COVID-19 MUNTUP-MUNTUP ING NGAREP LAWANG OMAH

-

   kaunggah uga https://m.facebook.com/story.php?story_fbid=2913529935592791&id=1684548218490975

Urip matine manungsa iku Gusti kang kawasa.

Ketaman orane Covid-19 iku upayane manungsa kanggo bisa siningkur saka panyebarane.


Nadyan datan kèksi sejatine Covid-19 saiki sangsaya nyedhaki mring kita.

Sangsaya akeh sadulur lan wong2 sing kita tepungi kesenggol si covid... wahh jian kabar iku gawe getering ati.


Biyen sawetara wulan kepungkur lodhang wektune ketaman Covid-19 kadya menang lotre sing ora bisa katemtokake... nanging saiki semune kaya menang arisan nunggu giliran.... heemm ngegirisi tenan ya.


Minangka kanggo waspada bae kita sing durung oleh arisan prayoga upadi jaga-jaga, salah sijine kang bisa kita tandangi yaiku kanthi mituhu panetepan kesehatan kang wus diwartakake ing sadhengah kalawarti yaiku tatanan kesehatan mawa 5M :

 - mijiki lan reresik tangan

 - manganggo masker

 - matesi dhiri ing antarane kita

 - matesi lelungan sing ora perlu

 - matesi nggrombol-nggrombol


Diajegi olah raga bisa mbangun wuleding/kedhoting (kekebalan ind.) badan kita saka memala sajroning pageblug Covid-19, saengga yen ta kita nampa arisan ora banget nggegirisi.


Vaksinasi pancen dudu obat mujarab nadyan perlu kanggo mbangun wuleding badan tumraping masarakat. Miturut petungane para ahli kesehatan, sarikat-rikate ing madya warsa 2022 kira-kira 75% warganing masarakat Indonesia lagi bisa nampa vaksin.


Lelakone isih suwe..........

Kita kudu tansah anjaga kesehatan lan ora kena lali tansah nyenyuwun pitulungane Gusti.


Mugya bae kita bisa jayeng satru (menang perang) nglawan pageblug iki.

Aywa sok rumangsa dadi wong kang dhugdheng kedhot saka virus krana nglirwakake pranatan 5M.

Saora-orane, ngajenana wong-wong liya  sing wus nindakake pranatan kesehatan.


Sepisan maneh, urip matine kita Gusti kang kawasa, 

nanging.....

ngupadi saka ganase virus iku dadi kewajiban kita samya!


Kasuwun mugya kita kabeh ora nganggep entheng, lan ngrumangsanana yen sajatine Covid-19 wus nyedhaki kita muntup-muntup sangarepe lawang omah kita dhewe. Ayo kita saeka kapti nggusah si corona kang datan bisa kita sawang (datan kèksi).


Salam Sehat lan Salam Rahayu!

Gusti angayomi lan amberkahi... Amin 🙇‍♂️


JM, lingsir kulon, 04221

        dening eNPe


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya