WELINGE BAPA MARANG PUTRA MANTUNE

-

   kapacak uga ing https://www.facebook.com/share/p/15JCDjrbv7/?mibextid=oFDknk

- "Sing sepisanan ngrangkul putriku iku aku, dudu sliramu."

- "Sing sepisanan ngesun putriku iku aku. dudu sliramu."

- "Sing sepisanan ngopeni putriku iku aku, dudu sliramu."


* Sinambi ngusap eluhe 🤧, sang bapa mbacutake, 

"Ananging, aku nduweni panjaluk (pangarepan) marang sliramu dadia bojo kang ngancani putriku saumur uripe."

"Aja nganti dheweke kok sia-sia lan kok larani, utamane pangrasaning ati!"

"Lan sawanci ing dina mengkone sliramu wis ora tresna meneh, aja kok kandhakake dheweke, ning cukup mung kok aturke marang aku! Aku bakal ngajak nggawa mulih!" 😍🤧


Ukara ing nginggil dhawuh welingipun bapa nadyan ketingalipun sapala, nanging anggadhahi makna ingkang lebet saha salaras kalihan Catur Weda ing salah satunggaling adicara urut-urutan tiyang sepuh mantokaken putrinipun kinasih.

Catur Weda mujudaken satunggaling acara dhawuhipun bapa dhateng lare jaler calon putra mantunipun :

1. Hangayomi/Mengayomi : 

  Minangka kepala kulawarga, putra mantu kudu lan wajib ngayomi sisihane kanthi golonging ati. Jejering ngayomi iku ateges padha karo wong tuwa ngayomi lan nggulawenthah putra-putrane tanpa pamrih krana linandhesan sih-katresnan. 

2. Hangayani/menafkahi/ menyejahterakan : 

  Minangka kepala kulawarga, putra mantu kudu lan wajib nduweni tanggung jawab nyukupi kabutuhan lair batin marang sisihane.

3. Hangayemi/memberi rasa nyaman :        

  Minangka kepala kulawarga, putra mantu kudu lan wajib bisa tansah gawe rasa ayem tentrem jroning bale somahe temahan sisihane tansah ngrasakake ditresnani dening garwane. 

4. Hanganthi/memimpin : 

  Minangka kepala kulawarga, putra mantu kudu lan wajib bisa mandhegani/mimpin lumakune bale somahe klawan wicaksana bebarengan sisihane.


Makaten ringkesing sekawan/catur dhawuh ingkang punparingaken dhateng putra mantunipun rikala sang bapa ngeculaken putri kinasihipun badhe emah-emah awit punpek/pundarbeni/punsuwun dados sisihanipun dening lare jaler.


Sumangga, sugeng ngayahi darmaning tiyang sepuh anggulawenthah tumraping putra-putrinipun kinasih.

Gusti amberkahi.... Amin Aminn.. 🙏🙏


JM, pajar-sidik, 101224

           ✍️ 𝖊𝕹𝕻𝖊 ✍️

           [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

🎶 ISIH DUWE WÊKTU 🎶 𝕰𝖇𝖎𝖊𝖙 𝕲. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitå anggurit batin minångkå sêsulihing jiwå lan nålå tulus eklas. Mupung isih duwe wêwêngan tumrap kitå nglumpuke sanguning margålenå ing ngalam kalanggêngan. Kitå têmtu emut kasangsaran kang ngrêrujit ati kênåpå kudu pårå kadang kang kapilih marak? Têmtu ånå hikmah kang biså kitå pêthik minångkå wakiling jiwå payo ngêningake ciptå.   Kitå kudu muji sokur dene isih pinaringan wêktu êmbuh nganti kapan ora ånå sing biså ngetung. Mung margå Sih katrêsnan dalah keparênge Gusti kitå isih biså nyawang sang suryå. Marang sukêt alang-alang dalah lintang  kitå biså nyobå nyilih cathêtan-E. Tumêkèng nganti kapan  wêktu kang isih kèri iki? Kabèh gèlèng-gèlèng, kabèh cêp klakêp kabèh mangsuli ora ngrêti. Kang prayogå hamung enggalå mangèstupådå mupung kitå isih kasinungan wêktu. Sõrõgan :  nyobi njarwakakên saking syair 🎶 têmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembé nampa kanugrahan pinaringan momongan putra umuré lagi setahun. Kejaba iku duwé ingon-ingon kéwan asu Hèrdher kang banget setya sing wus suwé diingu wiwit isih srawung kekancan pepacangan. Kéwan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olèhé gemati lan pracaya mring Hèrdher-é iku. Sawijining dina piyayi sarimbit mau lagi tindakan kanthi ninggalaké putrané hamung dikancani si Hèrdher awit saking dipracaya. Tan kinira nalika piyayi sakloron mulih... iba kagèté! ... jalaran nyumurupi ana tumètèsé getih ing jogan. Sanalika lagi kèlingan yèn lali nora nyepakaké pakan kanggo si hèrdher-é mau. Kagèt, tratapan lan kuwatir campur adhuk rasané ing pikirané sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya