WEWALER PANGECER SADEAN GAS LPG 3 KG

-

     kapacak ugi ing https://www.facebook.com/share/p/18PSKReHTo/

Breaking News

Para pamiyarsa sutresna basa Jawi, Pamarentah resmi ngawisi/matesi warung-warung para pangecer sadean gas LPG 3 kg wiwit 01 Februari 2025. Wewaler kawicaksanan punika ngedahaken masarakat tumbas gas melon namung ing pangkalan utawi agen resmi Pertamina.


Dhosen Ekonomi Energi UGM Ngayogjakarta, Fahmy Radhi ngendikakaken bilih sawetawis wekdal kapengker warung-warung alit minangka pangusaha wong cilik ingkang pados rejeki mawi sadean LPG 3 kg. "Wewaler tumrap pangecer nyade gas LPG 3 kg estu-estu mejahi usahanipun!", ngendikanipun sacara resmi dinten Ahad, 2 Februari 2025.


Miturut Fahmy, pangusaha wong cilik saged kecalan pengasilan, tundhonipun saged njalari pangangguran lan ndadosaken tambahing barisan masarakat miskin. "Nglengkara/mokal minangka pengusaha wong cilik ngewahi dados agen pangkalan resmi Pertamina awit mbetahaken pawitan arta ingkang mboten sakedhik kangge mbayar tumbas LPG gunggungipun kathah", imbuh pangandikanipun Fahmy.


Fahmy, dhosen Ekonomi Energi UGM anganggep wewaler pamarentah ngawisi pangecer nyade gas LPG 3 kg kedah punwurungaken. Awit punika boten piturut janji presiden Prabowo kang mehak rakyat alit. Presiden Prabowo prayoga ngaruhaken (negur) dhateng Bahlil, Menteri ESDM supados boten mbingungaken.

Saderengipun, Yuliot Tanjung, Wakil Menter ESDM ngandharaken bilih tujuan aturan kalawau supados pasokan pener dhateng ingkang nggadhahi hak. Makaten ugi regi eceranipun piturut kaliahan aturanipun.

Dene Mensegneg Prasetyo Hadi benten malih pemanggihipun. Miturutipun, aturan kawicaksanan kalawau kangge nata peneripun subsidi ngener sasaran ingkang hak nampi subsidi.

Cathetan enggal :

  Kapireng ing warta Metro TV, estunipun Menteri ESDM katimbalan Presiden lan nampi arahan presiden wiwit sonten punika 4 Februari 2025 pengecer saged sadean malih gas LPG 3 kg punika lan badhe pundadosaken 'sub pangkalan' pundhaftar resmi.


Sumangga kita angiring lampahing kawicaksanan punika supados mboten mlenceng saking rel temahan suburipun tumindak korupsi.


Makaten para pamiyarsa menggahing warta ingkang saged kaaturaken ing ngarsa panjenengan sadaya. Mbokbilih wonten kirang patitis lan ceweting tembung, kula nyadhong agunging pangaksama... nuwun.. nuwun lan matur nuwun 🙏🙏 ✍️ 𝖊𝕹𝕻𝖊 ✍


sumber pawarta kadudud saking: https://www.tempo.co/ekonomi/lpg-3-kg-dilarang-dijual-di-pengecer-ekonom-ugm-usaha-kecil-terancam-gulung-tikar-1201852


JM, sandya kala, 04225

           ✍️ 𝖊𝕹𝕻𝖊 ✍️

           [^__^] [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya