrõjõl nora amung ngrakêt cikal sõl. Ning ugå pangarêpan kang kaèsthi tumrap kang trus lumampah pinêsthi. Sêpatu rusak lir-gumanti praptånyå sinambut sumèh tan nate ngrêsulå. Nora akèh wicårå, nora nyadhõng pinuji srêgêp grêgut pinångkå swårå ati. Pak Tuwå, sirå dudu pahlawan gêgaman prang-yudå ning kapi-adrêng buwang wêktu siså yuswå. Sabên langkah sêpatu kang kõkopèni sinêlip yasan kang sêring sinupèkake puniki. Ibå gumunku tanganmu prigêl lan roså ugå landhêping pandulumu kang kêbak råså. Jroning kêsaput lêbu kõktuladhani kawicaksånån lamun mêmpêng tumandang, biså mijil kasampurnan. JM, pangalêmbånå råså, 28625             ✍️ 𝖊𝕹𝕻𝖊 ✍️             [^__^]  [^__^] 

    kapacak uga ing  https://www.facebook.com/share/p/15u3iDGN2N/ Esuk iki hawané isih seger, srengéngé durung padhang banget. Ing desa cilik sing tentrem, Simbok wis tangi luwih risik tinimbang biasané. Dhèwèké nyepakaké sarapan, nggorèng tempe, nyawisaké wedang jahe anget, lan nata kranjang mligi kanggo menyang pasar. Sawisé rampung sarapan, Simbok nganggo kebaya alus lan jarik sing resik. Ing kranjangé ana sayur asem, klapa, lan jajanan liyane. Nalika padha dandan, Rini, putriné sing ayu lan pinter, nyedhak lan takon alus, " Simbok, arep menyang ngendi kok macak peni? ", takone Rini sajak karo gumun awit ora kaya biasane. Simbok mesem, banjur mangsuli, " Simbok arep menyang pasar, Nduk. Arep dodolan asil kebon lan tuku kebutuhan pawon ." Rini nyengir lan ngesun tangane Simbok, " Ati‑ati Simbok. Aja lali oleh-olehe permen asem sing abang kanggo aku ya!... hehe heheee.. " Simbok mesem manis, nerangké, " Nggih Nduk cah ayu, yen ana rejeki, mesthi Simb...