TEBIH SAKING RAOS KAADILAN (njagake endhoge si blorok)

-

   kapacak ugi ing https://www.facebook.com/share/p/16zEeC4Vzw/

 Kita nguningani bilih ing gesang pasrawungan rat nyata kathah kedadosan ingkang tebih saking raos kaadilan ingkang tansah dados pangangen-angen sesarengan.

Kadosta : wonten tiyang ingkang kaparingan kasugihan lan kaurmatan, mubra-mubru ngantos boten kekirangan punapa kang dados kakaremanipun, nanging kosok wangsulipun kathah tiyang sarwa gesang kecingkrangan, kangge nedha kemawon kedhungsangan /rekaos sanget.

 Kawusananipun Allah boten ngeparengaken tiyang punika anikmati /angangge barang-darbèkipun wau, nanging estunipun tiyang sanes kang ngginakaken. Emanipun tiyang punika taksih kemawon mburu kasugihan gesang kadonyan. Kadosipun gesang ndadosaken tanpa piguna lan damel seriking tiyang kathah.


 Manungsa racakipun anggenipun nyambut-damel kalawan ngrekaos nedya pados upa /pangan, kamangka pepenginan wau dereng kantenan keturutan sadaya lan ketungka ngunduri yuswa nandhang sakit ngantos ajalipun. Punika sadaya ugi tanpa piguna, sami kaliyan mburu angin. 

Pramila langkung prayogi nikmati barang ingkang sampun pundarbeki, ketimbang ngantu-antu barang kang dereng kantenan puntampi (njagake endhoge si blorok), temahan ngesupenaken gesangipun ngasanes kang taksih prelu punentasaken saking kekiranganipun.


Salam tentrem rahayu kang tinemu

bagas saras kang linaras

bagya mulya kang pinanggya

berkahing Gusti kang tinampi

Aa_aamin 🙏 A__aamin 🙏


JM, lingsir wengi, 10925

          ✍️ 𝖊𝕹𝕻𝖊 ✍️

          [^__^]  [^__^]

 


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ Nglekarå dhik, cikbèn ra kråså luwemu. Lalèknå Dinå Kamardikan, mêrgå pancèn kitå TAN NATE MARDIKA. 😭 Turuå dhik ing ndhuwur wêtêng LUWE-ku, karêbèn kakang nyritake endahe cita-citane PAHLAWAN kang MARDIKAKAKE kitå såkå KASANGSARAN, cikbèn impènmu endah datan sanisthå rågå kitå. 😭 Mêrêm lan turuå dhik, supåyå ora kõk rungu manèh nggragase KORUPTOR ngluwihi SÊGAWÕN kêluwèn. 😭 Turua dhik, bène pådhå ngentèkake milyaran ing istana angayubagyå KAMARDIKAN êmbuh kanggo såpå. 😭 Jêrite anak ngisõr krêtêg, bocah gubug-gubug pinggir kali. 😭 Ayo prå pamõng pråjå yå pårå pangwåså, enggal êntasnå kamlaratan lan kasangsaran ing bumi Nuswantårå. Êndi janjimu, êndi nuranimu tumrap kamakmuran bångså sing kaumbar ngambrah-ambrah? 🫡😭 JM, awan gêmplang, 13825             ✍️ 𝖊𝕹𝕻𝖊 ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wêktu-wêktu wêkasan iki akèh kêdadean alam awujud bilai kang nggêgirisi. Ngarêpake gumantine mångså akèh kasêngsaran kang tiniba bilai, iyå banjir ing ngêndi-êndi agawe rusake samubarang, gunung mblêdhõs awune ambyar têkan ing plataraning nagari iki. Mulad-mulading bêbêndu kang wus kadhawahake dening Pangèran awit iyå såkå polah tingkahing manungså kang mblasar såkå Dhawuhe. Gumlêgêre swårå kaprungu mawantu-wantu. Anggêgirisi ing madyå ratri kang sêpi. Sêpining jalmå manungså kang wus pådhå kêtilêp ing impèn. Glegerrr!…krosakk!…gembrõjõg têkaning tirtå tan kanyånå-nyånå. Anrajang nasak-nasak gubug dalah ngêbaki sêsawahan kang lagi ngarêpake mångså panèn. Ambyar sanalikå kêprungu jêriting båpå biyung lan tangising bocah-bocah. Sawêrnaning ubarampe amblas kèli sauruting ombaking tirtå. Samudåyå lêlabuhan prå kadang sirnå tan ninggal sawijiå. Ibå nglangut ngrêrujit-rujit råså rasaning k...
Baca selengkapnya