SIMBOK MENYANG PASAR

-

   kapacak uga ing https://www.facebook.com/share/p/15u3iDGN2N/

Esuk iki hawané isih seger, srengéngé durung padhang banget. Ing desa cilik sing tentrem, Simbok wis tangi luwih risik tinimbang biasané. Dhèwèké nyepakaké sarapan, nggorèng tempe, nyawisaké wedang jahe anget, lan nata kranjang mligi kanggo menyang pasar.


Sawisé rampung sarapan, Simbok nganggo kebaya alus lan jarik sing resik. Ing kranjangé ana sayur asem, klapa, lan jajanan liyane. Nalika padha dandan, Rini, putriné sing ayu lan pinter, nyedhak lan takon alus, "Simbok, arep menyang ngendi kok macak peni?", takone Rini sajak karo gumun awit ora kaya biasane.


Simbok mesem, banjur mangsuli, "Simbok arep menyang pasar, Nduk. Arep dodolan asil kebon lan tuku kebutuhan pawon."


Rini nyengir lan ngesun tangane Simbok, "Ati‑ati Simbok. Aja lali oleh-olehe permen asem sing abang kanggo aku ya!... hehe heheee.."


Simbok mesem manis, nerangké, "Nggih Nduk cah ayu, yen ana rejeki, mesthi Simbok tuku." karo ngaras pipine Rini, pancen ana rasa katresnan ing pocapané.


Simbok mlaku tekan pasar liwat dalan satapak, krungu swara pitik, kumricike banyu kalenan lan ngrasake lingsir cahya srengéngé sing anget. Ing kono, dhèwèké ketemu karo kancané, Mbok Darmi. Padhadene guyon lan ngaruhke kabar panèn, kahanan desa, lan bocah-bocah sing saiki wis padha gedhé-gedhé.


Pasare wis wiwit rame. Simbok nggelarke dodolane, nawakaké sayuran lan jajanan kanthi praupan sumringah lan grapyak. Racake para sing padha blanja ketarik carane tawa-tawa iku. Sawisé kabeh dodolane entek, Simbok tuku beras, lenga goreng, lan… permen abang kanggo Rini anake sing ditresnani.


Ing omah, Rini wis ngadhang ngarep-arep. Ora let suwe, Simbok teka lan Rini langsung mbageke, "Niki Simbok!" aruh-aruhe karo mesem sumringah.

Simbok ngelus sirahé, banjur kandha, "Esemmu, Nduk, iku sing gawe Simbok paling bungah lan bagya."


Ing dina kuwi, sawijining kaluwarga ing desa ngrasakake rasa sokur, sambung rasa tentrem, lan rasa katresnan kang ngrembaka ing sajroning atiné.


JM, ngantyå èsême radityå, 26625

          ✍️ 𝖊𝕹𝕻𝖊 ✍️

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya