PAGÊLARAN SÊNI LAN BUDÅYÅ ING G-20 GWK

-

   kapacak uga ing https://m.facebook.com/story.php?story_fbid=pfbid02avMpxsUHmxAjJqVQ2FmzcaVDF62BmZgYTPhNARxaSntyy7tBSnmv4M1yfqSS8zuRl&id=100053518547586


Presiden RI Jokowi ing dinå Selåså bêngi 15Nop'22 sumêdyå atur pambagyå pårå tamu agung pandheganing nêgåri KTT G-20 ing adicårå Gala Diner. Pamarèntah Indonesia nyawisake bujånå dhaharan dalu kang pratyekå (istimewa) såhå pagêlaran sêni lan budåyå nuswantårå ing Garuda Wisnu Kencana (GWK) Bali. Ing gêlar pasugatan budåyå mau mendah nêngsêmake pårå pamirså iyå pårå tamu undhangan agung arupå tari-tarian kairing musik dhaerah såkå Sabang tumêkaning Merauke. Kabèh iku ciptå riptaning pårå sêniman dhaerah kondhang kang kaanggit lan rinacik klawan elõk.


Tarian Garuda Paksi, Kecak lan Bujang Ganong katõntõnake ing wêwêngan kawitan klawan ngusung kêkitir 'Challenge' tantangan. Banjur kasambung lagu 'Damai' nggambarake katêntrêman kang kairing måwå tarian Kijang, Pecak, Kupu-kupu lan Enggang. Tarian kasêbut ngusung kêkitir 'Nature' Alam, salaras karo kekitir Presidensi G-20 Indonesia.


Pasugatan candhake ngusung kêkitir 'Recover Together' Pamulihan Bêbarêngan, mitõntõnake tarian kêndhang mligi (khas) Indonesia yåiku kêndhang Sundhå, Beleq suku Sasak lan Dõl Bengkulu, ugå ngusung kêkitir 'Alam'.


Tarian Topèng Bêtawi, Bêrlian Bawo, Randai, tari Lala lan tarian Papua ugå angiringi ing pagêlaran kang bangêt elõke. 


Ing pungkasan, klawan kêkitir 'Recover Stronger' bali luwih kuwat, luwih prakoså /roså kadyå sêsorahe mbah Marijan "Roså! Roså! Roså!" 💪💪💪. Ing pagêlaran panutup sumaji lagu Malam Indah kairing tari Kipas lan Payung sartå musik dhangdhut. 🎶🎵💃💃


Sakabèhane tamu utusan agung nêgårå-nêgårå KTT G-20 katõn ing swasånå rêgêng kêbak ing sukårênå ngrahapi dhêdhaharan kang cumawis dening pårå pramusaji pilihan sinambi midhangêtake lan migatèkake sêni budåyå pawiwahan agung kanthi pêrmati lan katõn guyub rukun ing antarane tamu nêgårå siji lan sijine. Pårå pamirså kabèh ora ånå sing mingkêt panyawange tumuju panggung.


JM, ngarêpake plêthèking bagaskårå, 161122

                 ✍️ eNPe ✍️

               [^__^] [^__^]




       







Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya