SACUWIL CARIOS PENSIUNAN -renungan enjing-

-

   kapacak ugi ing https://www.facebook.com/share/p/1EzzewrGE1/

Sarwa pas-pasan sacara ekonomi kangge tumut reuni mujudaken salah satunggal perang batos ingkang awrat piyambak nanging nunjem ing 'rasa pangrasa' telenging nala tumraping sawetawis pensiunan.

Raos kepengin ndhatengi lan kepanggih malih kaliyan para mitra kadang lami asring winatesan manggihi cumpenipun dana.


Kinten-kinten makaten andharanipun perang batos, sisan minangka paring 'empati' lan tumut ngraosaken pangraos.


Perang Batos: Sarwa pas-pasan sacara ekonomi salebeting ndhatengi reuni tumraping pensiunan.


1. Kapenginan ingkang boten jumbuh kalian kamapanan.

Pratelan :

Salebeting manah, wonten raos kapang, kangen saged kepanggih, ngemuti samangsa kuliah, aben-ajeng kadang lami. Ananging, nalika nguningani ragad panginepan, tetunggangan utawi malah wragad urunan, pepenginan wau kedah punempet ...inggih, punika kasunyatan ingkang punadhepi/punajengi/punpanggihi. 


Swanten batos :

"Aku banget pengin teka, nanging aku kudu milih antarane salah siji utawa kabutuhan pawon minggu ngarep!"


2. Kuwatos pikantuk pitakenan lan raos boten kajen namung dados 'pupuk bawang'

Pratelan :

Gadhah raos kuwatos (cilik ati) pikantuk pitakenan-pitakenan ingkang ketingalipun entheng nanging awrat sangganipun, nunjem (nggrantes) ing nala, 'Sing penting teka ora usah mikir werna-werna.' kados boten saged punselaki.


Swanten batos :

>"Kena apa ora teka? lagi repot ya?"

"Kok ora gelem melu nginep bebarengan ing hotel..?"

_ kamangka wangsulanipun gampil nanging rekaos kaucapaken : "Aku ora sanggup melu jurung wragade."


3. Raos Minder lan raos pracaya dhirinipun kasruwe.

Pratelan :

Rikala rumiyin sabangku kuliah, samangke rumaos tebih ketinggalan sacara ekonomi.


Swanten batos :

>"Biyen kita padhadene mangan ing kantin, warung murah, gegojegan bab dhuwit caton wulanan. Saiki padha nunggang montor, dene aku numpak angkot/ojol menyang pasar."


Perang batos kados punika rekaos saged punmangretosi dening tiyang sanes ingkang boten nglampahi.

Kalamangsa kuwatos dipepoyok punwastani boten purun srawung, ananging sanes punika alesan kang gumathok boten purun tumut reuni, mbokmenawi punika ingkang boten saged punmangretosi dening tiyang sanes jalaran kawontenan ekonominipun ingkang beda (langkung mapan).


Kawontenan saben tiyang pancen benten-benten, mila prelu dipunbetahaken samidene njagi raos pangraosing manah, njagi pangraos amargi punika bab 'sensitip' ...."ahh iku gegedhen rumangsa wae kih..???"

Mugi migunani kangge bahan renungan!đŸ«°


JM, renungan dhiri, 04725

          ✍️ 𝖊đ•čđ•»đ–Š ✍️

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya