KASUGIHAN MUJUDAKE NUGRAHA

-

   kapacak uga ing https://m.facebook.com/story.php?story_fbid=pfbid089FUChcHjwoqphukZEPDcW6E6EXbmF6S4yzg2qHoiDrQKCCAQi6q2Cy7zaGanwN5l&id=100053518547586&mibextid=Nif5oz


Ora sethithik manungsa uripe amung ngemenake tujuan urip kanthi numpuk bandha donya kang wusanane duwe sipat 'ngabdi' marang kasugihane. 

Pangeran Gusti Allah ora maleri/ngawisi wong sugih kang migunakake kasugihane kanggo kaslametane sapepadha. Ananging samangsa wong owel ora gelem andum rejeki mring liyan iku kang andadekake prakara.


Iya mangkono iku wong banjur srakah nora loma mring sapepadha malah ngangsa terus yen isih kurang apa kang wus diduweni, uripe sarwa nggrangsang. 

La kahanan kaya mangkono iku kang bisa njalari tumindak blasar nora pinuji adreng kepengin nglumpukake bandha kadonyan kanthi ngunthetake kaskayane nagara ya kang kaaran 'korupsi'. 


Wis lali yen kasugihan iku sejatine kanugrahan kang mujudake titipane Gusti Allah supaya bisa kanggo rahayuning urip ing pasrawungan bebarengan asih asah asuh mring sapepadha umate Gusti.


Pranyata dene wong kang ngandhelake lan angel ninggal marang bandha kasugihane mau ngatonake yen bandha kadonyan kadadekake brahala lan bisa gawe bilai uripe ing tembene.  Malah ing wektu samengko iki akeh para panumpuk bandha padha ngatonake kasugihan pamer ing ratmaya rumangsa bombong tumindak ngetrapake macak urip (gaya hidup,Ind.) sarwa wah mubra-mubru. Ora buddhi (sadar,Ind.) yen solah tingkahe natoni atine rakyat cilik kang uripe sarwa prasaja kepara urip papa.


JM, lingsir wetan, 13323

         ✍ eNPe ✍

        [^__^]  [^__^]

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembĂ© nampa kanugrahan pinaringan momongan putra umurĂ© lagi setahun. Kejaba iku duwĂ© ingon-ingon kĂ©wan asu HĂšrdher kang banget setya sing wus suwĂ© diingu wiwit isih srawung kekancan pepacangan. KĂ©wan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olĂšhĂ© gemati lan pracaya mring HĂšrdher-Ă© iku. Sawijining dina piyayi sarimbit mau lagi tindakan kanthi ninggalakĂ© putranĂ© hamung dikancani si HĂšrdher awit saking dipracaya. Tan kinira nalika piyayi sakloron mulih... iba kagĂštĂ©! ... jalaran nyumurupi ana tumĂštĂšsĂ© getih ing jogan. Sanalika lagi kĂšlingan yĂšn lali nora nyepakakĂ© pakan kanggo si hĂšrdher-Ă© mau. KagĂšt, tratapan lan kuwatir campur adhuk rasanĂ© ing pikiranĂ© sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya