MUKIDI GAWE ULAH ING 'GERBONG TIDUR' KRETA MALAM

-

   kapacak uga ing https://www.facebook.com/share/p/19psyDsa2N/

Bengi iku Mukidi entuk karcis sepur ing 'gerbong tidur'. Nalika mlebu dheweke kaget weruh peturone asri kaya hotel mini.


"Wah, iki ranjang apa jlomprongan? kok ana bantal empuk barang. Aja-aja yen aku turu sepure mlaku dhewe jroning ngimpi ketemu pramugari."😮


Penumpang liyane mung nglirik, padha mbatin bakal ana ribut-ribut sawengi muput kih. đŸ« 


Bareng lampu wiwit dibleretke, Mukidi ora bisa meneng wae. Dheweke wiwit ngobrol karo penumpang ing ranjang dhuwure.

"Mbak, ati-ati mbak. Yen sepure dadakan ngerim, aja nganti ceblok ing pangkonku ya. Aku durung siap duwe kluwarga anyar!." 😜

Penumpang ing ranjang ndhuwur wegah mangsuli, mung bisa nggeret krukupan kemul ethok-ethok turu.


Sawuse iku, Mukidi wonge ora bisa meneng, wiwit mbukak koper ngetokake speker mini njur nyetel musik ndhadhut lirih : "Kreta malam bawa aku padamu...đŸŽ¶đŸŽ”


Kabeh wong sagerbong protes  "Ssssttttttt!!!... jok ribut sampean kangne!"

Ning si Mukidi mangsuli kalem,

"Menenga, tenang.., aku lagi latihan dadi bidhuan. Yen sesuk viral, karcis sepur entuk diskonan, luwih murah kan?... hehehee!!" 😜đŸ€Ș


Suwe-suwe Mukidi krasa luwe. Deweke mudhun saka ranjang, ndhudhah sangu mie instan cup, nuli mbengok, "Apa ana sing arep nitip banyu panas? Aku sisan arep antri njaluk nang pramugari!"


Wekasane, sagerbong malah padha nitip beneran. 'Gerbong tidur' owah kaya dhapur umum. đŸ« đŸ«Ą


Puncake, wektu tengah wengi sepur ngliwati trowongan, kabeh katon peteng ndhedhet. Mukidi malah wara-wara nganggo swara seru, "Bapak-ibu penumpang, katuran mendel... yen ana sing kelangan sandhal ing petengan, iku dudu salahku lho, ning ulahe makluk alus gerbong iki! ... hihi hihiii" 😜đŸ€Ș


Sagerbong padha ribut-ribut, ana sing ngguyu ngakak, ana uga sing kebingungan.


Sidane pramugari teka karo nesu-nesu.

"Mas, iki gerbong tidur, dudu pasar malem!"


Mukidi mringis karo mesem amba njur slonjoran ing ranjang.

"Menenga wae mbak..., aku mung gawe kabeh penumpang ben ngimpi  endah. Soale yen turu karo ngguyu, mesthi dadi sehat!...", wangsulane Mukidi kalem.


Bengi iku gerbong tidhur ora kok lerem, malah kebak swara cikikak-cekikik padha ngguya-ngguyu. 

Njur Mukidi didhapuk dadi 'Pengaco Propesional Kereta Malam.. ' 👍😜👋

Penumpang sagerbong padha ngleker cep klakep turu angler...😮😮. 

Sabanjure, apa ya sing kira-kira bakal ditindakake si Mukidi???....ning sajake Mukidi kentekan akal arep gawe usil..... "ditutuge ing obrolan iseng suk ae .... melu-melu ngorok kaya penumpang liyane ahhh 😮😮.."

Sugeng sare nggih.. 😮😮


JM, madya ratri, 201025

         ✍️ 𝖊đ•čđ•»đ–Š ✍️

         [^__^]  [^__^]


Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya