TULADHANE SUPIR ANGKOT

-

  kapacak uga ing https://www.facebook.com/share/p/17K6Aew6Pj/

Jenenge pak Rahman, supir angkot jurusan Terminal --> Pasar. Pendhak dina isuk-isuk wis budhal, kanthi nyiapake montore sing tuwa ning tansah resik lan wangi. Dheweke dikenal dening para penumpang dudu merga pocapane sing seru kenceng, nanging merga eseme sing tulus.


Sawijining esuk, ing satengahe laku, pak Rahman meruhi bocah sekolah ngadeg ing pinggir dalan namatake angkot-angkot sing liwat, nanging ora enggal numpak. Pak Rahman ngendhegake angkote lan takon, "Nak, kenapa kowe ora numpak?"


Bocah iku ndhingkluk, "Yatrane kirang, kantun sewu Pak. Ongkose rak tigang ewu ta nggih?!..."


Tanpa mangu meneh, Pak Rahman supir angkot iku mesem, "Ya wis, munggaha wae! kurange mengko bisa kok bayar yen kowe wis gedhe lan dadi wong sukses!" sumaure karo gojegan.


Penumpang liyane padha mesem krungu pocapane pak supir. Bocah iku sanalika bingar praupane, banjur numpak angkot iku.


Ora mung sepisan-pindho Pak Rahman tumindak kaya mangkono iku. Kadhang dheweke ngrewangi ibu-ibu sing kentekan ongkos, kadhang ngrewangi nyabrangake wong tuwa sing mlakune kethekelan nganggo teken. Tau uga dheweke ngendhegake angkote saprelu nulung penunggang pit montor tiba ing pengkolan dalan.... lsp lsp.


Senadyan pengasilane pas-pasan, Pak Rahman tansah angucap, "Rejeki iku dudu amung dhuwit, nanging rasa seneng lan marem bisa biyantu wong liya."


Lumakune warsa, ganti dina ganti wulan, ing sawijine sore, ana priya kanoman nunggang angkote. Ing pungkasan entek-entakane lakune angkot, priya iku mandeng pak supir lan ujar, "Pak, taksih kemutan boten kalih lare sekolah sing kala emben Bapak tulungi numpak angkot?, saniki kula sampun nyambut damel. Niki sekedhik tandha pamatur nuwun kula!" karo ngulungke amplop cilik. Nanging Pak Rahman nampik klawan alus.

"Matur nuwun Nak, yen sliramu wis dadi wong becik lan sukses, iku wis cukup kanggone Bapak iki Nak!"


Iya kaya mangkono iku, saben uwong kang tau nunggang angkote Pak Rahman, tansah entuk piwulangan kang migunani, 'dene nadyan kabecikan cilik/ora sepiroa bisa nularake aklak lan nandhes suwe kang nyipati tumindak kabecikan iku.'

Sumangga! đŸ«Ž


Nuwun 👏


JM, parak esuk, 111025

          ✍️ 𝖊đ•čđ•»đ–Š ✍️

          [^__^]  [^__^]


Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya