KRITIK

-

     kaunggah uga ing https://m.facebook.com/story.php?story_fbid=2925136614432123&id=1684548218490975

Biasane manungsa ya wiwit jaman kawitan ora seneng dikritik/ diwaoni/ diwada/ disaruwe.

Wong kang dhemen mring kritik, gelem diwaoni apa kang ditandangi iku mratandhani watak wicaksana lan andhap asor bebudene, dhuwur lan jembar kawruhe, kebak welas asih. 


Senadyan mengkono ora kabeh kritik bisa agawe kabecikan, kang bisa kapilah ana loro :

1. Kritik ambangun, yaiku kritik kang migunani kang ngandhut pepeling kakurangan apa kang ditindakake dening kang disaruwe sarta menehi dalan carane ngrampungake, uga temtune panyaruwene kanthi sopan.

2. Kosok baline kritik kang anane mung ngelek-elek, nacad tanpa bukti lan ora ana carane ngrampungake, ngumbar ujar kabencian, iya kaya ngene iki kritik kang ora prayoga.


Krana mengkono iku kang ana rong jinis kritik, mulane perlu ana tatanan kang maton utawa gumathok kanggo runtut lan rukune urip bebrayan ing tengahing masarakat sabangsa. 


Negara sayogya campur tangan agawe paugeran tumraping pranatan kang adil lan bisa tinampa dening sakabehing warga nagara wiwit saka ndhuwuran pandhegane pamarentah tekan masarakat wong cilik. Sapa bae kudu nurut mring pranatan kang wus padhadene disarujuki sacara sah awujud undhang-undhang. Ing sangarepe ukum kabeh warga nagara ndarbeni hak lan kewajiban padha, ora pilih-pilih. Ateges klebu hak kamardikan ngandharake panemu temtune mardika ing wewengkone tanggung-jawab.


Kritik iku perlu! kanggo ngenerake rodha pamarentahan supaya mlaku luwih becik kanggo kapentingan bebarengan kamajuane bangsa sarta wutuhing negara - NKRI.


JM, lingsir wengi, 21221

         dening eNPe



Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya