PANALANGSA LAN PAMRATOBAT

-

   kapacak uga ing https://www.facebook.com/share/p/1C56JWwKLk/

  Jamane sarwa maju samengko iki, kita kabeh nyumurupi dene ing ngendi-endi salumahing bumi padha ngalami karusakan alam werna-werna, ya banjir bandhang, gunung padha njeblug, kobongan gedhen-gedhen, lemah jugrug, hawa panas sauwen-uwen, paperangan kang gawe kasangsaran lan kapralayan, lelara ngambra-ambra (covid19, lan virus ĺiyane). Kang dadi pitakonan, kabeh iku apa ora bisa ditanggulangi dening manungsa? 

Panalangsa lan pamratobat iku kang prayoga temtu!.

Kabeh iku kedadean krana rusake bumi ya marga gedhe durakane manungsa titahe Gusti Allah saobah-osiking atine tansah ala bae tumindake, blasar saka dhawuhe Gusti. Manungsa padha memungsuhan, paprangan ing palagan, anak memateni simbok, simbok nyiksa anake, bapake ngedol anake wedok lan sadhengah kdrt (kekerasan dalam rumah tangga). Manungsa padha keklumpuk bandha kang dudu hake (korupsi), rayahan kakuwasan kut-sikutan lan liya-liyane tumindak ora pinuji.

  Kadya jamane Nabi Nuh, Gusti Allah bareng mirsa sepira gedhene durakaning manungsa, Panjenengane sekel/cuwa ing penggalih. Gusti nuli netepake samubarang kang katitahake kasirnakake saka salumahe bumi, manungsa dalah kewan ingon-ingon, apadene kewan liyane. Gusti Allah sekel penggalihe lan keduwung enggone nitahake manungsa ing bumi, manungsa padha mblasar uripe sarwa nerak angger-anggere Gusti. 

  Nulad saka cariose Nabi Nuh mau, tandha-tandha gonjang-ganjinge bumi ing jaman samengko iki, kita kabeh jroning telenging ati, ora bisa seselak yen iku mau sejatine wiwitane bebendune/dedukane Gusti Allah katetepake lan kadhawahake mring manungsa. Mulane ayo kita padha mratobata bali sumungku, ngabekti, bangun turut marang dhawuh lan wewalere Gusti, aja katerus-terusake anggone mursal uripe, nyadhong pangapura nyuwun panuntune lan bali marang dalan kabenerane Gusti.

Sumangga kita samya ndedonga sarta ngrepekaken Kidung Panalangsa (ref.KPJ 52),

"Gusti, sèstu kulå nalångså, awit asring mbalelå,
damêl sêkêl galih Padukå, kêlu ombyaking donyå."

"Dhuh Gusti, kawulå nyuwun apurå, sinucèkkên sing doså.
Mugi manah kulå kaenggalnå, mituhu Padukå."

"Sèstu kulå angraõsakên awrat dening mõmõtan.
nging awit Padukå nulungi, tan awrat babar pisan."

"Sèstu kawulå ngraõsakên ing katrêsnan Padukå,
wit Padukå tan negakakên kulå kawratan doså."

Aa_aamin A__aamin .... 🙏🙏

Gusti ambêrkahi! 🙏


JM, lingsir ratri, 19125

           ✍️ 𝖊𝕹𝕻𝖊 ✍️
           [^__^] [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya