KAPANDHEGAN PASARUJUKAN

-

 kapacak uga ing https://www.facebook.com/share/p/15KfeacwUr/

Kabutuhan saben priyangga lan utawa golongan iku beda-beda. Kanggo pikoleh katetepan kang adil, kapandhegan adhedhasar  pasarujukan mujudake panetepan kang banget dibutuhake. 


Pancen kabutuhan saben pribadi ora mayar utawa mokal bisa diwujudi kanthi sampurna, nanging paling ora klawan kapandhegan ing pasarujukan mau bisa nyuda pepinginan kang amung nengenake kabutuhan mentingake awake dhewe kang bisa ngapitunani wong liya. Iya klawan kapandhegan ing pasarujukan kang disedya bisa agawe padhadene mareme bebarengan saeka praya saeka prapti mbangun rumaketing gotong royong, samya among rasa among driya.


Kahanan kadya mangkono iku mujudake cikal bakal dhemokrasi kang urip ing tengahing masarakat kita. Para punggawaning praja kang kapatah makili masarakat golongane samya nyengkuyung lan nyarujuki rancangan pagawean (program kerja) kang wus katetepake dening punggawa/pandhega tataran pangwasa ndhuwur kang wus kapilih. Para pandheganing praja tataran ngisor minangka wakil golongane wajib netepi pasarujukan kang wus ditetepake iku. Kanthi anyengkuyung apa kang disarujuki bebarengan lan wus diwengku awujud pedhoman/pandom kang sinebut undhang-undhang prelu padhadene ngugemi murih apa kang sinedya kanggo kemajuan lan kemakmurane bangsa bisa digayuh. Ora elok yen ing satengahing lakuning pembangunan kang karancang banjur ana saperangan klompok padha rayahan rebutan balung, uga ngububi lan ngujuk-ujuki klawan nyebar warta goroh, palsu lan semu ngolok-olok mungsuhe pulitik sing diwungkus kanthi alus utawa kasar, iku andadekake krikil-krikil sing bisa mlesetake lumakune rancangan pembangunan iku dhewe.


Ayo pra kanca warganing masarakat sabangsa, đŸŽ¶đŸŽ”

Sayuk-sayuk rukun bĂȘbarĂȘngan ro kancane

lilĂ„ lan lĂȘgĂ„wĂ„ kanggo mulyane nĂȘgĂ„rĂ„

siji.., loro.., tĂȘlu..

maju papat-papat 

diulang-ulungake

mĂȘsthi enggal rampunge...lsp lsp..


Pethikan tembang iku nggambarake mendah prelune gotong royong guyub rukun kanggao anggayuh sedyatama murih bisa mujudake kemakmurane bangsa. Ing kene cetha kapandhegan adhedhasar pasarujukan diprelokake!


Nyumanggakake đŸ«Ž

Mugya Gusti ngijabahi lan amberkahi ... Aaa_aamin A__aamin 🙏🙏


JM, lingsir wetan, 021125

          ✍️ 𝖊đ•čđ•»đ–Š ✍️

          [^__^]  [^__^]


Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya