NAMPIK SUMBANGAN UWOS

-

   kapacak ugi ing https://www.facebook.com/share/p/19FUUrbTEH/

Sawijining warga nampik nampeni sumbangan uwos sakarung 20 kg.

Nampik/nolak, tembung kang kanggenipun sebagean tiyang kathah sisah punpahami kamangka si warga wau griyanipun gubug reyot ing dhusunipun.


Tumraping tiyang kathah, bab panolakan puniki nuli sami ngewa-ewa ujar, "Wis mlarat, kakehan nggaya ora gelem nampani upasraya (sumbangan, biyantuan)."


Ananging, kocapipun kapireng wangsulanipun warga wau, kita saged methik piwucal kang adi sanget, wangsulanipun makaten : "Beras kula teksih khathah, kula boten pendhet bantuan beras 20 kg niku, lha wong beras kula teksih enten, sing riyin nggih dereng telas."


Cobi pungatosaken, saking caranipun nyukani wangsulan katingal prasaja boten gadhah pendhidhikan inggil lan misuwur. Nanging saking wangsulanipun wau ngetingalaken mendah mulya isi manahipun lan boten neka-neka. Mratandhani piyambakipun nggadhahi jiwa langkung mulya katandhing kaliyan saperangan kathah kita kang gesang langkung mapan.


Manahipun resik, kang tansah rumaos cekap lan narima boten nate ngraosaken kakirangan. Gadhahi wewengan lan hak kangge pikantuk kapreluan kang langkung (anut ukuraning tiyang limrah) boten punpigunakaken, piyambakipun ngukuhi satembung ingkang dipun kasupenaken dening tiyang kathah inggih punika tembung "cekap".


Inggih estu!, warga punika rumaos cekap punapa kang sampun lan taksih dipundarbeki, boten malak lan melik aliyas boten srakah andarbeki mring barang kang langkung kathah.

"Yen sapiring wae bisa gawe kita wareg, kenapa kudu srakah njupuk piringe wong liya sing luwih mbutuhake?"


Kinten-kinten kados makaten alesanipun warga punika boten mendhet uwos wau, mila kita yakin bilih 'piyambakipun yakin wonten pehak warga sanesipun ingkang taksih keluwen lan mbetahaken tinimbang piyambakipun.'


Makaten kinten-kinten piwucal ingkang saged kita pethik. Satunggaling tapukan lan tampekan ing rai tumrap kita sadaya, utaminipun para wakil rakyat kang pikantuk bantuan tunjangan uwos 12 yuta sawulan nanging taksih rumaos kirang!❗️ hemmm ....miris sanget nyumurupi datan kaadilan kang punsandhang rakyat kang kacarios dipun wakili. Malah kalihan joged-joged nalika mireng bilih gaji lan tunjangan griya badhe mindhak kuwaaa...thah sanget-nget đŸ« đŸ„ž... jomplang sanget katandhing kasangsaranipun rakyat đŸ€­đŸ€”


Mugya pamangku kawicaksanan kawiyak ati nuraninipun matrapi kadadosan ingkang nusuk raosing kaadilaning masarakat kathah, temahan sageda anggayuh mujudaken masarakat adil makmur kadya ingkang punamanataken dening UUD'45 (dede Ujung-Ujunge Dhuwit lho!😜)

Nuwun nuwun,

mugya sih karahayoning Gusti tansah rumentah mring kita bangsa Indonesia..... Aa_aamin 🙏 A__aamin 🙏


JM, lingsir wengi, 03925

          ✍️ 𝖊đ•čđ•»đ–Š ✍️

          [^__^]  [^__^]




Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Awit saking karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sa...
Baca selengkapnya

JÊRITAN NGISOR KRÊTÊG

-
Gambar
    kapacak uga ing  https://www.facebook.com/share/p/1GER4dLe1x/ NglekarĂ„ dhik, cikbĂšn ra krĂ„sĂ„ luwemu. LalĂšknĂ„ DinĂ„ Kamardikan, mĂȘrgĂ„ pancĂšn kitĂ„ TAN NATE MARDIKA. 😭 TuruĂ„ dhik ing ndhuwur wĂȘtĂȘng LUWE-ku, karĂȘbĂšn kakang nyritake endahe cita-citane PAHLAWAN kang MARDIKAKAKE kitĂ„ sĂ„kĂ„ KASANGSARAN, cikbĂšn impĂšnmu endah datan sanisthĂ„ rĂ„gĂ„ kitĂ„. 😭 MĂȘrĂȘm lan turuĂ„ dhik, supĂ„yĂ„ ora kĂ”k rungu manĂšh nggragase KORUPTOR ngluwihi SÊGAWÕN kĂȘluwĂšn. 😭 Turua dhik, bĂšne pĂ„dhĂ„ ngentĂškake milyaran ing istana angayubagyĂ„ KAMARDIKAN ĂȘmbuh kanggo sĂ„pĂ„. 😭 JĂȘrite anak ngisĂ”r krĂȘtĂȘg, bocah gubug-gubug pinggir kali. 😭 Ayo prĂ„ pamĂ”ng prĂ„jĂ„ yĂ„ pĂ„rĂ„ pangwĂ„sĂ„, enggal ĂȘntasnĂ„ kamlaratan lan kasangsaran ing bumi NuswantĂ„rĂ„. Êndi janjimu, ĂȘndi nuranimu tumrap kamakmuran bĂ„ngsĂ„ sing kaumbar ngambrah-ambrah? đŸ«ĄđŸ˜­ JM, awan gĂȘmplang, 13825             ✍️ 𝖊đ•čđ•»đ–Š ✍️             [^__^]  [^__^]
Baca selengkapnya

BÊBÊNDU

-
  kapacak uga ing  https://www.facebook.com/share/p/16ywXV1z8b/ Nyumurupi ing wĂȘktu-wĂȘktu wĂȘkasan iki akĂšh kĂȘdadean alam awujud bilai kang nggĂȘgirisi. NgarĂȘpake gumantine mĂ„ngsĂ„ akĂšh kasĂȘngsaran kang tiniba bilai, iyĂ„ banjir ing ngĂȘndi-ĂȘndi agawe rusake samubarang, gunung mblĂȘdhĂ”s awune ambyar tĂȘkan ing plataraning nagari iki. Mulad-mulading bĂȘbĂȘndu kang wus kadhawahake dening PangĂšran awit iyĂ„ sĂ„kĂ„ polah tingkahing manungsĂ„ kang mblasar sĂ„kĂ„ Dhawuhe. GumlĂȘgĂȘre swĂ„rĂ„ kaprungu mawantu-wantu. AnggĂȘgirisi ing madyĂ„ ratri kang sĂȘpi. SĂȘpining jalmĂ„ manungsĂ„ kang wus pĂ„dhĂ„ kĂȘtilĂȘp ing impĂšn. Glegerrr!…krosakk!…gembrĂ”jĂ”g tĂȘkaning tirtĂ„ tan kanyĂ„nĂ„-nyĂ„nĂ„. Anrajang nasak-nasak gubug dalah ngĂȘbaki sĂȘsawahan kang lagi ngarĂȘpake mĂ„ngsĂ„ panĂšn. Ambyar sanalikĂ„ kĂȘprungu jĂȘriting bĂ„pĂ„ biyung lan tangising bocah-bocah. SawĂȘrnaning ubarampe amblas kĂšli sauruting ombaking tirtĂ„. SamudĂ„yĂ„ lĂȘlabuhan prĂ„ kadang sirnĂ„ tan ninggal sawijiĂ„. IbĂ„ nglangut ngrĂȘrujit-rujit rĂ„sĂ„ rasaning k...
Baca selengkapnya