TENTREM RAHAYU TUMRAPING ALAM-DONYA -pangajeng-ajeng-

-

   kapacak uga ing https://www.facebook.com/share/p/19rH734HWf/

Têntrêm rahayu tumraping alam-donyå

ora pådhå mêmungsuhan, pangrusakan kandhêg sêdhelå

prå pangungsi bali mulih omahirå.

Såpå paring tulådhå, ayo pådhå jawat astå. 🤝


Têntrêm rahayu tumraping alam-donyå

ora ånå manèh panacad lan pamådå

ora ånå rêgêjêgan nanging samyå angaksåmå.

Såpå paring tulådhå, ayo pådhå jawat astå. 🤝


Têntrêm rahayu tumraping alam-donyå

pangucap lêlamisan wus sirnå, 

dumadi trêsna-asih guyub rukun samyå.

Såpå paring tulådhå, ayo pådhå jawat astå. 🤝


Para kadang sutresna, reroncen tigang pada gurit punika sakingdene kaprihatosan kita minangka umat titahing Gusti ngawuningani wontenipun paprangan ingkang nggegirisi dumadi ing lowahan bumi puniki.

Memengsahan dening saperangan panguwaosing satunggaling negari ingkang srakah saking bebujuking kadurakan iblis, ngantos kamitegan merjaya sasama umating Gusti. Sanget ngiris raosing nala sinten kemawon ingkang taksih nggadhahi raos kamanungsan. Awit saking kedadosan punika saged kawastanan lan kaecap bilih sang panguwaos estu ambek-siya numpes satunggaling golongan/ras bangsa kang sinebat pamusnan "Genosida". Ingkang dados kurban boten namung saradhadhu kemawon nanging seranganipun nasar dhateng masarakat, nyirnakake tiyang sepuh, ibu-ibu dumugi lare-lare alit. Sinaosa samangke nembe kendel lan mendha anggenipun angkat bedhil, nanging kadosipun namung sawetawis wekdal samidene tukar ijol-ijolan tawanan perang. Ngantos kapan anggenipun mendel angkat bedhil dereng temtu saged kalajengaken dumugi karukunan sayektosipun.


Ing pangajeng-ajeng, mugya katentreman sayektos sageda winujud tuwin sageda ambekta karahayon salaminya...

Gusti amberkahi.... Aa_aamin A__aamin 🙏🙏


JM, esuk kêkês, 29125

            ✍️ 𝖊𝕹𝕻𝖊 ✍️

            [^__^]  [^__^] 




Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya