GENDUL, sawijine pepindhan

-

   kapacak uga ing https://www.facebook.com/share/SJnNfeUDkKhwEnRW/?mibextid=oFDknk

Gendul,

> Yen kaisi banyu mineral, regane 3 ewunan..

> yen kaisi jus buah, regane 10 ewunan..

> yen kaisi madu, regane bisa atusan ewu..

> yen kaisi lenga wangi, regane bisa ngancik yutan..

> nanging.., yen diiseni banyu peceren, walahhh..bisa-bisa mlumpat menyang tong larahan -dibuwang!-..., babar pisan ora ana ajine, ora diregani.


Padha dene direngga/dipajang ing jroning GENDUL, nanging beda ajine, amarga "ISI" sing ana jerone pancen beda.


Kaya pepindhan ing dhuwur, tumrap kita mangkono uga, minangka manungsa kabeh padha anane..!

Kang mbedakake yaiku, isen-isene watak lan bebuden kang ana ing dhiri kita sowang-sowang.

Ngelmu, seserepan lan wewatakan kang bener kang gawe mijile bebuden luhur iya bebuden sing becik lan bener.


"Sukses ora diukur saka ing kalungguhan sing kita gayuh, nanging sanyata marga bisa nanggulangi saka kakisruhan rekasane samangsa kita anggayuh kalungguhan iku mau."


Eliding pepindhan kang bisa kacathet, kira-kira mangkene :

Lamun kita ngiseni jroning ati tansah anggelani wanci kapungkur lan rasa kuwatir ing tembe wektu, meh bisa kapesthekake kita ora nduweni rasa sokur ing dina samengko iki. Anane mung anggeluti rasa getun, gela lan rasa was-was. Wusanane iki sing bisa anjalari ngalang-alangi bisane anggayuh luwih anuju kamajuan.


Udan lan bayubraja tansah kita adhepi jroning lelakoning urip, ananging...

"Udan gedhe iku mijudake tantangan urip! Ora prelu nyenyuwun udane mandheg, nanging cukup ndedonga nyuwun 'payung' kita tambah kukuh sentosa."


Eling! Umur iku kadyadene 'es batu'  dipigunakake utawa ora bakal tetep encer lan dlewer.... dilakoni utawa ora umur kita tetep suda seka jatah sing wus katetepake.


🔹️ Ana 3 bab sajroning urip kang ora bisa dibaleni : 

       Wektu, Pocapan lan Wewengan (kesempatan, bs Ind). Jaganen iku supaya ora keduwung ing burine.


🔹️ Ana 3 bab kang bisa ngrusak uriping manungsa :

        Kanepson, Umukan lan Adrenging Sesengitan (dendam bs Ind). Singkur lan singkirana iku!


🔹️ Ana 3 perkara sing ora kena ilang :

          Pengarep-arepan, Kaeklasan lan Kajujuran. Reksanen 3 perkara iku!


🔹️ Ana 3 perkara sing aji banget dhewe :

         Asih, Katresnan lan Kabecikan. Pertinen iku kabeh!


🔹️ Ana 3 perkara jroning urip sing ora ana pepesthene :

          Kasugihan, Kawijayan lan Impen.


"Samangsa isih ana turahan jatah umur kita, udinen lan lakonana KABECIKAN saakeh-akehe kang bisa kita lakoni."


Seratan ing nginggil kajarwaaken saking,

sumber : https://www.facebook.com/share/p/q5FoTQidi63ynnqA/?mibextid=oFDknk


JM, pajar sidik, 13724

          ✍ eNPe ️✍️

          [^__^]  [^__^]

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya