ESUK KANG ENDAH

-

   kapacak uga ing https://www.facebook.com/share/v/14DpAMe6Q5o/

Ing wanci esuk kang mubyar, langit biru lembut soroting raditya mbrabas nembus gegodhongan. Ing ngarep sawijining omah ana kanoman priya ngadeg karo mesem tangane dhadha-dhadha..., "Sugeng enjing!.." sapa aruhe semangat.

Ing suwalike jendhela kayu, jumedhul kenya ayu, males sapa aruhe sinungging esem manis, "Sugeng enjing uga!.." wangsulane sumringah.

Ora let suwe, kanoman sakloron iku sarujuk mlaku-mlaku bebarengan. Petamanan cilik ing cedhak pomahan kono dadi tujuane. Ing sadalan-dalan sakloron mlaku sajajar sinambi ngresepi hawa seger wanci esuk.

"Seneng bisa mlaku-mlaku wong loro kaya ngene iki, jeng!", clathune si priya karo nglirik.

"Iya mas, aku uga seneng!", wangsulane sang kenya, mripate katon blalak-blalak bening sajak sumringah.


Ora adoh saka kana, priya kanoman iku nudingi sawijining bangku taman ngisor uwit kang edum, "Yuk, lenggah ing bangku iku!"

"Hehe heeee... Ayuk..!", walese kenya iku karo mesem ngguyu nyekikik.


Sakloron katon bagya sumringah lungguh jejeran, ngenteke nggremete wektu. Ocehane manuk, goyange gegodhongan kesaput sumilire angin ambagekake sapasang titahe Pangeran kang lagi ambangun tresna. Sidhem tentrem lagi rumesep jroning pangrasaning nala sakloron.

Eee.... dumadakan, diganggu ana bocah cilik nyedhaki sapasang nom-noman lanang wadon sing lagi nggrambyang ing alam pangangen-angene.

Hemmm... bocah cilik iku pancene ora ngerti, nyedhaki karo nggawa botol mineral nawake polos, "Mas, mbak..., mangga unjukane segerrr..!" đŸ«Ž

Senadyan rada kaget, sakloron mesem, nampani klawan sumringah karo ngucapake matur nuwun, priya kanoman iku njur ngelungke lembaran dhuwit. Sagelas ombenan samadya (sederhana) krasa nyegerake ing esuk kang tentrem.


Sawuse cukup ngaso, sakloron ngadeg lan bali mlaku bareng. Jangkahe entheng, atine krasa bagya.

Sajroning lumaku mulih, sang kenya ndhangak nyawang langit sing wiwit padhang karo ujar lirih, "Hemm... wanci esuk kang endah lan segerr!" 

Sakloron mesem bebarengan, ngejarke dina iku lumaku kanthi tentrem ayem lan pangarep-areping - muga sesuk bisa mbaleni tetep saendah kaya saiki.


JM, lingsir wetan, 18725

          ✍️ 𝖊đ•čđ•»đ–Š ✍️

          [^__^]  [^__^]




Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya