PASADULURAN PRASAJA MUJUDAKEN SEJATOSING KABINGAHAN

-

   kapacak ugi ing https://www.facebook.com/share/p/1CQGxD8rFE/

Enjing punika langit sumunar, srengenge mlethèk saking brang wetan. Sumiliring bayu ngusap kulit, mbekta raos asrep lan tentrem. Joko, Danu, lan Wiro ingkang sami sekolah ing kitha kabupaten nembe preenan wangsul dhusunipun lan sampun sami kangsenan/janjian badhe pit-pitan sesarengan blusukan ngubengi sawah lan kampung.


Joko ngampiri griyanipun Danu, “Wis siap, Danu?” sapa aruhipun Joko kaliyan mesem.

Danu mangsuli, “Uwis! Ayo budhal, Wiro wis ngenteni ana pojok desa kaya biasane.”


Sasampunipun pinanggih, lare tiga nunten nyengklak pit gowes sareng. Marginipun sepen, namung kapireng swanten ocehanipun peksi lan swantenipun ban nyakruk kerikil. Kadhang sami gegujengan, sami nyanyi lon-lonan klawan sumringah ketingal semangat!


Dumugi ing pinggir lepen, sami mandheg sekedhap. Ing ngriku, angin langkung sumilir, toyanipun lepen mili bening, tetuwuhanan lan ron-ronan ijem sami goyang kadya jejogetan kesapu sumiliring bayu sajak mbagekaken. Saking katebihan ing pinggir lepen katon wonten lare jaler nembe mancing. Sareng sampun radi celak, jebulipun Karno kacanipun kang sekolahipun radi tebih ndherek paklikipun.

"Hae.., Karno piye kabarmu? suwe ra tau ngetok ya!", bengokipun Joko. 

"Iya! apik-apik wae!", wangsulanipun Karno klawan menyat ngadeg nyelaki kanca-kancanipun kaliyan nyalami. 


“Rasane kaya bali cilik meneh ya!,” ujaripun Danu lirih.

“Iya, ora ana sing luwih nyenengake ketimbang pit-pitan bareng kanca-kanca lawas,” sautipun Wiro.


Wekdal sangsaya siyang, senadyan hawanipun benter Joko sakanca nglajengaken madal pedhal gowes urut pinggir sawah. Ngancik wanci Luhur sami mantuk klayan manah bingah.

Cariosipun dinten punika badhe dados kenangan, amargi 

pasaduluran/pasadherekan kang prasaja punika mujudaken sejatosing kabingahan.


Pasaduluran nggadhahi pratelan ingkang jembar, boten amung sesambetan pasrawungan pribadi antawisipun ingkang nunggal tedhak turun kemawon, ananging langkung saking punika, 

PASADULURAN saged mratelakaken sesambetan raos pangraosing nala lan nunggal pamikiran antawis pribadi satunggal lan pribadi sanesipun salebeting sesarengan saiyeg saekapraya anggadhahi niyat kang sami/selaras (satu tujuan) kangge anggayuh punapa kang sinedya.

( sumangga kapriksanan ing

https://www.facebook.com/share/p/1Y1CvE2vid/ )


Salam tentrem rahayu kang tinemu

bagas saras kang linaras

bagya mulya kang pinanggya

Gusti amberkahi.... Aa_aamin A__aamin 🙏🙏


JM, lingsir wetan, 10725

          ✍️ 𝖊𝕹𝕻𝖊 ✍️

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bêdhèkên, gawean apa sing bênêr2 paling jujur? " Aku lan kanca-kanca liyane padha mangsuli nanging jare ora ana kang bênêr.  Kanca mau njur cêlathu :" Sing bênêr yaiku tukang untu palsu !" Haha hahaaa...!! aku kabèh padha ngguyu. 🤪😜 Dhèwèke mènèhi pratelan dene wong-wong têtêp bae pêsên untu arêpa palsu. Amarga kajujurane, asil pakaryane diajèni lan dirêgani. Wong-wong gêlêm mbayar larang pancèn nora murah wragade gawe untu palsu. Wus salumrahe dene ana panêmu yèn ta kajujuran sêpisan bae dilakoni malah kaya-kaya ora kaprêlokake. Mula biasane padha ngandhakake dene golèk wong jujur iku angèl utawa arang tinemokake. Wus nora gumun manèh yèn ing kalangane pamarintahan akèh para pandhegane kang padha ngunthêt banjur katangkêp dening KPK lan kawirangake ing ngarêpe wong akèh. Prêlu kita sumurupi dene sabênêre ing jroning kajujuran uwong bakal pikolèh kajèn kèringan lan ...
Baca selengkapnya