TUMBLER KESASAR DUDU SEMBARANG TUMBLER

-

   kaunggah ing https://www.facebook.com/share/p/1GBjM4qQVa/

Iki Crita sing lagi dadi crita anget ing rat-maya yaiku crita 'Tumbler' (botol nginum saempere termos cilik) isi kopi anget kadya saanget-e critane wekasan iki.


Wingi esuk, sawijine Ibu-ibu penumpang sepur KRL (kereta rangkai listrik) kondhang kasebut 'Commuter Line" budhal makarya ndeleh tas ransele ing rak dhuwur bangku lungguhan. Tas kasebut salah sijine isi Tumbler karemenane isi kopi panas. 

Mbarengi lumakune wektu, Ibu iku ketungkul (nggethu njingglengi) nunul-nunul HP. Nalika sepur tekan ing stasiun sing dituju, dheweke arep mudhun iba kagete ngranggeh-ngranggeh tase ora ketemu. 


Ibu iku bingung, nggoleki tetep ora ketemu, takon karo penumpang liyane, ning ora ana sing meruhi. Whadhuh, dheweke gela lan sedhih, tumbler iku dudu mung saderma tumbler sembarang tumbler, nanging duwe sayuta 'kenangan' (pangeling-eling) lan kanikmatan sing dirasakake saben dinane minangka penumpang KRL.


Wanita iku nuli nglapur menyang petugas KAI kanthi pangarep mbokmenawa nemokake. Pirang dina sabanjure, wanita iku nampa kabar lewat WA saka petugas sepur :"Tumbler Ibu sampun kepanggih, katuran mendhet ing kantor KAI setasiun Gambir."

Wanita iku rumangsa bungah lan lega, uga pengin ngerti sapa sing nemokake.


Nalika dheweke tekan ing kantor setasiun, dibagekake dening sawijine kanoman karo mesem manis rambute dipotong rapi umur watara 30 taunan.

 Karo nyalami kanoman iku ujar,  "Kula Budi, kula ingkang manggihi tumbler Ibu ing tas ransel gumlethak ing bangku peron stasiun. Kula pengin mangsulaken dhateng panjenengan, margi kula mangertos iba aji lan migunani tumbler punika kagem panjenengan."


Wanita iku trenyuh, dudu mung marga tumbler kesasar iku bali ketemu, nanging marga kabecikan atine si kanoman iku.

 "Kenging menapa nak-mas boten nyimpen piyambak?", takone Ibu iku.

 "Ohh boten bu, kula ngertos menawi kang kagungan tumbler menika tamtu langkung mbetahaken. Murid kula ugi sangu tumbler karemenanipun kados kagungan Ibu." Ooo, jebulane kanoman iku guru sawijine SD, imbuhe meneh, "Lan kula rumaos mendah remenipun bilih kula saged mangsulaken dhateng kang kagungan."


Eliding crita kang bisa kapethik :

Batin atine ibu iku :

  "Jebulane kabecikan nala ing pasrawungan isih ana ing donya iki. Mendah trenyuh lan begja banget aku ketemu kanoman iku dene kajujuran duwe aji kang banget dibutuhake ing sawijine pasrawungan jaman kang sarwa maju apa maneh ing kutha gedhe kaya Jakarta iki!"

"Aku muji sokur banget lan matur nuwun. Tumblerku dadi luwih aji lan migunani banget tambah siji maneh 'kenangan' manis ing dina iki.!" ✍️👏


JM, parak esuk, 031225

          ✍️ 𝖊đ•čđ•»đ–Š ✍️

          [^__^]  [^__^]



kadudud unggahan https://www.facebook.com/share/p/1CejMf2Psz/


Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya