SIMBAH-e "si JOKO TARUB"

-

   kapacak uga ing https://m.facebook.com/story.php?story_fbid=2924437694502015&id=1684548218490975

Ing pinggiraning telaga ana sakumpulan kenya padha ciblon adus tanpa nganggo sandhangan alias wuda blejet. Para kenya mau meruhi ana mbah-mbah teka mara nyedhak... sanalika para kenya nglangi manengah.


Para kenya mbengok : " he mbah... lungaa lan ngadoha! Aku ora bakal mentas seka tlaga iki nganti sampean lunga saka kene!"

Simbah mangsuli kalem : " Aku mrene ora kok arep nginjen olehmu padha adus, ndhuk! Aja salah tampa ya... apa meneh ndeleng kowe kabeh mentas saka tlaga ora padha nganggo sandhangan..!!? Wahh... ora penting kanggoku sing wus tuwa iki nduk!.. Aku mrene amung arep menehi pakan Baya sing ana ing tlaga iki..!"

Dhuerr.. !!

Sanalika bae kaya diabani kenya-kenya mau nglangi rerikatan minggir lan mlayu saka tlaga iku, rame-rame nubruk lan ngekep simbah saking keweden lali yen padha wuda (hehee.., aja padha ngeres ya!)


Pesen moral :

" Umur kena bae tuwa... nanging pikiran kudu tetep cerdhas, tangkas reka-dayane ing kahanan kang trep migunani."


Wewatakan mbah-mbah ing dongeng iki bisa sinebut wewataking wong (lanang) sejati & maju, sacara umum ana 7 wewatakan : 

1. Kreatif

2. Aktif

3. Motivator

4. Progresif

5. Responsif

6. Elegan

7. Tangguh

karingkes : *KAMPRET !!!!..* Ana-ana bae, simbahe si Joko Tarub...!!?


Hiburan sing lagi padha nglamun 🤪🤣😜


JM, lingsir wengi, 20221

       dening eNPe


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya