BESELAN ING PEPANCASAN PANGADILAN -ukum landhep mangisor, kethul mandhuwur-

-

   kapacak uga ing https://www.facebook.com/share/p/17aqA1rt16/

Ing satengahing masarakat, pasrawungan kawengku dening tatanan kang mranata (kasebut ukum). Ukum, undhang-undhang duweni daya kangggo mranata sesrawungan antarane anggota masarakat murih bisa ngrampungake prakara klawan sajajar lan adil. 


Nanging emane, pangetrapane, pangecakane asring mlenceng saka enering sing samesthine yaiku nindakake kanthi nerak pranatan iku dhewe, kaya ta mbeseli (suap, nyogok lsp). Para kang duwe prakaran gawe pratingkah mbeseli kang kapatah ngrampungake prakara (akim, jeksa, panyidik kapulisèn) minangka pamengku/panetep ukum.


Minangka pamengku ukum utamane akim ora kena lan dipepacuh/diwewaler (dilarang) njungkir-balikake kaadilan, pilih kasih kanthi nampa besel, ukumane cetha abot yen nganti kabukten. Nanging emane, ora kurang ing lakune pangadilan awujud pepancasaning pangadilan  iku asring diterak, mula tambah ruwet lan kadawa-dawa, mbulet lakune pangadilan iku dhewe. Ya, suap, besel gawe rasa pangrasaning ati kasaput karo iming-iming suap. 


Kanthi mangkono wong sing luput dadi bener suwalike sing bener disalahake. Padatan ing kahanan kang kadya mangkono iku pehak kang miskin kapinggirake jalaran ora duwe wragat lan kwasa dadi kalah prakaran wusanane nggeget driji. Mula ana pranyatan : "Ukum landhep mangisor, kethul mandhuwur". pranyatan iku pancen nyata lan wus dadi wadi tinarbuka (rahasia umum).

Wewaler kang kudune diugemi malah padha diudhal-udhal sarta kepara diawut-awut lan diterak.

Oh ukumm... ukum, ana ngendi 'siyungmu' kok malah dadi piranti kanggo nyenyugih wong kang wus sugih lan gawe sengsara klawan nyakot wong cilik!?


JM, parak esuk, 281125

          ✍️ 𝖊𝕹𝕻𝖊 ✍️

          [^__^]  [^__^]



Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ Nglekarå dhik, cikbèn ra kråså luwemu. Lalèknå Dinå Kamardikan, mêrgå pancèn kitå TAN NATE MARDIKA. 😭 Turuå dhik ing ndhuwur wêtêng LUWE-ku, karêbèn kakang nyritake endahe cita-citane PAHLAWAN kang MARDIKAKAKE kitå såkå KASANGSARAN, cikbèn impènmu endah datan sanisthå rågå kitå. 😭 Mêrêm lan turuå dhik, supåyå ora kõk rungu manèh nggragase KORUPTOR ngluwihi SÊGAWÕN kêluwèn. 😭 Turua dhik, bène pådhå ngentèkake milyaran ing istana angayubagyå KAMARDIKAN êmbuh kanggo såpå. 😭 Jêrite anak ngisõr krêtêg, bocah gubug-gubug pinggir kali. 😭 Ayo prå pamõng pråjå yå pårå pangwåså, enggal êntasnå kamlaratan lan kasangsaran ing bumi Nuswantårå. Êndi janjimu, êndi nuranimu tumrap kamakmuran bångså sing kaumbar ngambrah-ambrah? 🫡😭 JM, awan gêmplang, 13825             ✍️ 𝖊𝕹𝕻𝖊 ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wêktu-wêktu wêkasan iki akèh kêdadean alam awujud bilai kang nggêgirisi. Ngarêpake gumantine mångså akèh kasêngsaran kang tiniba bilai, iyå banjir ing ngêndi-êndi agawe rusake samubarang, gunung mblêdhõs awune ambyar têkan ing plataraning nagari iki. Mulad-mulading bêbêndu kang wus kadhawahake dening Pangèran awit iyå såkå polah tingkahing manungså kang mblasar såkå Dhawuhe. Gumlêgêre swårå kaprungu mawantu-wantu. Anggêgirisi ing madyå ratri kang sêpi. Sêpining jalmå manungså kang wus pådhå kêtilêp ing impèn. Glegerrr!…krosakk!…gembrõjõg têkaning tirtå tan kanyånå-nyånå. Anrajang nasak-nasak gubug dalah ngêbaki sêsawahan kang lagi ngarêpake mångså panèn. Ambyar sanalikå kêprungu jêriting båpå biyung lan tangising bocah-bocah. Sawêrnaning ubarampe amblas kèli sauruting ombaking tirtå. Samudåyå lêlabuhan prå kadang sirnå tan ninggal sawijiå. Ibå nglangut ngrêrujit-rujit råså rasaning k...
Baca selengkapnya

SWÅRÅ LÊMBAH KANG SÊPI -kagagas lan kaangên-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lêmbah sêpi ijo sinawang sêgêr ing pandulu dak rungu swårå sumilire bayu. Ujare, "wit-wit sing ambruk iku dudu salahku nanging tangismu sing ora tau kêprungu." Gèthèk kadang tani nganggur ing pinggir kali banyune buthêk nggåwå carang kêbak duhkitå. Argå sing gundhul kadyå ndêlêng pasrah karo jêriting ati nlusur jêjaking ulah tangan kitå priyånggå. Oh, sadulurku, åpå kitå isih emut yèn bumi iki sadêrmå titipan Kang Må' Kawåså? yèn alam ngêlus dhådhå, kitå mung biså mrêngut nanging nganti kapan mung kagèt lan kuciwå? Dak rungu bumi sêsênggukan ing satêngahing wêngi, “Aku ora nêsu, mung jèngkèl têrus dicidrani sawise mbesuk båjrå têkå nggåwå bêncånå kitå bingung golèk tumbal sing biså diluputake såpå?" Oh, kadangku, ayo reneå sêdhelå wae ngrêsêpi swårå alam sing suwe ora digape. Yèn kitå ora ngrumat kanth...
Baca selengkapnya