UDAN_NGGAWA_BERKAH

-

 . kapriksana ing https://m.facebook.com/story.php?story_fbid=pfbid02pZ1P6w5Q3s5SnP2rU5sFQU1UsEhWqZTTBqBR3i5B8KdDTqegRgkCcnP6TqPizGsSl&id=100053518547586&mibextid=Nif5oz


  Ing wekasan iki pendhak sore ngarepake surup asring ana udan deres kaesokake saka langit, para kadang akeh kang wus duwe rancangan werna-werna njur padha ngersula lan gremengan malah nganti ana sing nepsu ora ana juntrunge.

Ing ngisor iki ana carita kang bisa kita semak kanthi permati , mangkene caritane :

  Ana sawijining sudagar sugih mulih saka pasar nunggang jaran anggawa ubarampe dodolane sarta sakanthong dhuwit kang dikalungake ing gulune jaran. Dumadakan udan deres kaya kaesokake saka langit nganti sandhangane teles kalebus uga ubarampe liyane klebu kanthonge sing isi dhuwit. Satekane ing tengah ngalas kang sepi, dumadakan ana begal kang gawe kagete kanthi ngathungake bedhil lan tanpa omong apa-apa njur ngunekake bedhile. Ananging apa sing kadadean, amarga bedhile teles kena banyu udan mimise ora bisa mbledhos dadi ya bedhile mejen.  Si sudagar tanpa mikir maneh banjur anggebrakake jarane gegancangan mlayu rikat nganti bisa oncat saka begal mau.

  Sawuse slamet si sudagar jroning ati ngudarasa : ”Aku iki jan gemblung tenan, nganti muring-muring  kodanan saking derese kang sejatine iku kanugrahane Gusti Allah nggawa berkah nganti dadi lan selamete aku ora katrajang mimis bedhile begal mau, coba yen ora udan deres aku bisa tiwas kena mimis bedhile begal mau.”

Sudagar ngrumangsani kaya mangkono njur celathu : “Dhuh Gusti kepareng Paduka paring agunging pangaksama dene kawula ngantos grundelan kalawan ngawon-awon lan ngipat-ipati Paduka”

Piwulang kang bisa kapethik mangkene :

  Sanadyan kita manungsa kang lagi nandhang kasusahan utawa bilai, elinga yen kadadean mau Gusti Allah kagungan Karsa liya kang luwih becik tumraping kita, sayogya kalawan tulusing ati tansaha caos sokur ing kahanan apa bae!

Salam tentrem rahayu kang pinangkane saka Gusti Allah, Gusti amberkahi kita samya!  Amin Amin 🙏🙏


JM, esuk sidhem, 30323

          ✍ eNPe ✍

          [^__^]  [^__^]

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembĂ© nampa kanugrahan pinaringan momongan putra umurĂ© lagi setahun. Kejaba iku duwĂ© ingon-ingon kĂ©wan asu HĂšrdher kang banget setya sing wus suwĂ© diingu wiwit isih srawung kekancan pepacangan. KĂ©wan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olĂšhĂ© gemati lan pracaya mring HĂšrdher-Ă© iku. Sawijining dina piyayi sarimbit mau lagi tindakan kanthi ninggalakĂ© putranĂ© hamung dikancani si HĂšrdher awit saking dipracaya. Tan kinira nalika piyayi sakloron mulih... iba kagĂštĂ©! ... jalaran nyumurupi ana tumĂštĂšsĂ© getih ing jogan. Sanalika lagi kĂšlingan yĂšn lali nora nyepakakĂ© pakan kanggo si hĂšrdher-Ă© mau. KagĂšt, tratapan lan kuwatir campur adhuk rasanĂ© ing pikiranĂ© sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya