KI SADA WANGI dongenging wong wicaksana

-

   kapacak uga ing https://www.facebook.com/share/p/1ArJQrxPgj/

Ing perenging gunung Sumbing, ana sesepuh wicaksana jejuluk Ki Sada Wangi. Dheweke urip samadya nanging dieringi lan diurmati, jalaran tansah mbiyantu warga mawa pangobatan tradisional, pitutur lan elmu kanuragan.


Pendhak dinane, warga teka lir gumanti, ana sing sakit, ana sing bingung oleh impen suker, ana uga sing kelangan enering urip. Ki Sada Wangi mbiyantu kang padha usada/jejampi klawan sareh lan sabar gawe rasa tentrem sarta tanpa pamrih. Senadyan umure wus sepuh, nanging badane tetep pideksa, lan saka anggane ngganda arum mula dijuluki Ki Sada Wangi.


Sawijining dina, ana bocah desa cedhak kono ilang ing alas pereng gunung Sumbing. Warga bingung lan golek pitulungan. Ki Sada Wangi melu-melu urun tetulung, migunakake olah batine lan bisa nemokake dununge si bocah, slamet ing jeron jurang kasaput pedhut.


Nalika kabar Ki Sada Wangi sumebar, teka Tumenggung Kerta, bangsawan sesongaran (angkuh) asal njaban tlatah Sumbing. Dheweke nganggep Ki Sada Wangi mung tukang sihir tuwa. Nuli Tumenggung nantang Ki Sada Wangi ngatonake kadigdayane ing ngarepe wong akeh. Nanging Ki Sada Wangi nampik, marga miturut panemune elmu ora kanggo dipamerake nanging diamalake.


Tumenggung Kerta kukuh ameksa, malah ngujuk-ujuki warga yen Ki Sada Wangi tukang sihir sing bisa gawe uwong manut karo Ki Sada Wangi. 

Ing wengi iku uga, datan dinuga ana bayu bajra gedhe teka saka arah puncak gunung Sumbing. Lemah horeg, wit-witan padha ambruk, lan sang Tumenggung ilang kasaput pedhut. Warga padha bingung, nanging Ki Sada Wangi tetep anteng, dheweke ndedonga lan ngupaya tetep sareh.


Kocapa esuke, si Tumenggung Kerta ditemokake lemes lan keduwung gela, dheweke ngakoni kaangkuhane nuli mratobat. Ki Sada Wangi ora nyimpen rasa kapidereng ngendhem memales, babar pisan ora mengkono. Dheweke mung ujar, "Gunung dudu dununge main-main kaangkuhan/umuk!"


Wiwit iku, warga sangsaya ngeringi lan ngurmati Ki Sada Wangi. Nanging kocapa esuk iku Ki Sada Wangi ngilang datan tilas, mung ganda arum kembang kenanga sing tinilar ing pondhoke. Warga kabeh mracayani yen Ki Sada Wangi ngrasuk lan dadi panjaga gunung Sumbing.


Eliding kang bisa kapethik, 

rahayu/begja wong kang duwe kawicaksanan lan pangerten/kapinteran, kosok baline aja meri marang kawasisane awit saka iku kang bakal njiret lan ngadoh lakune dhewe saka ing kaslametan.


Mangkono dongeng sing merakyat, ora ana gandhenge karo kapracayan, iku amung saderma dongeng hiburan kewala kang rineka-reka ngemu pangemut.


Salam tentrem rahayu kang tinemu

bagas saras kang linaras

Gusti amberkahi ... Aa_aamin A_aamin.. 🙏🙏

Nuwun, nuwun đŸ«°đŸ‘


JM, ngantyĂ„ ĂšsĂȘme radityĂ„, 15725

          ✍️ 𝖊đ•čđ•»đ–Š ✍️

          [^__^]  [^__^]



Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya