WUCALAN BUDI PAKERTI

-

   kapacak ugi ing https://www.facebook.com/share/p/1YqnSuwXqP/

Pergi Belajar đŸŽ¶đŸŽ”

"Oh, ibu dan ayah selamat pagi

Ku pergi belajar sampai 'kan nanti"

"Selamat belajar nak penuh semangat

Rajinlah selalu tentu kau dapat

Hormati gurumu, sayangi teman

Itulah tandanya kau murid budiman"


Nuwun para kadang sutresna, punapa wonten ingkang taksih kemutan lelagon lare-lare kados ing nginggil? (menawi boten klentu anggitan ibu Sud)

Mbokbilih ingkang miyos ing warsa pitung ndasa sapengandhap taksih saged ngrepekaken larikan lagu kasebat.

Ing larikan kaping kalih saking ngandhap kaserat "Hormati gurumu, sayangi teman" nelakaken bilih murid punika, kasebat budiman (lare luhur bebudenipun) salah satunggalipun urmat (ngaosi, ngajĂšni) dhateng guru lan nresnani kanca-kancanipun. Sejatosipun punika ngandhut wucalan 'budi pakerti' dhateng lare-lare alit kang lebet sanget maknanipun.✍️

Emanipun, wucalan budi pakerti sampun dipun icali saking 'kurikulum' (daptar piwucalan)  dhasar dumugi SMP. Mila lare-lare ingkang wedalan pawiyatan dhasar wiwit warsa 1970 sapanginggil (ning boten sadaya makaten lho) boten tepang ingkang naminipun budi pakerti kang mucalaken unggah-ungguh (sopan santun) ngaosi (ngajeni) tiyang ingkang langkung sepuh, rama-ibu klebet pendhidhik. Wonten pitutur kangge lare-lare , "He anakku, ngrungĂ”knĂ„ marang pamĂȘrdine bapakmu, lan Ă„jĂ„ ninggal piwulange ibumu." Menawi pitutur punika estu-estu punetrapaken ing pendhidhikan kulawarga, mbokbilih saged urun adamel kukuhipun jiwa satriya kaum taruna bangsa, nebihaken saking kenakalan remaja (taruna-mudha).


Kados pundi nalaripun, lare wiwit alit boten pikantuk wucalan budi pakerti ing pawiyatan TK dumugi bangku SMP lajeng sasampunipun remaja/taruna asring gelut kroyokan (tawuran)? Salajengipun malih sasampunipun mlebet ing pedamelan pikantuk kalenggahan/jabatan ugi ngetingalaken tumindak ingkang boten pinuji?


Kawontenan punika ingkang dangu-dangu nyebar ngrembaka dumugi ing lapisan masarakat ngandhap nulad dhateng pangadeging praja, sadaya ingkang nggadhahi kwasa samya nerak tatanan budi pakerti.

 Contonipun, wĂ”ntĂȘn lare sĂȘkolah dipun jĂšwĂšr utawi punthuthuk garisan gurunipun awit saking ndhugalipun tansah damĂȘl rĂȘribĂȘt ing kĂȘlas, kadĂ”stĂ„ rĂȘmĂȘn mĂȘmĂ”yĂ”k, mĂȘrĂȘs lan damĂȘl ajrih kancanipun kang kasĂȘbat 'pĂȘrundhungan'.

 ĂȘĂȘm... lhadalah... lha kĂ”k tiyang sĂȘpuhipun nglapurakĂȘn dhatĂȘng pulisi ngantĂ”s sang guru dipun lĂšngsĂšr saking tugasipun. MbĂ”kbilih, tiyang sĂȘpuhipun nalika taksih sĂȘkolah ugi bĂ”tĂȘn tĂȘpang kaliyan wucalan budi pakĂȘrti (kĂȘdahipun tiyang sĂȘpuhipun ndukani putranipun ingkang nakal). Kepala sekolahipun boten saged tumindak punapa-punapa.


Makaten menggahing pamanggih kula (nuwun sewu menawi klentu 👏) matrapi kedadosan kang damel miris ingkang sumebar wartosipun lan dados pirembagan rame ugi ing ratmaya.

Nyumanggakaken đŸ«Ž lan nyuwun pangapunten bilih andharan punika kirang trepsila.

nuwun 👏


JM, madya raina, 241025

         ✍️ 𝖊đ•čđ•»đ–Š ✍️

         [^__^]  [^__^]




Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya