PENGABDIAN GURU SEJATI

-

   kapacak uga ing https://www.facebook.com/share/15kC7BWiPN/

Kamardikan pendhidhikan nasibe kejepit lan disisihake ing ngisor longan kreteg. Salah sijine kang tinemokake yaiku ing ngisor longan kreteg dalan tol Rawamangun Jakarta. 


Bocah-bocah generasi panerus bangsa umur watara 5 tekan 10 th kumpul padha sinau mawa linambaran terpal plastik padha ngrungokake wulangane sawijine wanita jenenge Valentina Sastrodihardjo, relawan pemrakarsa Rumah Belajar Pelangi Nusantara, wetonan UNJ sing wus +/-13 th ngabdi minangka pamong lan pamulang ing Omah Pasinaon iku.


Valen madegake omah pasinaon longan kreteg kasebut sacara lelahanan/gratis wiwit taun 2010. Valen ngadhepi maneka tantangan lan pacoban, wiwit seka nyisihake gaji honorer Rp.800 ewu kanggo nyukupi wragad kuliahe ing UNJ lan nyepakake piranti pasinaone kanggo anak-anak longan/kolong kreteg.

Ora amung tantangan wragad sing diadhepi, ning sing abot dhewe yaiku kulawargane utamane sang bapa sing ora sarujuk karo tumindake mau.

Ngrasakake wragad kurang nyukupi, Valen direwangi dadi tukang ojek online (ojol) ngurbanake wektu lan tenagane kanggo nyukupi kapreluan omah pasinaon ing ngisor longan kreteg mau. Awit Valen anggone memulang tansah nggawa piranti/alat-alat pasinaon lan ditambah sangu panganan kanggo anak-anak dhidhike.... heemm mendah mulya luar biasa lelabuhane dalah pengabdiane tanpa pamrih minangka pamulang (guru) sejati. 👍👍


Valen saiki ora dhewekan, direwangi dening relawan uga yaiku Indira lan Talita Manda. Prelu kaaturake ing kene Indira wetonan Rumah Belajar Pelangi, saiki sinau ing bangku SMA. Ya! Indira anak dhidhike Valen, ing sela-sela wektu preine/longgare mbiantu tilas gurune ing omah pasinaon longan iku.

Dene Talita, minangka mahasiswi Universitas Dian Nusantara (Undira) uga ngrewangi, dheweke ujar seneng yen bisa srawung karo cah cilik apa meneh bisa sinambi muruki memulang bocah-bocah.

Kejaba iku ana uga sing jenenge Eva Dipanti, relawan Cerdas Cemerlang asale saka Kutai Wetan, Sangata, Kaltim melu nyengkuyung pamulangan ing omah pasinaon longan kreteg iku.


Nah, yen digandheng karo program MBG (Makan Gratis Bergisi) mesthine pantes nganggo banget malah yen omah pasinaon longan ngisor kreteg kaya sing dipandhegani dening Valen iki prelu oleh bantuan MBG (ora mung sekolah-sekolah resmi bae). Muga-muga bapak Presiden Prabowo dalah para pamengku kawicaksanan pamarentah lan para tokoh-tokoh pawiyatan migatekake, kausik krenteg penggalihe kanggo nglantipake (mencerdaskan) generasi putra bangsa sing kapinggirake lan kejepit ing longan ngisor kreteg tol iki. 


Sumangga! 👏

Rahayu kang sarwa tinemu

bagas saras kang linaras.

Para sanggya kadang kang kinasih

mugya berkahing Gusti tansah rumuntuh mring kita umat kang kinasih.... Aa_aamin A__aaminn 🙏🙏


sumber inspirasi : https://www.rri.co.id/indepth/206/dunia-pendidikan-terjepit-kolong-jembatan


JM, lingsir kulon, 24125

           âœïž 𝖊đ•čđ•»đ–Š ✍

           [^__^] [^__^]



Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya