LUMPATANE WALANG

-

Ana walang (sabanjure sinebut walang A) sing wus suwe sinengker jroning kothak ing sawijining dina bisa metu saka kothak kasebut.  Saking dene senenge dheweke mlumpat-mlumpat ngrasakake bebas. 
Satengahing lakune ketemu walang liya (sinebut walang B), walang A gumun banget kenapa walang B iku bisa mlumpat luwih dhuwur lan luwih adoh tinimbang dheweke.                                                                                  
Kadereng pingin ngertine si walang A nyedhaki walang B iku, njur pitakon : "Kepriye ya kok kowe bisa mlumpat luwih dhuwur lan luwih adoh, kamangka awake dhewe iki ora beda adoh umur lan wangune awak?"
 
Wangsulane walang B iku, "Ing ngendi bae kowe sasuwene iki manggon? Mangertia, kabeh walang sing urip ing alam bebas mesthi bisa nglakoni kaya apa kang dak tumindakake mau." 
Sanalika kaya dielingake si walang A lagi ngrumangsani dene sasuwene iki ya kothak iku sing dadi njalari dheweke ora bisa mlumpat adoh lan dhuwur kaya walang B sing uripe ing alam bebas iku.
 
Piwulangan kang bisa kita pethik, kita minangka manungsa datan eling kepara asring ora tau eling  nglakoni kaya tumindake walang A. 
Kahanan sakiwa tengen kita sing ora becik klebu ala banget, kayata nampa pangina, pinggeting kedadean ing wektu kepungkur, wurung oleh asil terus-terusan, omongan tangga-tanggane lan kanca-kancane lsp, kadidene anggawe kita kakurung ana ing njero kothak kang nguwatesi samubarang kaluwihan kang sejatine kita duweni.
 Kita luwih ngandel lan ngulu mentah-mentah apa kang diomongake dening wong-wong liya mau tanpa mikir maneh apa ya bener apa sing dikandhake pancen ala banget? 

 Sing mrihatinake maneh kita luwih pracaya karo kandhane liyan tinimbang pracaya mring awake dhewe... paribasane kadya "kodhog ing njero bathok klapa". 
Saking dene ora nate pitakon mring ati nuranine apa kita bisa mlumpat luwih dhuwur lan adoh krana nyingkirake kothak iku? Apa ora kepikir yen kita bisa uwal saka sarwa kekurangan mau lan bakal bisa anggayuh pepinginan kang kaanggep mung angen-angen bae? 

 Bekja lan mujia sokur dene kita diparingi sangu Gusti Allah akal lan budi kanggo upadi lan anggayuh, ora amung pasrah ngono bae apa kang kita alami. Mulane pra kadang, kita terus ngupaya  anggayuh apa kang dadi impenan kita kang becik. 
Perih pancen, kesel pancen, ananging lamun kita wus tumeka ing puncak, kabeh pangurbanan iku bisa kita saur lunas. Wusanane sarwa marem kang rinasa.
 
Sukses kang kita gayuh gumantung saka tekad kita kang kuwat! 
SUMANGGA!   SEMANGAT-SEMANGAT!
 
JM, gagat bangun, 14720
        dening eNPe

Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KAJUJURAN ANGGAWA KINURMATAN

-
  kapacak balen saka ing  https://www.facebook.com/share/p/18TmQVctc3/ Ana kanca pitakon :" Coba bĂȘdhĂškĂȘn, gawean apa sing bĂȘnĂȘr2 paling jujur? " Aku lan kanca-kanca liyane padha mangsuli nanging jare ora ana kang bĂȘnĂȘr.  Kanca mau njur cĂȘlathu :" Sing bĂȘnĂȘr yaiku tukang untu palsu !" Haha hahaaa...!! aku kabĂšh padha ngguyu. đŸ€Ș😜 DhĂšwĂške mĂšnĂšhi pratelan dene wong-wong tĂȘtĂȘp bae pĂȘsĂȘn untu arĂȘpa palsu. Amarga kajujurane, asil pakaryane diajĂšni lan dirĂȘgani. Wong-wong gĂȘlĂȘm mbayar larang pancĂšn nora murah wragade gawe untu palsu. Wus salumrahe dene ana panĂȘmu yĂšn ta kajujuran sĂȘpisan bae dilakoni malah kaya-kaya ora kaprĂȘlokake. Mula biasane padha ngandhakake dene golĂšk wong jujur iku angĂšl utawa arang tinemokake. Wus nora gumun manĂšh yĂšn ing kalangane pamarintahan akĂšh para pandhegane kang padha ngunthĂȘt banjur katangkĂȘp dening KPK lan kawirangake ing ngarĂȘpe wong akĂšh. PrĂȘlu kita sumurupi dene sabĂȘnĂȘre ing jroning kajujuran uwong bakal pikolĂšh kajĂšn kĂšringan lan ...
Baca selengkapnya