PANGUPAYA BAKUL TEMPE

-

   kapacak ugi ing https://www.facebook.com/share/p/1BksNWxG7p/

Ing sapinggiring desa alit simbok bakul tempe pendhak dinten damel tempe piyambak lan punsade ing peken kecamatan wetan desanipun. 

Sawijining enjing umun-umun kados adat sabenipun simbok bakul tempe tata-tata nedya mbekta tempenipun dhateng peken.


Nanging, piyambakipun kaget nalika nyumurupi tempenipun dereng dados taksih setengah mateng. Kamangka pekenipun bikak enjing lan menawi sapunika boten kasade, dinten punika boten angsal yatra kangge nyekapi kabetahan kulawarganipun.


Salebeting kuwur / bingung, goreh, piyambakipun lajeng ndedonga klawan sumungku nenuwun dhumateng Gusti Allah supados tempenipun salebeting mlampah dhateng peken ingkang kinten-kinten satunggal jam-an (amargi tebih) sageda enggal dados.


Kanthi estu-estu kebak pangajengan, piyambakipun mbuntel lan ngrukupi tempenipun mawi kain lan plastik ngangkah supados tetep anget. Ing lebeting manah, bakul tempe punika pitados  lan yakin bilih Gusti badhe ngijabahi donganipun.


Dumugi peken, piyambakipun nyelehaken tenggokipun nunten mbikak buntel tempe-tempenipun..., kocapa iba kaget tempenipun taksih dereng dados kadya nalika bidhal saking nggriya. Raosipun sedhih lan gela sanget rumaos donganipun boten kinabulaken. Wusana, piyambakpun mantuk boten pikantuk punapa-punapa.


Ananging, salebeting mlampah kepanggih ibu-ibu kang padatan dados lenggananipun lan ngendikakaken kaleresan nembe betah tempe setengah mateng badhe pungoreng dados mendhoan. Ibu punika mborong sadaya tempenipun klawan punregèni langkung inggil.


Simbok bakul tempe temtu ngucap muji sokur sanget. Piyambakipun kawiyak manahipun (sadar, bs.Ind), nadyan donganipun boten kinabulaken kadya ingkang punpengini, nanging Gusti maringi lintu lan kanugrahan ingkang langkung sae. Kadhang punapa kang kita anggep gagal, boten mangretosi punika margi tumuju rejeki ingkang langkung ageng, inggih amargi berkahipun Gusti piyambak.


Eliding carios bakul tempe menika kang saged kapethik :

1. Sampun ngantos mutung pasrah senadyan wonten ing kahanan kang boten jumbuh kaliyan pepenginan.

2. Tetepa ngupados lan ndedonga, nadyan punapa kang sinedya dereng ketingal.

3. Pitadosa bilih Gusti kagungan rancangan ingkang langkung sae katandhing punapa kang kita angen-angen.

4. Estu, kadhang kasil kang sinedya saged awujud beda kang datan kininten.

Salam tentrem rahayu ingkang pinangkanipun saking Gusti Kang Ma'wilasa.... Aa__aamin A_aamin 🙏🙏


JM, pajar sidik, 02625

          ✍️ 𝖊𝕹𝕻𝖊 ✍️

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya