RANCANGAN NATIONAL DADi KAWIGATENE MASARAKAT

-

    kapacak uga ing https://www.facebook.com/share/p/1GbuAJ9F12/

Murwani mecaki ing warsa anyar iki, akeh para satriya pamengkune nagari wetan kajiret/ginayut ing prakara kang kurang tata.

Apa iki mratandhani yen ing nagari +62 iki bakal tumanduk tangtangan kang kudu denadhepi. Yen pancen kaya mangkono, ayo kita warga negari kinasih samya gegandhengan tangan ngawat-awati, ngiridake(ndherekake) lan njajari(ngiringi) sesolahe lan prabawane para pamengkuning negari supaya ora ndleya lan mblasar saka paugeran.


Gagasan lan rancangan kang sinedya (program kerja) temtu kita sarujuk yen iku kabeh duwe gegayuhan kang becik lan mulya kanggo karahayon lan kamakmurane bangsa tumuju Indonesia Emas. Gegayuhan kang mulya iki dening para satriya negari ya para pamengku kwasa dalah para pamong praja tuwin pandhega (pemimpin, tokoh) masarakat mujudake gegayuhan luhur kang prelu sinengkuyung dening kabeh warganing masarakat.


Salah siji tuladha kang lagi dadi sorotan lan dadi kawigatene masarakat yaiku rancangan national program 'Makan Bergisi Gratis' (MBG). MBG temtu mujudake rancangan kang mulya kanggo ngudi nyiapake generasi taruna murih dumadine generasi sehat lan cerdas panerus bangsa.

MBG mbutuhake wragad ora sethithik mawa rancangan blanjan (anggaran) negara. Ing kene bakal ana sela-sela rengganging ngingerake bea kanggo nyedhiani paket sarapan/madhang sing kudu disiapke saben dinane, upamane dianggarake sakothake sarapan Rp.15 ewu tekan nggone ngecakake Rp.11 nganti Rp.12 ewu. Katone mung sewu rong ewu sakothake nanging yen dipingake sasekolahan, sakelurahan lan sateruse wah bisa angel ngetunge... heemmm ... iki sing diarani ngingerake (nylewengake) dhuwit anggaran alias korupsi. Nah, kanggo jaga-jaga supaya ora kedadean kabeh pehak kudu nengenake kejujuran kanggo anggayuh mulyaning tujuan kang sinedya ing MBG kasebut. Aja nganti ing tembene, kepireng ana pejabat kajiret perkara sing ora kepenak dirungokake yaiku korupsi.


Pangarepane masarakat ngenani MBG ana ing pundhake kabeh kita minangka warga negara lan dadi tanggung jawab bebarengan tanpa pilih asih (klebu para pamengku kwasa) murih bisa gangsar lumakune. Mugya Gusti ngijabahi lan amberkahi panjangkau kang mulya, sarwa kabeneran kang sinedya.... Aa_aamin A__aamin 🙏🙏


JM, lingsir wetan, 8124

           ✍️ 𝖊𝕹𝕻𝖊 ✍️

           [^__^] [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya