PATRAP KITA NGADHEPI RUSAKING ALAM

-

     kaunggah uga ing https://m.facebook.com/story.php?story_fbid=2791114324501020&id=1684548218490975

Reribeding/rusaking alam apa marga Gusti paring paukuman mring manungsa? 

Sawernane kali padha asat garing, tuking banyu mandheg ora mili, lemah padha garing grangsang, sumber-sumber mineral dadi rusak dadekake lemah ora subur tetanduran padha garing. Apa iku kabeh tandhane Gusti paring pepenget bab paukuman marang manungsa?


Kosok baline, Gusti Allah uga ngrumuntuhake berkah. Ing palemahan kang maune katon garing dadi lemah kang ngeloh, Gusti yasa kedhung kang ana sumure sing mancur deres banyune bisa ngebaki kedhung lan ngileni sawah-sawah. Ing kene cetha dene berkah pinangkane Gusti piyambak lemah sing maune garing dadi subur lan makmur.

Gusti Allah iku Maha Adil. Panjenengane paring paukuman marang wong kang blasar lan ngrumuntuhake berkah mring umate kang satuhu ngugemi dhawuh lan pepakone Gusti. Wong-wong kang binerkahan sangsaya ngrembaka akeh sarta datan kekurangan rejekine.


Bali mring pitakonan ing dhuwur, apa bener reribeding/rusaking alam iku mujudake ukumane Gusti awit saka paripolahe manungsa?

Kira-kira bisa kita golongake :

 1. Reribed rusaking alam jalaran Gusti paring bebendu mring kadurakaning manungsa, contone kayata kutha Sodhom & Gomora.

 2. Rusaking alam jalaran polahing manungsa iku dhewe, kayata kobongan alas, banjir lan longsor iku awit kasalahane manungsa negor wit-witan nganti gundul sabanjure ora ana uwit sing bisa gawe reseping banyu udan.

 3. Rusaking alam lindhu gedhe amarga sacara alam ora bisa diselaki kayata mbledhose gunung lan obah mingkede lempengan lemah sajroning bumi. 


Salah sijine bab kang bisa kita patrapi lan lakoni yaiku kita prelu nggagas pikiran lan tindak tanduk kita. Apa tumindak kita minangka umate Gusti kita luwih mentingake kasrakahan, utawa kita minangka umat utusanne Gusti ngopeni mrih lestarine alam. 


Mulane iku ayo kita mratobat sabab bisa-bisa reribed rusaking alam lan sawernane pageblug klebu Covid-19 mujudake pepelinge Gusti Allah. 


Tumrap kita kang ora ketaman langsung, kita wajib aweh pitulungan mring kadang kita kang lagi nandhang cilaka lan lelara. Bisa werna2 wujude upamane keklumpuk dhana, mituhu dhawuhe petugas pamong pamarentah kanthi nurut nglakoni aturan2 protokol kasehatan lsp lsp.


JM, sirep bocah, 14920

        dening eNPe


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya