SEPATU PARINGANE BAPAK

-

   kapacak uga ing https://www.facebook.com/share/p/16Mb7Fc4GM/

Ing sawijining dhusun, urip ibu lan anake (12 taun) jenenge Panjul. Bapake wis kapundhut Gusti rong taun kapungkur awit kacilakan ing pagaweane. Wiwit iku, ibune gregut/mempeng nyambut gawe nampa jaitan kanggo nyukupi kabutuhan pendhak dinane.


Panjul saben dina budhal sekolah nganggo sepatu sing wis amoh, warnane lethek, tapak sepatu ana sing bolong-bolong. Senadyan kerep dibebeda/dipoyoki kanca-kancane, Panjul mung bisa meneng bae. Dheweke ngerti Ibune tansah tekuk-ringkel kanggo urip padinane.


Sawijining dina, sekolah nganakake tandhing nulis layang kanggo wong tuwane.

Panjul gawe layang kanggo Bapake, 

> "Bapak, kula kangen sanget. Kula pengin crita kathah bab sekolah. Ugi bab sepatu lami kang sejatosipun sampun boten pantes, nanging kula tetep ngangge awit ngendikanipun Ibu kita kedah ngopeni kanthi temen punapa kang kita gadhahi. Kula janji badhe dados lare kang kiyat kados Bapak. Nyuwun donga pangestu supados ing tembe kula saged adamel bagya Ibu."


Layang iku agawe para guru trenyuh lan padha mendel. Nuli guru wali kelase Panjul maosake layange Panjul nalika panutupan acara tandhing. Akeh wong tuwa murid lan murid-murid liyane padha mbrebes mili ngrungokake.


Sabanjure dina-dina candhake, kepala sekolah nimbali Panjul lan maringake sawijine kothak, ing jerone isi sepatu anyar sapasang lan ana sapotong layang, isine, 

> "Panjul, tampanana iki tandha asih saanane saka bapak-ibu guru. Terusa ya dadi anak sing kuwat lan kebak semangat! Bapakmu mesthi bombong!"


Panjul nampani karo ngekep kothak iku klawan netesake eluh ing mripate. Dheweke mulih nuli ngrangkul Ibune, dudu kok merga sepatune anyar, nanging merga dheweke ngrasake dene ing donya iki isih akeh uwong apik lan Bapake tetep sugeng ing njero atine. Karo mbrebes mili swaraning ati Panjul, "Matur nuwun! awit keparengipun Gusti punika sepatu paringipun Bapak!" 🫴


Bagya ya Panjul, sing sregep sinau  mugya dadi anak sing bisa nuladhani anak-anak liyane lan migunani kanggo wong akeh. Tetep semangat! ✊️👍


JM, pletheke srengege, 05625

          ✍️ 𝖊𝕹𝕻𝖊 ✍️

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya