AJI LAN BIYUNGE SING KALALEKAKE

-

   kapacak uga ing https://www.facebook.com/share/p/15XSBVUhCv/

Ana bocah lanang jenenge Aji, urip bareng karo biyunge ing desa cilik kang tentrem. Bapake wis kapundhut nalika Aji isih cilik, lan biyunge sing ngopeni Aji kanthi sabar lan tulus. Saben dina, biyunge dodolan sayur ing pasar kanggo nyekolahake Aji.


Suwening-suwe, Aji saya gedhe lan mundhak pinter. Dheweke banjur mangkat menyang kutha niate golek gawean. Aji olèh pakaryan sing apik lan uripe saya makmur. Nanging emane, atine Aji saya adoh saka biyunge, malah kepara wus nglalekake.


Nalika biyunge menyang kutha arep niliki anake, eee.... Aji malah isin lan ethok-ethok ora kenal.

> “Nyuwun pangapunten, Ibu. Kula mboten mangertos panjenengan sinten,” ujare Aji klawan nyenyengit ora ngenakake ati.


Biyunge mung mlenggong, ngempet sakit penggalihe lan muwun. Nalika biyunge bali menyang desa atine remuk kelara-lara, nadyan mangkono tetep ndongakake anake.


Lumakuning wektu pirang taun kepungkur, Aji tansah urip ing kutha, nanging atine ora nate tentrem. Saben wengi, dheweke tansah ngimpi biyunge nangis. Aji wiwit rumangsa salah, nanging isin arep mulih.


Nganti sawijining dina, Aji ketaman lara nemen. Kanca-kancane ing kutha padha ninggalake. Ing wayah sepi, Aji nangis lan ndedonga marang Gusti Allah :

> “Dhuh Gusti… kawula sampun damel dosa ageng dhateng biyung kawula. Nyuwun pangapunten... paringana kawula wewengan wekdal kangge nebus dosa kawula...” 🙏


Ora suwe sawise iku, kahanane Aji saya luwih apik. Kanthi ati trenyuh, Aji netepake mulih menyang desa.


Nalika tekan desane, Aji mrangguli biyunge wis ringkih lan tansah nggoleki Aji saben dina. Aji nuli enggal lungguh ing dhipan lan nyekel astane biyunge,

> “Ibu… nyuwun pangapunten. Kula lare durhaka, sampun ngesupenaken dhateng panjenengan…”


Biyunge melekake paningal, mesem, lan ngendika lirih :

> “Aji... kowe wis bali, Nak… Ibu wis suwe ngapura awakmu…”

Aji nangis kenceng gero-gero lan ngungkep-ungkep ing dhadhane biyunge. Dheweke banjur mantep manggon ing desa lan ngopeni biyunge nganti tumekane pungkasan umure.


📜 Piwulang kang bisa kapethik,

Aja dadi Anak Durhaka nganti nglalekake apa meneh nganti nyia-nyia marang wong tuwa. Senajan wis lali, kasunyatane wong tuwa iku tansah ngapura lan ndongakake kabecikan kanggo kamulyane anake.


JM, bangun esuk, 12725

          ✍️ 𝖊𝕹𝕻𝖊 ✍️

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bêdhèkên, gawean apa sing bênêr2 paling jujur? " Aku lan kanca-kanca liyane padha mangsuli nanging jare ora ana kang bênêr.  Kanca mau njur cêlathu :" Sing bênêr yaiku tukang untu palsu !" Haha hahaaa...!! aku kabèh padha ngguyu. 🤪😜 Dhèwèke mènèhi pratelan dene wong-wong têtêp bae pêsên untu arêpa palsu. Amarga kajujurane, asil pakaryane diajèni lan dirêgani. Wong-wong gêlêm mbayar larang pancèn nora murah wragade gawe untu palsu. Wus salumrahe dene ana panêmu yèn ta kajujuran sêpisan bae dilakoni malah kaya-kaya ora kaprêlokake. Mula biasane padha ngandhakake dene golèk wong jujur iku angèl utawa arang tinemokake. Wus nora gumun manèh yèn ing kalangane pamarintahan akèh para pandhegane kang padha ngunthêt banjur katangkêp dening KPK lan kawirangake ing ngarêpe wong akèh. Prêlu kita sumurupi dene sabênêre ing jroning kajujuran uwong bakal pikolèh kajèn kèringan lan ...
Baca selengkapnya