URIP SARWA PRASAJA ING PADESAN

-

   kapacak uga ing https://www.facebook.com/share/p/167PQN9jsF/

  Esuk-esuk para kadang tani gegancangan menyang tegalan lan sawah nyangking pacul nyengkelit arit nindakake darmaning urip.

Swara jangkrik, kodhok, wangwung lan ocehan manuk cecruwit kadya aluning orkestra kang gawe anylesing wardaya / nala. Ing brang wetan suwalike ardi katon sumoroting cahya kuning sang bagaskara lingsem jemedhul kesaput mega.

Kumricik iline banyu ing galengan, manda-manda / lamat-lamat kluruke jago keprungu saka kadohan ing pojok desa.


  Bebarengan karo kadang sadesa kang Bejo kairing yu Surti sisihane gleyang-gleyong klaweyan tangane tumuju sawah garapan kagungane pak Lurah. 

Yu Surti nuju gubug pinggir sawah ndelehake bontotan sangu sauba rampene ing lincak. "Kang enteni sedhela kang aku melu!", yu Surti bengok lirih nusul bojone. Sakloron wiwit makarya, kang Bejo maculi sawah dene yu Surti njabuti suket diklumpukake nuli dibuwang.

Sahektar sawahe pak Lurah digarap wong loro sing dadi bageane kang Bejo lan bojone. Dene kadang tani liyane oleh garapan ing pathokan sawahe pak Lurah liyane. 


  Mangkono pendhak dinane kang Bejo lan yu Surti ngayahi kanthi temen sinambi ura-ura kairing ocehane manuk prenjak lan swarane jangkrik. Wanci sadurunge luhur leren olehe ngopeni sawah, kang Bejo lan yu Surti mlaku menyang sapinggire gubug mau saprelu reresik ing belik sing banyune wening. 


  Banjur wong loro wiwit mbukak bontotan sangu mangan lelawuhan jangan lodheh kekancan tempe bacem, gereh lan sambel. 

Yu Surti celathu, "Enak ra kang masakane?". 

"Wahh wuenak banget olah-olahanmu, begja lan muji sokur ya Gusti tansah paring rejeki bisa mangan saben dinane", wangsulane kang Bejo mesem. 

Rampung mangan kang Bejo udud bako klobot sing wus dilinting, yu Surti asah-asah ing belik.


  Kurang luwih sajaman bali garap sawah maneh, yu Surti sinambi luru keyong entuk sacething dene kang Bejo mbaleni macul. Para kadang tani nunggal sadesa iya padha sengkut nyambut gawe ngrampungake garapan bageane dhewe-dhewe. 


  Kira-kira ngancik jam papatan sore wayahe asar para kadang tani padha bubaran, samono uga kang Bejo lan yu Surti mulih kanthi rasa tentrem.


  Ya kaya mangkono gegambaran urip sarwa prasaja ing padesan adoh saka sumpeke keluk lan gumrebege tetumpakan.

Esem-esem sumeh lan semanak sapa-aruh sadawane dalan wiwit pojok kidul nganti lurung cedhak kali.

Kabeh isih asring gojeg jejagongan manyedulur guyub rukun gotong royong.


JM, bangun esuk, 16226

           ✍️ 𝖊đ•čđ•»đ–Š ✍️

           [^__^] [^__^]



Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembĂ© nampa kanugrahan pinaringan momongan putra umurĂ© lagi setahun. Kejaba iku duwĂ© ingon-ingon kĂ©wan asu HĂšrdher kang banget setya sing wus suwĂ© diingu wiwit isih srawung kekancan pepacangan. KĂ©wan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olĂšhĂ© gemati lan pracaya mring HĂšrdher-Ă© iku. Sawijining dina piyayi sarimbit mau lagi tindakan kanthi ninggalakĂ© putranĂ© hamung dikancani si HĂšrdher awit saking dipracaya. Tan kinira nalika piyayi sakloron mulih... iba kagĂštĂ©! ... jalaran nyumurupi ana tumĂštĂšsĂ© getih ing jogan. Sanalika lagi kĂšlingan yĂšn lali nora nyepakakĂ© pakan kanggo si hĂšrdher-Ă© mau. KagĂšt, tratapan lan kuwatir campur adhuk rasanĂ© ing pikiranĂ© sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya