MENJANGAN NGERTI MALES BUDI

-
 
Ing pinggiran alas ujug-ujug ana menjangan mlayu nyedhaki sawijining omah sing ing platarane ana bocah cilik lagi dolanan. Si menjangan tanpa nyuwara nyrudug bocah cilik mau kanthi nyantholake klambine si bocah ing sungune njur digondhol mlayu ngadoh saka omahe. Lha ya sanalika bocahe jerit-jerit mbengok seru saking wedine.
 
Ibune krungu banjur metu saprelu aweh pitulungan. Nanging dheweke meruhi dene putrane digondhol menjangan. Enggalan si ibu mlayu nututi menjangan, ora let suwe nemokake putrane nangis gemlethak ing pasuketan. Si ibu njur methukake bocah iku lan ngekep klawan bungah dene putrane slamet karo netesake eluhe mripat.

Enggal-enggalan sang ibu nggendhong putrane bali tumuju omahe. Nalika meh tekan, kandheg sedhela..., iba kagete nyumurupi omahe kebrukan uwit gedhe banget sing thukul sakburi omahe. Omahe sabagean rusak warata karo lemah. Payone omah remuk awut-awutan ora karuwan kae. Pitik lan sadhengah kewan ingon-ingone padha mati.
Ohh.... , kepriye dadine yen dheweke karo putrane isih nang ngomah... "Dhuh Gusti... Puji sokur Paduka paring pangayoman ngantos kawula kekalih kalis saking kadurbalan punika".

Sanalika iku sang ibu kelingan kadadean setaun kepungkur, sawijining dina ana menjangan mlayu-mlayu tumuju omahe sang ibu iku amarga kaweden dioyak pambedhag (pemburu bs ind) sing arep mbedhil. Sang ibu mesakake banjur ndhelikake krana nutupi menjangan iku nganggo lembaran-lembaran kain saketemune.
Nalika si pambedhag tumeka ing omah iku ora nemokake menjangan.., ngira yen menjangan wus mlayu liwat lawang buri omah. Si pambedhag banjur lunga karo njaluk ngapura awit wus gawe repot si ibu mau.
Sawuse si pambedhag lunga adoh, sang ibu bukak kain panutup lan ngejarke menjangan iku bali tumuju alas.

Menjangan iku kayadene bisa lan ngrasakake yen dheweke wus dislametake dening wanita iku katitik wektu menjangan iku ora mandheg anggone bola-bali noleh marang wanita iku kaya-kaya arep ngomong matur nuwun.                                                                              

Sang ibu iku ora ngira yen menjangan iku bisa kelingan kabecikane. Menjangan embuh kepriye bisa ngerti yen ana uwit gedhe sing arep ambruk ngebruki omahe sang ibu iku nganti setaun candhake menjangan iku bali teka kanggo nylametake ibu lan putrane.

Sang ibu iku banjur ujar jroning ati, "Nylametake nyawa titah liyane padhadene nylametake awake dhewe".

Para sutresna PBJ, sumangga saged mendhet piyambak-piyambak werdining carios ing nginggil. 
Nuwun 🙏

JM, lingsir wengi, 20720
        dening eNPe

Komentar

Posting Komentar

Postingan populer dari blog ini

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya