ANGGEGIRISI OPAH KANG TINAMPA

-

   kapacak uga ing https://www.facebook.com/share/p/1ahhAirrfL/

Sapa bae uwonge, temtu seneng yen nampa opah awit saka apa kang wus dilakoni. Opah diwenehake miturut sepira lelabuhane marang gaweane. 

Iku mratelakake tegese tembung 'opah' sacara wantah kang prasaja, nanging yen dinalar luwih jero bisa uga nggambarake walesane apa kang dadi jalaran kawusanane  (sabab lan akibat) sing dipikoleh awit saka tumindake.


Banjur kepriye yen jalaran kawusanan mau sacara sepiritual gegayutan karo sesambungane manungsa karo Gusti Allah Sang Pancipta? Dak kira ora bisa denselaki  dene kita manungsa minangka abdi kang cinipta dening Panjenengane wus sayogyane mituhu tuwin setya karo dhawuh Pangandikane Gusti kang mujudake paugeran/wewaler kang mengkoni uripe manungsa. 


Iya, manungsa kang ora setya tuhu marang paugerane Gusti, ora bisa denselaki nampa jalaran kawusane mau minangka opahe kang mujudake bebendune/dedukane Gusti. Pepeling ya pepemute Gusti wus kanyatakake ana ing maneka warna kadadean alam saka wiwitan kang cilik nganti gedhe lan anggegirisi. Iya kedadean-kedadean sing ora salumrahe bisa kita rasakake, nanging emane manungsa isih bae kurang utawa ora plega/waspada marang pepeling mau. 


Jalaran kawusanane saka kasetyane manungsa ora nuhoni Dhawuh Pangandikane Gusti, kita minangka abdine Gusti ginanjar arupa nampa bebendu mau. Ya, jalaran sangsaya tumindak mblasar saka paugeran-paugeran kang wus katetepake, karusakan-karusakan alam marga ulahe manungsa ora bisa denselaki. Iku nyata lan tetela ing sangarepe kita sangsaya anggegirisi. Ya, manungsa ora ngreksa lestarine alam kanthi ngeruk sumber kaskayane alam datan mikirake akibat kawusanane, mula pungkasane kang kita adhepi bencana lan prahara ing ngendi-endi sangsaya nggegirisi iku sejatine opah kang tinampa. Gambaran iku kadya apa kang nate kita uningani saka tembange seniman Ebiet G Ade lumantar lagu irah-irahan "Untuk Kita Renungkan" ( https://www.facebook.com/share/1AWP6DUg2d/ )


Makaten kinten-kinten ingkang saged kaaturaken ing seratan sapala puniki, nuwun sewu mawi basa ngoko, kanthi pangajap sageda kita resepi sesarengan. Nyuwun duka lan pangaksama bilih kirang jangkep saha kathah sisiping atur ingkang boten mranani,... nuwun, nuwun ... matur nuwun đŸ‘đŸ«Ž

Salam rahayu sagung dumadi...

Gusti amberkahi... Aa_aamin A__aamin 🙏🙏


JM, lingsir-dalu, 231225

          ✍️ 𝖊đ•čđ•»đ–Š ✍️

          [^__^]  [^__^]


Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

SWÅRÅ LÊMBAH KANG SÊPI -kagagas lan kaangĂȘn-

-
Gambar
    kapacak uga ing  https://www.facebook.com/share/p/17gVeCiyVo/ (kagugah lan kailhami saka lantunan tembange Ebiet G Ade 1982:  "Untuk Kita Renungkan") Ing lĂȘmbah sĂȘpi ijo sinawang sĂȘgĂȘr ing pandulu dak rungu swĂ„rĂ„ sumilire bayu. Ujare, "wit-wit sing ambruk iku dudu salahku nanging tangismu sing ora tau kĂȘprungu." GĂšthĂšk kadang tani nganggur ing pinggir kali banyune buthĂȘk nggĂ„wĂ„ carang kĂȘbak duhkitĂ„. ArgĂ„ sing gundhul kadyĂ„ ndĂȘlĂȘng pasrah karo jĂȘriting ati nlusur jĂȘjaking ulah tangan kitĂ„ priyĂ„nggĂ„. Oh, sadulurku, Ă„pĂ„ kitĂ„ isih emut yĂšn bumi iki sadĂȘrmĂ„ titipan Kang MĂ„' KawĂ„sĂ„? yĂšn alam ngĂȘlus dhĂ„dhĂ„, kitĂ„ mung bisĂ„ mrĂȘngut nanging nganti kapan mung kagĂšt lan kuciwĂ„? Dak rungu bumi sĂȘsĂȘnggukan ing satĂȘngahing wĂȘngi, “Aku ora nĂȘsu, mung jĂšngkĂšl tĂȘrus dicidrani sawise mbesuk bĂ„jrĂ„ tĂȘkĂ„ nggĂ„wĂ„ bĂȘncĂ„nĂ„ kitĂ„ bingung golĂšk tumbal sing bisĂ„ diluputake sĂ„pĂ„?" Oh, kadangku, ayo reneĂ„ sĂȘdhelĂ„ wae ngrĂȘsĂȘpi swĂ„rĂ„ alam sing suwe ora digape. YĂšn kitĂ„ ora ngrumat kanth...
Baca selengkapnya