PAK TUWA LAN KEMUL

-

       kaunggah uga ing https://m.facebook.com/story.php?story_fbid=2786529734959479&id=1684548218490975

Ana pak tuwa papa, sandhangane lungset mlebu sawijining toko misuwur. Para langganan toko iku (racake sugih2) nyumurupi pak tuwa iku sajak krasa gumun. Nanging ora mangkono tangkepe tumrap sing duwe toko.


Sing duwe toko aruh-aruh grapyak, :"Ngersakke napa pak?"

Si pak tuwa clathu : "Aa..nu.. Kula ajeng tumbas kemul 6 lembar kangge kula lan anak bojo kula. Nanging...,", wangsulane pak tuwa gojag-gajeg.

Sing duwe toko : "Nanging kenging napa pak?"


"Ku..kula namung gadhah yatra 100 reyal. Napa cekap kangge tumbas 6 lembar kemul? Boten usah sing sae, sing baken saged kangge njagi awak saking hawa asrep", ujare pak tuwa polos.


Sing duwe toko aweh wangsulan : "Oooh... cekap kok pak! Kula gadhah kemul saking Turki, regine namung 20 reyal mawon. Yen bapak tumbas 5 lembar, kula sukani hadhiah setunggal lembar."

Lega rasane pak tuwa iku raine sumringah. Dheweke ngelungake dhuwit 100 reyal, njur nggawa mulih kemule.


Kancane sing duwe toko wiwit saka mau delengke lan ngrungoke wawan rembug iku banjur takon mring sing duwe toko.

"Apa ora salah iku? Kowe kandha kemul iku apik dhewe lan larang regane sing ana tokomu iki. Wingi kowe adol nyang aku 450 reyal. Kenapa saiki kok adol nyang wong tuwa iku mung 20 reyal?", protese karo gumun.


Sing duwe toko mangsuli : "Bener! pancen regane kemul 450 reyal, lan tak dol ora kurang ora luwih. Nanging wingi aku dodolan karo uwong piyayi sugih, saiki aku dodolan karo wong sing diutus Gusti Allah".

"Atas asmane Allah! Sejatine aku ora melik dhuwite sethithika. Nanging aku nedya njaga pangrasane wong tuwa mau supaya ora ngrasakake yen nampa sedhekah nganti ndadekake isinne."


"Sejatine aku uga kepingin wong tuwa mau lan kulawargane kasingkirna saka adheme hawa sing sedhela maneh bakal teka. Mangkono uga aku duwe pangajap Gusti Allah nyingkirake aku lan kulawargaku saka bebendu panase nraka.


JM, sirep bocah, 09920

       dening eNPe


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya